Спорт
Пред 60 години Абебе Бикила бос стигна до олимпиското злато

Пред точно 60 години се случи една од најлегендарните маратонски трки во историјата на олимпијадите кога 28-годишниот Абебе Бикила, анонимен тркач од Етиопија, успеа да стигне до златото на ЛОИ во Рим.
Бикила беше вистинска сензација не само поради тоа што беше првиот тркач од источна Африка со олимписко злато во дисциплината туку и поради тоа што трката ја истрча без патики. Четири години подоцна, во Токио, тој го повтори успехот, овој пат со тркачки патики.
Бикила воопшто не требаше да трча во Рим, каде што беше замена за сонародникот Вами Бирату, кој се повреди играјќи фудбал. Затоа тој отпатува во Италија со стар чифт патики што ги користел на тренинзите и наједноставното решение беше да се обујат нови патики, но проблемот бил во тоа што тие предизвикале плускавци. На крајот тој победи со време од 2:15.16.2, 25 секунди пред конкуренцијата.
„Сакав светот да дознае дека мојата земја, Етиопија, секогаш победувала со посветеност и хероизам“, изјави по трката Бикила.
Тој е национален херој во Етиопија, каде што стадионот во Адис Абаба го носи неговото име, а ниту Италија не го заборави, каде што во Ладисполи еден мост го носи неговото име. Неговиот живот не беше среќен – тој почина во 1973 година на 41 година кога во 1969 година, по сообраќајна несреќа, остана парализиран од вратот надолу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL
Спорт
Осимен реши да остане во Истанбул

Виктор Осимен донесе (не) очекувана одлука каде ќе ја продолжи кариерата.
Нигерискиот напаѓач имаше бројни понуди од клубови ширум светот, но сепак, одлучи да остане во Галатасарај.
Осимен одби многу попрофитабилни понуди, како оние од Саудиска Арабија. Тој сакаше да остане во Европа и на крајот ќе го стори тоа, но не во најголемите европски лиги.
Осимен и Галатасарај постигнаа договор за условите, но турскиот клуб сега има уште еден проблем.
Галата треба да му плати на Наполи 75.000.000 евра и тоа е проблем. Турскиот клуб сега се обрати до разни компании низ целата земја за да собере пари за Нигериецот.
Foto/ EPA-EFE/ERDEM SAHIN
Спорт
(Видео) Зубименди во Арсенал

Арсенал во неделата објави дека потпишал договор со шпанскиот фудбалер Мартин Зубименди.
Дефанзивниот играч од средниот ред, кој играше 19 пати за шпанската репрезентација, е производ на младинската академија на Реал Сосиедад, а е член на првиот тим на баскискиот тим од 2018 година.
За тимот од Аноета одигра 236 натпревари и постигна десет голови. Од неговиот трансфер, Сосиедад ќе заработи над 50 милиони фунти.
Со Зубименди, Арсенал ја продолжи традицијата на доведување шпански фудбалери, пред него дресот на лондонскиот клуб го носеа Сеск Фабрегас, Хозе Антонио Рејес, Хектор Белерин, Санто Казорла, Дани Себаљос, Микел Артета (сега тренер), Начо Монреал, Мануел Алмунија, Давид Раја, Микел Мерино…
Foto/ EPA-EFE/RONALD WITTEK
Controlling the tempo.
Martin Zubimendi is a Gunner ✊
Original music by Ezra Collective's Femi Koleoso. pic.twitter.com/sYbDanRUnT
— Arsenal (@Arsenal) July 6, 2025