Спорт
Пред мечот со Венецуела, тројца бразилски фудбалери наводно ноќта ја минале со инфлуенсерки
Фудбалската репрезентација на Бразил, во петокот одигра квалификациски натпревар запласман на Светското првенство во 2026 година.
Бразилците непријатно ги изненадуја своите навивачи во градот Кујаба во државата Мато Гросо. Против апсолутниот аутсајдер Венецуела, Бразил одигра 1:1.
Ова е прв кикс за Бразил во квалификацискиот циклус, кој започна со победи против Боливија и Перу, а врвот на табелата сега го презедоа актуелните светски шампиони, Аргентинците.
Ден по натпреварот во Кујаба, бразилскиот новинар Матеус Балди на својот Инстаграм профил излезе со тврдења за недисциплината на главните ѕвезди на националниот тим.
Балди тврди дека Нејмар, Винисиус Жуниор и Ришарлисон ја поминале ноќта пред натпреварот на приватна забава со три бразилски инфлуенсерики, во хотелот во кој престојувала репрезентацијата.
Станува збор за Ребека Рибеиро, Летисија Согиро и Рита Лопес, кои наводно до раните утрински часови се забавувале со фудбалерите.
Една од нив Ребека Рибеиро преку бразилските медиуми се заканува дека поднесе тужба за овие тврдења. Останатите две жени кои се познати и на социјалните мрежи се уште не се огласиле. Португалскиот портал „О жого“, тврди дека на „WhatsApp“, кружи видео на кое една од нив излегува од хотелот на репрезентацијата во раните утрински часови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.