Спорт
Прва титула за Англија или четврта за Шпанија?
Фудбалерите на Шпанија вечерва од 21 часот во Берлин ќе играат во финалето на ЕП. Шпанија е во поход на четвртата, а Англија на првата европска титула. Шпанците беа најдобри во 1964, 2008 и 2012 година, тиа имаат и една светска титула во 2010. Од друга страна Англичаните на репрезентативно ниво низ историјата освоиле само еден трофеј, Светското првенство во 1966 година.
Селекцијата на Шпанија важи за фаворит, ги доби сите шест натпревари во досегашниот тек од Европското првенство и според рејтингот, со освојувањето на титулата..
Новата млада ѕвезда на Шпанија е Ламин Јамал, кој имаше три асистенции пред да постигне импресивен гол од далечина во полуфиналната победа над Франција и стана најмладиот стрелец во историјата на европските шампионати. Фудбалерот на Барселона вчера наполни 17 години.
„Би сакал да продолжи да работи со иста понизност, да продолжи да напредува, да учи со истиот став и професионализам, истата зрелост што ја покажува на теренот. Тој изгледа како многу поискусен играч“, изјави селекторот на Шпанија, Луис де ла Фуенте.
Шпанија последен пат играше во финалето на едно големо натпреварување во 2012 година, кога во финалето на Европското првенство во Полска и Украина ја победи Италија со 4:0.
На претходното Европско првенство во 2021 година, Англија играше во финалето против Италија и загуби со 3:5 на пенали.
Англискиот тим имаше негатива во сите три натпревари во нокаут фазата на турнирот во Германија. Џуд Белингем го постигна голот за 1:1 против Словачка во петтата минута од судиското надополнување, а потоа во продолженијата Хари Кејн погоди за место на Англија во четвртфиналето.
Букајо Сака израмни во 80. минута против Швајцарија во четвртфиналето, а потоа Англија помина понатаму по изведувањето пенали.
Во полуфиналето „златната резерва“, Оли Воткинс го постигна победничкиот гол во 90. минута против Холандија.
Според извештаите двете репрезентации ќе бидат комплетни. Дани Карвахал се враќа во тимот на Шпанија откако ја одработи суспензијата од еден натпревар.
Вечерва на теренот ќе бидат двајца кандидати за „Златната копачка“ на турнирот. Капитенот на Англија, Хари Кејн и шпанскиот плејмејкер Дани Олмо, за едно со Георги Микаутадзе од Грузија, Коди Гакпо од Холандија, Иван Шранц од Словачка и Џамал Мусијала од Германија имаат постигнато по три гола во досегашниот тек од турнирот.
Финалето ќе го суди 35.годишниот француски судија Франсоа Летисије.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.
Спорт
Фиго: Помалку натпревари, помали плати
Поранешниот фудбалер Луис Фиго ја коментираше најавата за штрајк, за која прв проговори Родри од Манчестер сити.
Шпанецот јавно го изрази своето незадоволство поради големиот број на натпревари и најавеното продолжување на сезоната, која во тој случај би траела до средината на јули, што на никој во фудбалскиот свет не му се допаѓа.
Покрај Родри, во изминатите неколку дена уште неколку врвни фудбалери се заканија со штрајк. Според нив ФИФА и УЕФА само трупаат натпревари, а пред да донесат такви одлуки никој од двете организации не се консултира фудбалерите.
Познатиот португалски фудбалер проговори за најавениот штрајк.
„Секако, ова е секогаш комплицирана тема за разговор. Играчите имаат договор со субјектот, односно клубот, и наше е да го најдеме најдоброто решение. Логично е дека има се повеќе и повеќе натпревари , тоа е едноставно е ефектот на снежна топка што се тркала надолу. Повеќе натпревари поголеми плати, ако се намали бројот и платите треба да бидат намалени. Потребно е да се најде вистинскиот баланс, но тоа е тешко“, рече Фиго.