Спорт
ПСЖ ја следат ситуацијата околу Меси, подготвени се да реагираат

Спортскиот директор на ПСЖ, Леонардо, рекол дека клубот внимателно следи како се развива ситуацијата околу заминувањето на Лионел Меси од Барселона. Меси, во летниот преоден рок, сакаше да ја напушти Барселона, на крајот остана на „Ноу Камп“ откаде ќе може да замине како слободен играч по завршувањето на сезоната.
Од моментот кога Меси побара трансфер траат шпекулациите каде би можел да ја продолжи кариерата. Аргентинецот најчесто се поврзува со Манчестер сити и ПСЖ. Овие два клуба се единствените што можат да ги исполнат неговите финансиски барања.
„Играчи каков што е Меси секогаш се на листата на желби на ПСЖ. Сега не е време да зборуваме на оваа тема, но ние седиме на масата на која се следи тој случај. Вистината е дека се уште не сме седнале на масата, но имаме резервирано место. У во фудбалот четири месеци се вистинска вечност“, рекол Леонардо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Десет играчи од Премиер лигата поканети да играат за Јамајка

Јамајка има намера да стане сила во регионот на Централна и Северна Америка. Во пресрет на почетокот на квалификациите за пласман на Светското првенство во Катар, Фудбалскиот сојуз на Јамајка ќе испрати покани до десет фудбалери кои играат во Премиер лигата и Чемпионшип дивизијата.
Јамајка има намера да стоври репрезентација која ќе им биде конкурент на САД и Мексико, особено во 2026 година кога Светското првенство ќе се одржи во овој регион.
Покани ќе бидат испратени до напаѓачот на Вест Хем Микел Антонио, Демараи Греј од Њукасл, Нејтан Редмонд од Саутемптон и Макс Еронс играч на Норич, кој од наредната сезона најверојатно ќе игра за Баерн Минхен.
Исто така, Јамајка во своите редови ги сака Андре Греј, Ајсак Хејден, Мејсон Холгејт, Лијам Мур, Кемар Руфи и Иван Туни.
Мур има пасош на јамајка, додека останатите фудбалери, вклучувајќи ги Еронс и Антонио чекаат дозвола од ФИФА за да можат да настапуваат за оваа репрезентација.
Спорт
Ембид ја уништи Јута, Харден им пресуди на Хјустон, редок трипл-дабл на Меконел

Центарот на Филаделфија Џоел Ембид и бекот на Индијана Ти-Џеј Меконел ја обележаа ноќта во НБА лигата. Ембид ја предводеше Фиалделфија до победата над Јута, по дополнителните пет минути, а Меконел забележа редок трипл-дабл.
Дуелот на водечките тимови во своите конференции, Филалдефија и Јута, им припадна на Севентисиксреси со 131:123. Мечот мина во доминација на Џоел Ембид кој буквално го уништи најплатениот центар во лигата, Руди Гобер.
Ембид постигна 40 поени, вклучувајќи ја и тројката на пет секунди до крајот со која избори продолженија за Филалделфија. Камерунецот во статистиката додаде и 20 скокови. На спротивната страна Гобер имаше скромен ефект од 12 поени и девет скока.
Покрај Ембид, кај Филалдлефија се истакна и Тобајас Херис со 22 поени, осум од нив постигна во продолжението. Најефикасен играч на Јута беше Донован Мичел со 33 поени, но тој беше исклучен во продолжението поради две технички грешки.
Индијана забележа победа над Кливленд 114:111. Ти-Џеј Меконел забележа трипл-дабл со 16 поени, 13 асистенции и 10 украдени топки. Во првиот дел Меконел имаше девет украдени топки, што е рекорд во НБА лигата. Најефикасен кај Индијана беше Малком Брогдон со 29 поени, а Кливленд го предводеше Колин Секстон со 32 поени.
Џејмс Харден се врати во Хјустон и со трипл-дабл ги предводеше Бруклин Нетс до победата 132:114. Брадата забележа 29 поени, 10 скока и 14 асистенции. Хјустон се наоѓа во серија од 13 порази. На „ракетите“ не им помогнаа ниту Џон Вол кој постигна 36 и Виктор Оладипо кој забележа 33 поени.
Спорт
Епска „ремонтада“ на Барса, преку Севилја и продолженијата во финалето на Копа дел реј

Барселона успеа да се пласира во финалето на Кралскиот куп на Шпанија, откако во неверојатно драматичен меч со 3:0 по продолженијата ја совлада Севилја за да се даде надеж дека во тешката сезона ќе се стигне до трофеј.
Каталонците мораа да надополнат предност од 0:2 од првиот меч, и започнаа фантастично, кога Усман Дембеле даде прекрасен гол во 12. минута. Но, по ова, тие не успеваа да го најдат патот до голот на гостите, а во 73. минута имаа совршена шанса за гол, кога беше досуден пенал. Меѓутоа, обидот на Луис Окампос заврши во рацете на Андре Тер Штеген и драмата продолжи.
Во 92. минута од мечот, гостите остана со играч помалку по вториот жолт картон на Фернандо, а две минути подоцна, Жерард Пике беше највисок во скокот за 2:0 и да примора продолженија, во кои Каталонците бргу стигнаа до 3:0 предност преку Мартин Брејтвајт во 95. минута од мечот.
Во финалето на Купот, Барса ќе се сретне со подобриот од дуелот меѓу Атлетик Билбао и Леванте, каде што првиот меч во Баскија заврши 1:1.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер