Енди Руиз се врати на тренинзите откако неодамна загуби во реваншот од Ентони Џошуа во Саудијска Арабија и во исто време остана без сите титули во тешка категорија кои ги освои токму против истиот противник во Њујорк.

Не е познато кога Руиз ќе се врати во рингот, но Еди Херн, моментно најголемиот боксерски промотор во светот, има идеја.

Херн реле дека на Руиз му е помудена седмоцифрена сума пари за да се бори против Дилијан Вајт, боксер кој има само еден пораз во кариерата.

„Ризичен е тоа меч за двајцата. Ако Дилијан загуби, тогаш неговите соништа за титулата се разбиени. Од друга страна, ако загуби Руиз тоа ќе е негов втор врзан пораз, а тоа не изгледа добро“ – смета Херн.

Вајт се натпреваруваше на истата приредба на која Руиз загуби од Џошуа. Тој до 27-от триумф во кариерата стигна по победата над Мариуш Вах.

Ракометните селекции на Хрватска и Германија досега одиграле 11 меча на големите натпреварувања, вечерва во Виена, во „Штадхале“ во 20.30 часот ќе биде нивиот 12-ти меч. Хрватска досега победила седумпати, трипати славеле Германците, а еден меч завршил нерешено.

Доколку Хрватска загуби вечерва, ќе има шанса за поправен против Шпанија, но доколку Германија биде поразена, за нив ќе завршат сите шанси за полуфинале.

„Се е отворено, знаеме дека ќе играме против моќен противник со доста квалитетни поединци. Ние мора да пружиме дисциплинирана игра, со упорност, трпеливост и залагање во целиот меч“ рече селекторот на „коцкастите“, Лино Червар.

Хрватите на овој меч гледаат како на прва меч топка до зацртаната цел – полуфинале.

„Ова ни е најважниот меч на турнирот, ако победиме, во полуфинале сме. Лани игравме со Германците и изгубивме со гол разлика, двапати лани од нив губиме со гол разлика, сите мечеви беа тесни и со мал број голови, мисла дека таков меч не чека и денес“ – рече играчот на Кил, Домагој Дувњак.

За играта на Хрватска на вечерашниот меч многу ќе зависи и од играта на Лука Циндриќ

„Ја темпирав формата баш за овие три последни меча во групата од вториот круг. Добро се чувствувам и силно сум мотивиран против нив оти лани не можев да играм против нив поради повреда“ – рече Циндриќ.

Во другите два меча од истата група во која се Хрватска и Германија, лидерот на табелата Шпанија од 18.15 часот ќе игра против ко-домаќинот Австрија, додека од 16 часот е дуелот меѓу Белорусија и Чешка.

Шпанскиот тениски ас, Рафаел Надал остави длабока трага во тениската историја, испиша многу рекорди, освои 19 грен слем титули, со гордост го носи прекарот „крал на земјени терени“ затоа што освои 12 рофеи на Ролан Гарос.

Тој е еден од ретките играчи кои никогаш не го „прозвал“ противникот, секогаш се води од фер-плеј, но е посебен во некои ритуали кои многумина не ги разбираат.

Шпанецот на секој меч не ја гази линијата на теренот надвор од поенот, а интересно е и тоа што секогаш педантно ги реди шишињата со вода секогаш на исто место.

Велат дека тоа е опсесија, но Надал смета дека тоа е ритуал.

„Ако не знам што да правам со шишињата, тоа би значело дека во паузите можам да мислам на нешто друго, а не за играта. Вака, секогаш исто ги местам, тоа стана автоматизам, па можам да се сконцентрирам само на играта и она што претстои“ – рече Надал.

Тенисерот кој е роден на Мајорка пред 33 години откри податок кој многумина ги зачуди – во текот на кариерата не скршил ниту еден тениски рекет.

„Имам скршено 0 до сега. Семејството не ми дозволува да кршам рекети, а за мене кршењето рекети би значело дека немам контрола над своите емоции“ – вели Шпанецот.
Надал на стартот на првиот сезонски грен слем, Австралија Опен ќе игра против Боливиецот Уго Делијено.