Спорт
Рангник: Не сме добиле ниту една понуда за Марсијал
Ентони Марсијал ќе може да го напушти „Олд Трафорд“, во зимскиот преоден рок, само доколку клубот добие понуда која ќе ги задоволи апетитите на клупските челници.
Марсијал има договор со Манчестер јунајтед до јуни 2024 година, тој месечно заработува речиси 1.000.000 евра. Платата претставува голем проблем за заинтересираните клубови.
Францускиот напаѓач е незадоволен, смета дека треба повеќе да игра. Тој сака да замине некаде на позајмица. Медиумите шпекулираат дека најголем интерес покажале од Севилја.
Марсијал се уште нема одиграно ниту една минута под водство на новиот менаџер, Ралф Рангник.
„Имавме долг разговор, тој ми објасни дека сака да замине. Го разбирам. Но во исто време треба да ја согледа ситуацијата во која се наоѓа клубот. Во корона-периодот, кога играме на три фронта со големи амбиции, сакаме да биде успешни и поради тоа не можеме да го гледаме интересот на фудбалерот, туку го гледаме само интересот на клубот. Колку што знам понуда за Марсијал не сме добил, во овој момент тој ќе остане во клубот“, рекол Рангник.
Марсијал за Манчестер јунајтед одиграл 268 натпревари, постигнал 68 гола. Сезонава има одиграно само 202 минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мерино мора да биде оериран, го чека долга пауза
Фудбалерот на Арсенал, Микел Мерино, ќе биде подложен на операција поради повреда на коската во стапалото на десната нога, објави клубот.
Шпанскиот репрезентативец има 33 настапи за Арсенал во сите натпреварувања оваа сезона, постигна шест гола.
Мерино е важен дел од ротацијата на тренерот на „топџиите“, Микел Артета, кој го користеше во средниот ред, но и како лажна деветка. Арсенал во своето соопштение објави дека 29-годишникот ќе биде надвор од теренот подолго време, иако не ја откри точната дијагноза.
Некои извори тврдат дека Арсенал, по повредата на Мерино, би можел да излезе на пазарот, но нема многу време – зимскиот преоден рок се затвора во вечерва во 19:00 часот.
Кога станува збор за опциите за средниот ред, Арсенал ги има на располагање Мартин Одегард, Деклан Рајс, Кристијан Норгард, Мартин Зубименди, Еберечи Езе и Каи Хаверц.
Мајлс Луис-Скели, кој го поминува поголемиот дел од своето време на позицијата лев бек, може да игра и во средината на теренот.
Арсенал е лидер во Премиер лигата со 53 бода од 24 натпревари, додека второпласираниот Манчестер Сити освои шест бода помалку.
Foto/ depositphotos
Спорт
Јанакопулос побара играчите и тренерот Атаман да поднесат оставки
Претседателот на Панатинаикос, Димитрис Јанакопулос, „лут како рис“ им испрати порака на своите играчи и тренери по поразот на „зелените“ од Арис во грчкото првенство.
Тимот на Ергин Атаман загуби во Солун со 102:95 по едно продолжение.
Во исто време, турскиот стратег беше исклучен поради бурни протести кон судиите, со што се комплетираше лошиот ден на неговиот тим.
Лут од конечниот резултта, Јанакопулос со критики се огласи на социјалните мрежи.
Им порача на играчите и тренерите да го напуштат клубот.
„Главниот тренер, помошниците тренери, сите вие! Сите. Немате поим каде играте, нели? Ова е Панатинаикос. Се надевам дека кога ќе се вратите во Атина, ако имате храброст да се вратите во Атина, сите ќе поднесете оставка“, рече Јанакопулос и додаде:
Срам да ви е! Проклети да сте! И не сакам ништо да чујам, ниту за Пицилкас, ниту за криминални организации, за ништо. Не можете да изгубите од Арис со буџет од 40 милиони. Срамно! Почнете да играте кошарка. Сфатете каде сте!“, порача ексцентричниот Јанакопулос.
Foto/ EPA
Спорт
(Видео) Сити водеше 2:0 и не победи во Лондон
Фудбалерите на Тотенхем и Манчестер Сити ремизираа 2:2 во Лондон во 24-то коло од Премиер лигата.
Сити, доминираше, стекна предност од два гола, но не успеа да победи.
Гостите влегоа одлично во натпреварот, поведоа во 11-та минута со голот на Рајан Шерки.
Шерки можеше да постигне уште еден гол во 24-та минута, но Гуљелмо Викарио го одбрани неговиот удар.
Немаше промена во резултатот се до финишот на првото полувреме, во 44-та минута, Антоан Семењо го дуплираше водството на Сити.
Второто полувреме тргна во поинаква насока, прво во 53-таа минута, Марк Гуехи си постигна автогол и Тотенхем ја намали разликата, а во 70-та минута, Доминик Соланке ја затресе мрежата на Сити по асистенција на Конор Галагер за 2:2.
Сити остана на второто место во Премиер лигата со 47 бода, шест помалку од Арсенал кој е прв на табелата.
Од друга страна, Тотенхем е на 14-та позиција со 29 бода.
Во продолжението од сезоната, Тотенхем го очекува дуел со Манчестер Јунајтед на „Олд Трафорд“, додека Сити гостува кај Ливерпул.
Foto/ EPA

