Спорт
ПСЖ или Интер – Европа вечерва ќе добие нов шампион
Фудбалерите на ПСЖ и Интер ќе го играат финалето на Лигата на шампионите на „Алијанц Арена“ во Минхен од 21:00 часот.
Парижаните ќе се обидат да го освојат првиот трофеј во историјата и да ја комплетираат „тројната круна“, додека тимот од „Џузепе Меаца“ го „лов“ четвртиот трофеј кој ќе значи и спас на сезоната, откако претходно не успеаја во Купот на Италија, а во фото-финишот ја загубија титулата во Серија А од Наполи.
Досега, единственото финале на ПСЖ во Лигата на шампионите беше пред пет години, кога беа поразени од Баерн Минхен (0:1). Интер ја освои последната титула во Лигата на шампионите во 2010 година, а пред две години беа поразени од Манчестер сити во финалето (0:1).
Тренерот на ПСЖ, Луис Енрике, ја освои Лигата на шампионите пред 10 години со Барселона, исто така во Германија, но во Берлин против Јувентус.
Шпанецот на прес-конференцијата изјави дека пишувањето на историјата на клубот е неговата најголема мотивација пред финалето.
„Сакам да испишам историја во Париз. Да донесам радост во земјата, градот, клубот. Да станам првиот тренер што ја освоил ЛШ со ПСЖ е извонредно. Многу сум среќен што можам да уживам во овој натпревар. Ќе дадеме се од себе“, рече Луис Енрике.
Тренерот на Интер, Симоне Инзаги, кој пред две години со Интер го загуби финалето од Манчестер сити во Истанбул, верува дека шансите се 50:50.
„Финалето од пред две години може да ни помогне, пред сè, во нашите подготовки. Пред две години, луѓето прогнозираа дека Манчестер сити ќе нè прегази, но не тоа не се случи, тогш заслуживме да одиме во продолженија“, истакна Инзаги.
Интер го победи Баерн минатиот месец на стадионот каде што се игра финалето.
„Играњето тука и елиминирањето на Баерн ни даде многу сила да влеземе во полуфиналето со Барселона. Игравме и против Арсенал, Манчестер сити, Лајпциг и Баер Леверкузен оваа сезона, па добивме самодоверба во серија тешки натпревари“, заклучи Инзаги.
Усман Дембеле од ПСЖ изјави дека играњето во финалето на Лигата на шампионите е сон од детството и дека се надева дека ќе одигра одличен натпревар против Интер.
„Сонувам да играм вакви натпревари уште од мал. Се подготвувам за финалето мирно, сериозно и концентрирано. Морам да останам фокусиран на играта, на тимот, не само на себе, иако се надевам дека ќе одиграм одличен натпревар“, рече Дембеле на прес-конференцијата.
Дембеле, кој е еден од кандидатите за „Златната топка“ оваа година (33 гола, 13 асистенции), нагласи дека не размислува за тоа признание, кое се доделува на 22 септември.
„Фокусиран сум на тимот. Секако, тоа може да влијае на психата, но јас сум концентриран“, рече поранешниот напаѓач на Барселона.
Дембеле зборуваше и за патот на ПСЖ до финалето на Лигата на шампионите, бидејќи парискиот тим веќе беше блиску до елиминација во лигашката фаза (15-то место).
„Се чувствуваме многу горди што сме во финалето. Работевме многу, почетокот на сезоната не беше лесен. Исклучително е убаво да се биде тука во Минхен во финалето на Лигата на шампионите, бидејќи никогаш не знаете дали ќе го доживеете повторно“, додаде 28-годишниот француски фудбалер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гулит: Арсенал-Челзи? Ужасен фудбал
Легендарниот Холанѓанец, поранешен освојувач на Златната топка и член на славната генерација на Милан, Руд Гулит, не крие дека е разочаран од она што го нуди модерниот фудбал.
„Во последно време не уживам гледајќи фудбал. Го гледав натпреварот Арсенал-Челзи за време на викендот. Ужасен натпревар. Беше како да гледам Стратего. Ужасен натпревар за гледање. Се надевам дека ова нема да стане тренд. Секој играч е во супер форма, но ни недостасуваат фудбалери како Ламин Џамал, кој може да ги надигра ривалите“, рече Гулит гостувајќи во ТВ емисија во Холандија..
Холанѓанецот откри што најмногу му пречи.
„Ги видов играчите како се обидуваат да изнудат корнер, аут, видов момчиња како собираат топки, им додаваат крпи на фудбалерите. Играчите станаа изведувачи на задачи на теренот, преоптоварени се со барањата на тренерот. Сè изгледа како компјутерска игра, како да се контролирани од страна.“
Гулит исто така кажа што му недостасува кога гледа натпревари.
„Ми недостасува забавата, креативноста. Денес сите ја додаваат топката. Додавања, додавања, додавања. Каде се играчите со мад..а!? Каде се дриблерите“, постави реторичко прашање Руд Гулит.
Foto/ depositphotos
Спорт
(Видео) Винисиус провоцира, а не трпи провокации
Хетефе, синоќа приреди вистинска сензација, на „Сантијаго Бернабеу“ го победи Реал со 1:0. Малиот клуб од Мадрид, освои важни бодови во борбата за опстанок и воедно го оддалечи реал од трката со Барселона за шампионската титула.
Натпреварот го реши спектакуларниот гол на Мартин Сатријано во 39-та минута. Хетафе ја забележа прввата победа на теренот на Реал по цели 18 години.
Многу тензии, особено во финишот, го обележаа натпреварот. Главниот судија покажа десет жолти и два црвени картони.
Кога натпреварот заврши, во центарот на винанието беа дефанзивецот на Хетафе, Алан Нијом, кој воопшто не играше и кој друг ако не Винисиус Жуниор. Бразиелцот, од немоќ беше нервозен во текот на целиот натпревар, доби и ѓолт каартон, а поради честите приговири и распаравии со противниците, лесно можеше да добие уште еден.
По мечот Алан Нијом, му упати неколку зборово, што дополнително го разгневи Бразилецот. Нијом му се ситеше на Винисиус за се она што се случи на пвиот натпревар меѓу двата тима, кога Реал со многу контоверзи славеше со 1:0.
Трагичар беше токму Нијом. Влезе во финишот на мечот, да ја засили дефанзивата, а доби црвен картон по само 38 секунди минати на теренот. Потоа Мбапе го постигна голот за победа.
Тогаш Винисиус го провоцираше тренерот на Хетафе, Хосе Бордалас.
„Винисиус ми пријде и рече: „Многу добра измена“. Не мора да дојде и да ми го каже тоа, не мора да дојде и да ме провоцира. Нема што да се објаснува, тоа ми го кажа, а јас му реков да се фокусира на играта“, рече Хозе Бордалас по првиот натпревар, а потоа и Хуан Иглесијас имаше порака за Винисиус:
„Затоа сите те мразат, учи од соиграчите.“
Foto/ EPA
En la ida expulsaron a Nyom y Vinicius se burló del camerunés y de Bordalás. El karma es maravilloso. pic.twitter.com/eXO1t90hz1
— -1899- (@_Futbolero_) March 2, 2026
Спорт
Познато е дали Мбапе ќе мора да се оперира
Реал Мадрид по синоќешниот пораз од Хетафе (0:1), се соочува со уште еден проблем. На „Сантијаго Бернабеу“ не се сигурни дека Килијан Мбапе ќе игра против Манчестер Сити следната недела во осминафиналето на Лигата на шампионите.
Францускиот репрезентативец ги повреди лигаментите на коленото на левата нога кон крајот на 2025 година, но играше натпревари за Реал. Сепак, повремено повредените лигаменти предизвикуваа такви проблеми што мораше да пропушти некои натпревари.
Тој не играше во реваншот од нокаут фазата на Лигата на шампионите против Бенфика, по што отпатува во Париз на дополнителни прегледи.
„Во договор со клубот, беа направени тестови на коленото со цел да се пронајде најдобриот начин за закрепнување и подготовка за враќање на теренот. Засега не е планирана операција“, се вели во соопштението на тимот на Мбапе.
Привремениот тренер, Алваро Арбелоа, кој го замени Чаби Алонсо во јануари рече дека на Мбапе му е потребно време за да се врати во целосна физичка подготвеност.
„Тоа беше консензус на сите страни и сметаме дека е најдобро тој да застане, да се опорави и да се врати, а потоа да биде на 100 проценти. Нема да биде прашање на денови, ќе биде малку подолго, но не можам да кажам колку долго ќе трае. Се надевам дека нема да биде предолго“, рече Арбелоа.
Мбапе постигна 38 гола на 33 натпревари оваа сезона во сите натпреварувања.
Foto/ depositphotos
МНР со владиниот авион ќе ги евакуира нашите државјани од Израел, првите се очекува да пристигнат утре
За евакуација на Македонците кои сакаат да се вратат дома од Израел, Министерството за надворешни работи (МНР) ќе го испрати...
Сè уште не се препорачува евакуација по копнен пат за граѓаните кои се наоѓаат во Катар и Обединетите Арапски Емирати, велат од МНР
Министерството за надворешни работи и надворешна трговија информира дека, согласно последните податоци, од почетокот на конфликтот до денес вкупно 473...
Едно лице задржано по трагедијата во Карпош: распити на повеќе лица, детален претрес на станот, екстракција на податоци од телефони, се обезбедуваат снимки
Основното јавно обвинителство Скопје ги издава сите потребни наредби и насоки за целосно расчистување на вчерашниот случај во Карпош, кога...
Почувствуван земјотрес во Гостивар
Според досегашните податоци со кои располага Сеизмолошката опсерваторија при Природно-математичкиот факултет во Скопје, утрово во 5 часот и 21 минути...
(Видео) Објавено сведочењето на Клинтон за Епстин, Хилари е бесна
Нови видеа покажуваат како Хилари Клинтон речиси излегува од сведочењето зад затворени врати пред американските пратеници за Џефри Епстин откако...
Пезешкијан: Иран нема да стои настрана пред нападите врз училиштата и болниците
Претседателот на Иран, Масуд Пезешкијан, изјави дека неговата земја нема да стои настрана поради американско-израелските напади што погодија женско училиште...
Трамп: Подготвени сме да водиме војни колку што е потребно, имаме залихи што ќе траат засекогаш
Американскиот претседател Доналд Трамп преку својата платформа Truth Social извести дека САД имаат рекордни залихи на муниција од среден и...
Рубио: Израел планираше да го нападне Иран, мораше да извршиме превентивни напади
Одлуката на Израел да го нападне Иран и сигурноста дека американските сили ќе бидат цел на одмазда ја принудија администрацијата...
(Видео) Познатата Палата Голестан во Техеран е оштетена, објавени се фотографии
Делови од Палатата Голестан, единственото место на светското наследство на УНЕСКО во иранската престолнина, беа оштетени во воздушен напад извршен...
Америка ги повика своите граѓани веднаш да ги напуштат повеќе од десетина земји од Блискиот Исток
Американското министерство за надворешни работи денес ги повика Американците веднаш да ги напуштат повеќе од десетина земји на Блискиот Исток,...
Нетанјаху: Војната нема да трае со години
Израелскиот премиер Бенјамин Нетанјаху вчера изјави дека американско-израелската војна против Иран може да трае „некое време“, но нема да трае...
Се вршат разговори и се прибираат докази по трагедијата во Карпош, соопшти Обвинителството
Дежурен јавен обвинител од Основно јавно обвинителство Скопје извршил увид на локацијата во скопската општина Карпош, каде попладнево животот го...
„Денес потфрли целиот наш систем“: се огласи братот на жената која заедно со ќерката паднаа од зграда во Карпош
„Иако ми е тешко, сакам да се обратам во име на моето семејство – денес се случи убиство“. Ова на...
Мајка и дете загинаа по пад од зграда во скопски Карпош
Женско лице и нејзиното малолетно дете се пронајдени попладнево починати по пад од тераса во скопски Карпош. Од Министерството за...
Се разгледува можност за евакуација на македонски граѓани од ОАЕ до Саудиска Арабија со автобуси
Амбасадата на Република Северна Македонија во Абу Даби, во соработка со властите на Обединетите Арапски Емирати (ОАЕ) и Кралството Саудиска...
Наредена ексхумација на уште една жена, можна жртва на 25- годишникот од Малотино осомничен за сериски убиства
Во наредните денови ќе биде направена уште една ексхумација на жена за која постојат сомневања дека е жртва на 25-годишниот...
Недвосмислено ги осудуваме сите напади врз нашите пријатели, велат од МНР и апелираат граѓаните да се воздржат од патувања во поширокиот регион на Блискиот Исток
Министерството за надворешни работи и надворешна трговија соопшти дека со внимание и загриженост ги следи случувањата во поширокиот регион на...
Минималната плата се зголемува за 1.667 денари
Минималната плата се зголемува за 1.667 денари на 26.046 денари нето плата, соопшти министерот за економија, Бесар Дурмиши. Бруто платата за...
Договорите за корупција треба да бидат многу поскапи, потешки и понеисплатливи – антикорупционерите со обука за полицајците
Регионалната иницијатива против корупција (РАИ) денес во Скопје организираше обука за претставници на полицијата и Министерството за внатрешни работи за проценка...
Трендафилов: Пробуваат на мала врата да ја усогласат минималната плата за 1.600 денари, излегуваме повторно на улица
Претседателот на Сојузот на синдикати на Македонија, Слободан Трендафилов, денеска ја напушти седницата на Економско – социјалниот совет, на која...
