Спорт
Познато е колку Баерн треба да плати за Чаби Алонсо
![](https://makfax.com.mk/wp-content/uploads/2024/02/1255929089.0.jpg)
Томас Тухел ќе го напушти Баерн на крајот од сезоната. Клубот од Минхен е на второто место во Бундеслигата, има осум поени помалку од Баер Леверкузен, има негатива д еден гол против Лацио по првиот натпревар од осминафиналето на Лигата на шампионите. Поради лошите резултати Тухел ќе си замине една одина пред истекот на договорот.
Баерн, бара нов тренер, а меѓу најголемите желби му е тренерот на Баер, Чаби Алонсо. Шпанецот на клупата на тимот на Леверкузен седи од август 2022 година и оваа сезона бележи фантастични резултати.
Тој е лидер во Бундеслигата без ниту еден пораз, избори пласман во полуфиналето на Купот на Германија, а го чека осминафиналето од Лигата на Европа против Карабаг.
Алонсо има договоро со „фармацевтите“ до 2026 година, но инсајдерот на „Скај спортс Германија“, Флоријан Плетенберг, тврди дека не би имал ништо против ако на лето го преземе Баерн. Според овој извор Алонсо ги започнал преговорите со Баерн.
Плетенберг наведува дека 42-годишниот Алонсо нема излезна клаузула во договорот, но има усно ветување од раководството на Баер дека ќе го пушти доколку пристигне соодветна понуда од Баерн или Ливерпул.
Со оглед на тоа што нема клаузула во договорот, Баерн и Баер би морале да се договорат за обештетувањето. Според „Скај спортс Германија“, Баерн би требало да плати меѓу 15 и 25 милиони евра за да го добие Алонсо ова лето.
Доколку во иднина решат да преговараат за оваа зделка, тогаш ќе важи излезната клаузула од 15 милиони евра.
Покрај Алонсо, Баварците размислуваат и за тренерот на Брајтон, Роберт Де Зерби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Фото и Видео) Спектакл во Париз – Свечено отворени 33. ЛОИ
![](https://makfax.com.mk/wp-content/uploads/2024/07/0000.jpg)
Вечерва во француската престолнина Париз на спектакуларен начин беа отворени 33. Летни олимписки игри. Париз по пауза од 100 години повторно е домаќин на најголемиот спортски настан. Спектаклот не го распипа ниту дождот кој цело време паѓаше.
Од 26 јули до 11 август во Париз, како и во 16 други градови во Франција и во далечниот Тахити ќе се одржат 329 настани во 32 спортови, на кои ќе учествуваат 10.714 спортисти.
Прв пат во историјата отворањето на ОИ беше на стадион, туку церемонијата се одвиваше на реката Сена.
Парадата на бродови започна под мостот Аустерлиц, низ Сена бродовите пловеа шест километри и минуваа под историските мостови и препознатливите знаменитости како катедралата Нотр Дам и Лувр.
Бродовите со спортистите на крајот пристигнаа пред Трокадеро, шеталиштето спроти Ајфеловата кула. Таму се одржа официјалниот дел од протоколот и палењето на олимпискиот оган.
Организаторите подготвија околу 100 чамци, на кои беа сместени околу 10.500 спортисти. Поголемите национални делегации имаа свои бродови, додека помалите ги делеа со другите.
Македонија во Париз ќе настапи со шест спортисти: Никола Ѓуретановиќ (пливање, 400 метри слободно), Анастасија Мојсовска (спортско стрелаштво, 10 метри воздушна пушка), Дарио Ивановски (атлетика, маратон), Владимир Егоров (борење до 57 килограми, слободен стил), Еди Шерифовски (џудо) Милијана Рељиќ (таеквондо).
Знамето на отворањето го носеа Милијана Рељиќ и Дарио Ивановски.
Македонската делегација на бродот беше заедно со делегациите на Луксембург и Мадагаскар.
Церемонијата започна со скеч снимен претходно. Францускиот актер и комичар Џамел Дебуз го донесе факелот на стадионот, а потоа сфати дека отворањето нема да се одржи тука. Факелот потоа го презеде Зинедин Зидан, легендата на францускиот и светскиот фудбал.
Првата, како и обично, беше грчката делегација. Зад неа е олимписки тим на бегалци.
Некаде на почетокот настап имаше поп ѕвездата, Лејди Гага. Отворањето не можеше да помине без познатиот танц „Кан-кан“. Извореден настап имаа хеви металците од францускиот бенд Гожира, момците беа најавени од „Марија Антоанетаe“, француската кралица, како ја држеше отсечената глава. А по хеви метал бендот следуваше дел од операта Кармен, а потоа следуваше настап на уште една голема ѕвезда Аја Накамура.
…Gaga oh la la!
Excuse us as we pick our jaws off of the floor 🤯 @ladygaga just blew us away with a dazzling French cabaret performance at the #Paris2024 #OpeningCeremony! pic.twitter.com/oXBtU8wit3
— The Olympic Games (@Olympics) July 26, 2024
И модна ревија беше дел од церемонијата на свеченото отворање.
Дефилето заврши со делегацијата на земјата организатор. Франција на ЛОИ ќе настапи со 500 спортисти.
Here they come, Team France, the host nation! 🇫🇷
And while we're at it, let's sail across the waters, to Tahiti, where the surfing competition will take place. 🌊#Paris2024 #OpeningCeremony pic.twitter.com/P3U5McBRuR
— The Olympic Games (@Olympics) July 26, 2024
На крајот беше кренато олимпиското знаме, пред Ајфеловата кула со нотите на олимписката химна во изведба на 60 хористи на Радио Франција и 90 членови на националниот оркестар.
Потоа свои обраќања имаа Тони Естанж, претседател на Организациониот комитет „Париз 2024“, првиот човек на интернационалниот олимписки комитет, Томас Бах и претседателот на Франција, Емануел Макрон кој ги прогласи 33. ЛОИ за отворени.
И за крајот остана палењето на олимпискиот оган. Мистериозниот човек кој не прошета низ Париз му го предаде факелот на Зинедин Зидан, легендарниот фудбалер потоа му го врачи на Рафаел Надал, потоа го презеде Серена Вилијамс, па мина низ рацете на славната Надија Команечи, легендарниот Карл Луис, Амели Морезмо, Тони Паркер, Мишел Гигу, Мари Жосе Перек…за на крајот да дојде до легендите на францускиот спорт атлетичарката Мари-Жосе Перек и џудистот Теди Ринер.
Целата церемонија заврши со изведбата на Селин Дион.
Главен режисер на свеченото отворање е Томас Жоли, француски театарски режисер и актер, настапија околу три илјади уметници, 400 од нив беа танчери.
Според прогнозите свечената церемонија на отворањето на ЛОИ ја следеа околу 600.000 луѓе. Дури 222.000 билети биле бесплатни, додека 104.000 биле продадени.
Низ француската метропола исто така беа поставени 80 големи екрани.
Француската полиција објави дека целиот настап минал без инциденти. За безбедноста се грижеле 45.000 полицајци и жандарми и 10.000 војници.
Спорт
Македонската делегација продефилира на свеченото отворање на ЛОИ
![](https://makfax.com.mk/wp-content/uploads/2024/07/viber_image_2024-07-26_21-08-49-034.jpg)
Македонската делегација продефилира на свеченото отврање на Летните олиписки игри во Париз. Француската престолнина по 100 години повторно го организира најголемиот спортски настан.
Македонија во Париз ќе настапи со шест спортисти: Никола Ѓуретановиќ (пливање, 400 метри слободно), Анастасија Мојсовска (спортско стрелаштво, 10 метри воздушна пушка), Дарио Ивановски (атлетика, маратон), Владимир Егоров (борење до 57 килограми, слободен стил), Еди Шерифовски (џудо) Милијана Рељиќ (таеквондо).
Знамето на отворањето го носеа Милијана Рељиќ и Дарио Ивановски.
Македонската делегација на бродот беше заедно со делегациите на Луксембург и Мадагаскар.
🇲🇰MACEDONIA 🇲🇰 ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️#ceremoniedouverture #OpeningCeremony #Paris2024 pic.twitter.com/lnHJUTVMHI
— 🙀 VeryBadMjay / ВериБедМјау 😹 (@veribedmjay) July 26, 2024
Спорт
Вестбрук и официјално е играч на Денвер
![](https://makfax.com.mk/wp-content/uploads/2024/07/3878782-78808568-2560-1440-1.jpg)
Ветеранот Расел Вестбрук (35) официјално стана играч на Денвер Нагетс. Вестбрук со франшизата од Колорадо потпиша двегодишен договор вреден 6,8 милиони евра. Веста за трејдот на Вестбрук во таборот на Нагетс ја објави добро информираниот НБА инсајдер Шамс Шаранија. .
Поранешниот кошаркар на Оклахома, Хјустон, Вашингтон, Лејкерс и Клиперс во Денвер ќе му се придружи на Никола Јокиќ, кој инсистираше на неговиот трансфер.
Вестбрук беше трејдуван од Клиперс во Јута, по што „џезерите“ го откупија неговиот договор и кошаркарот стана слободен играч.
Нагетс добија играч кој во текот на кариерата беше она што денес е Никола Јокиќ, трипл-дабл машина. Вестбрук се уште го држи НБА рекордот по бројот на натпревари во кои забележал двоцифрени бројки три статистички категории.
Тоа го направи на 199 натпревари.
Покрај тоа, тој ја освои титулата МВП во сезоната 2016/2017, два пати беше најдобар стрелец во лигата, девет пати учествуваше во „Ол-стар“ натпреварот и неодамна беше избран меѓу најдобрите НБА играчи на сите времиња.
Денвер, секако, не ја добива најдобрата верзија на Расел Вестбрук, ниту блиску до тоа, туку играч кој пред се со своето искуство може да придонесе Јокиќ и неговиот тим да го задржат највисокиот квалитет на игра.