Спорт

ПСЖ ги мина „милионерите“, Ливерпул и Атлетико ќе играат продолженија (видео)

Објавено пред

6 месеци

- 11 март, 2020

Од

Пари Сен-Жермен им се приклучи на Аталанта и на РБ Лајпциг како трет четврт-финалист во Лигата на шампионите, откако со 2:0 на „Паркот на принцовите“ беше подобар од Борусија Дортмунд, која не успеа да ја заддржи предноста од 2:1 од домашниот меч.

Европскиот шампион Ливерпул, пак, дома ја неутрализираше предноста од 0:1 на Атлетико Мадрид, но бидејќи резултатот е идентичен од тој од првиот меч, на „Енфилд“ ќе се играат продолженија.

Во Париз, дефанзивниот план на Борусија Дортмунд се „распадна“ во првото полувреме, откако прво Нејмар во 28. минута со гол од глава донесе 1:0 водство за „светците“, за пред крајот на полувремето, Пабло Сарабија одлично да нафрли, а Хуан Бернат да ја уфрли топката во мрежата на гостите.

Во второто полувреме, „милионерите“ имаа поангажиран пристап и тргнаа во напад, но одбраната на ПСЖ беше солидна и не дозволуваше Санчо и Халанд во нападот да претставуваат голема опасност. Килијан Мбапе, за кого вчера се тврдеше дека бил на тест за корона вирусот, сепак, беше доволно подготвен за игра и влезе во 67. минута.

Во Ливерпул пак, Атлетико за малку ќе постигнеше гол во првите 15 секунди од мечот откако Жоао Феликс одлично го најде Коста, но топката помина покрај голот. По ова, Ливерпул ја имаше топката во своите нозе, но повеќето обиди завршуваа со одлични интервенции на Облак на голот. Кога се мислеше дека планот на Диего Симеоне се одвива совршено, во финишот на полувремето, „џокерот“ Георгинио Вајналдум доби одлично нафрлање од Окслејд-Чембрлен, за од пеналтикот со глава да го совлада Облак.

Салах и Окслејд-Чембрлен го почнаа второто полувреме со две убави шанси, но Облак повторно беше на место, пред во 60-тата минута, „јорганџиите“ за малку да го постигнат драгоцениот гол во гости, кога по ударот на Жоао Феликс, Кореа беше во фантастична шанса. Само шест минути подоцна Енди Робертсон ја погоди гредата, а Салах во 87. минута беше најблиску до голот, а за одбележување беа и двата обиди на Мане со ножички.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Бекот на Јуве, Ругани е заразен со корона вирусот!

Претходно

Одложено и финалето од Копа дел реј

Спорт

Селтикс се вратија во живот, намалија на 2-1 во серијата против Мајами

Објавено пред

41 минута

- 20 септември, 2020

Од

TopSport.mk

Кошаркарите на Бостон Селтикс ја намалија предноста на Мајами Хит во финалето на Истокот на 2-1, откако триумфираа во третиот меч со 117:106.

Селтикс во третиот меч не ги повторија грешките од првите два кога им дозволуваа на Мајами да се вратат од двоцифрен минус. Селтикс имаа плус 9 по првата четвртина и плус 13 на полувреме. Во третиот период Бостон имаа предност и од 18 поени, на на почетокот на последниот период разликата беше +15 за Селтикс.

Мајами успеаја со серија од осум поени да се доближат на минус од пет поени на 120 секунди до крајот меѓутоа немаа сили за целосен пресврт.

Џејлен Браун (26 поени, 7 скока, 5 асистенции) и Џејсон Тејтум (25 поени, 14, скока, 8 асистенции), Кемба Вокер (21 поен) и Маркус Смарт (20 поени) го предводеа Бостон д првата победа во финалето на Истокот.

Кај Мајами уште еднаш блесна Бем Адебајо со 27 поени и 16 скока, Тајлер Хиро постигнаа 22 поени.

Наредниот натпревар на програмата е во четврток наутро.

Прикажи повеќе...

Спорт

„Сопка“ за Надал! Десетта среќа за Диего Шварцман во Рим

Објавено пред

10 часа

- 19 септември, 2020

Од

TopSport.mk

Рафаел Надал нема да игра за десетта титула од Мастерсот во Рим, откако во шокантен меч загуби со 6:2/7:5 од Диего Шварцман, откако малиот Аргентинец во 10-тиот меч против „кралот“ на земја ја оствари првата победа.

Ова дефинитивно е меѓу најголемите победи во кариерата на Шварцман, кој покрај тоа што го немаше победено Надал, првпат во својата кариера победи тенисер во топ 5 (1-22 скор).

28-годишниот Аргентинец во полуфиналето на „Форо Италико“ ќе игра со Канаѓанецот Денис Шаповалов, кој со 6:2/3:6/6:2 го победи Григор Димитров во четврт-финалето. Во второто полуфинале ќе играат светскиот број 1, Новак Ѓоковиќ и Норвежанецот Каспер Руд.

Прикажи повеќе...

Спорт

Нкетија ги „крена“ Арсенал против Вест хем

Објавено пред

11 час

- 19 септември, 2020

Од

TopSport.mk

Арсенал се приклучи на Евертон и Кристал палас со две победи во првите два меча во Премиер лигата, откако Еди Нкетија им донесе 2:1 победа во лондонското дерби против Вест хем.

„Топчиите“ дојдоа во водство во 25. минута со 50-тиот гол во дресот на Арсенал на Александер Лаказет по убавата акција на капитенот Пјер-Емерик Обамејанг, но Мајкл Антонио успеа да израмни за тимот на Дејвид Мојс во 45. минута.

Овој резултат беше актуелен до 86. минута, кога по една прекрасна акција, Дани Себалјос му асистираше на Нкетија за убава победа.

Прикажи повеќе...