Реал Мадрид не само што не успеа да го искористи вчерашниот кикс на Барселона кај Сосиедад, туку „Кталевите“ треба да се среќни што успеааја да освојат бод на тешкото гостување на „Местаља“ кај Валенсија.

Мечот заврши 1-1, благодарение на спасителот сезонава на Реал, Французинот Карим Бензема. Тој најдобро се снајде по мешаницата пред голот на „лилјаците“ во буквално последниот напад, откако и голманот на Реал, Куртоа се најде во противничкиот шеснаесетник.

Претходно водството за Валенсија дојде во 78 минута преку Солер.

За три дена на програмата во Шпанија е големото дерби „Ел Класико“ меѓу Реал Мадрид и Барселона, а пред тој дуел двата тимаа се на делба на првото место со по 35 бода. Првично мечот беше одложен поради нередите во Каталонија.

Фиорентина во последните моменти од последниот меч од 16 коло во Серија А успеа да се спаси од нов пораз.

„Виолетовите“ благодарение на голот на 19-годишниот Влаховиќ стигнаа до нерешени 1-1 со фаворитот Интер која водеше уште од 8 минута, со голот на Борха Валеро.

Интер беше подобар противник во првиот дел. Лаутаро Мартинез постигна погодок за 0-2, но истиот беше поништен после неколку минути поради офсајд позиција во која се наоѓал неговиот асистент, Ромелу Лукаку.

Токму Белгиецот Лукаку во вториот дел промаши две извонредни шанси, па казната ги стигна „нероазурите“ во 92 минута.

Младиот Влаховиќ сам истрча контра и неодбранливо биеше кон голот на Хандановиќ кој бранеше одлично во текот на целиот меч.

По 16 одиграни кола, битката за титулата е многу замрсена. И Интер и Јувентус имаат ист број бодови, по 39.
Зад нив е Лацио со 33, па Рома со 32.

Севилја пред своите навивачи на стадионот „Санчез Писхуан“ вечерва доживеа неочекуван пораз од екипата на Ваилјареал со 2-1. Со тоа беше прекината серијата на Андалузијците од 8 меча без пораз.

Овогодинешното засилување за „подморницата“, Албиол донесе почетно водство во 13. минута.

Во 61 минута Ел Хадади израмни на 1-1, а победата на Вилјареал беше дело на Екамби во 74. минута.

Со денешната победа, Вилјареал се искачи на 13 позиција, додека Севилја остана трета со бод повеќе од Гетафе на четвртата позиција.

Во останатите денешни натпревари во Ла лига, Селта Виго и Мајорка ги поделија бодовите играјќи 2-2, а со истиот резултат заврпи и пресметката меѓу Еспањол и Бетис.