Спорт
Пред стартот на Тур де Франс, Фрум излезе од болница

Крис Фрум во четвртокот излегол од болница по хорор-судирот по кој доби повеќе фрактури, откри шефот на Тим Инеос, Дејвид Брејлсфорд пред стартот на Тур де Франс во сабота.
Четирикратниот ТдФ шампион заврши на интензивна нега откако при брзина од 50 км/ч удрил во ѕид при разгледувањето на етапата на трката Критериум ду Дофин на 12 јуни. Не се очекува тој да се врати оваа година откако при падот скрши ребра, лакт, врат и фемурот.
„Тој си замина од болница вчера и сега е дома. Ова е голем чекор за него, бидејќи првпат по подолго време можеше да застане. Фантастично е да се види каков е неговиот дух и покрај оваа ситуација“, вели Брејлсфорд.
Во негово отсуство, актуелниот шампион Герант Томас и Колумбиецот Еган Бернал ќе бидат лидери на Тим Инеос на Тур де Франс, која стартува утре во Брисел со 194.5 километри долга етапа која почнува и завршува во белгиската престолнина.
It’s a huge disappointment not to be at @letour but I’m relieved to finally be out of the hospital and at home on the mend.
Here’s wishing @TeamINEOS all the best for the next three weeks ?
I’ll be following all the action from bed so make it a good one ?? #TDF2019 https://t.co/U4DsOwfr28— Chris Froome (@chrisfroome) July 5, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Девонте Греем е новиот играч на Црвена Ѕвезда

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.
Како што беше најавено, Греем (30) потпиша едногодишен договор со Црвена Ѕвезда.
„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.
Греем е роден на 22 февруари 1995 година во Северна Каролина.
Фото/ КК Црвена Ѕвезда
Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.