Спорт
Расел: Честитки до Чеко, но победата беше моја

Џорџ Расел вели дека чувствува дека двапати бил „ограбен“ од победата на Сакир ГП трката, признавајќи дека едвај собрал сили да излезе од болидот на Мерцедес по трката.
Расел, кој возеше Мерцедес како замена за Луис Хамилтон кој беше позитивен на КОВИД-19, имаше неверојатен викенд во Бахреин – беше најбрз на трите тренинг сесии, пол-позицијата му избега за 2 илјадити делови од секундата, а потоа го помина Валтери Ботас и беше прв со убедлива предност од 8 секунди пред катастрофалната грешка на Мерцедес. Прво тие му сменија погрешни гуми, за потоа тој да скокне од шестото на второто место, но уште еднаш да мора да го посети боксот поради тоа што имаше дупната гума.
Деветтото место значи дека ги освои првите поени во кариерата, но ниту тоа не е сигурно откако ФИА поведе постапка поради проблемите во боксот.
„Навистина немам зборови, да бидам искрен, не беше лесно да се излезе од болидот. Имав трки во кариерата во кои губев победа, но двапати на ваков начин, не ми се веруваше. Дадов максимум, се чувствував самоуверено во болидот. Можевме да го стигнеме Серхио поради предноста со гумите, но потоа дојде дупнатата гума. Критики до Мерцедес? Ова е тркање, тимски спорт, сите сме заедно во него. Понекогаш возачот ќе направи грешка, како јас неколку пати со Вилијамс оваа сезона, понекогаш тимот ќе направи грешка. Честитки до Чеко, тој е голем возач кој е долго време во Ф1 и ја заслужува победата. Можеби не оваа, бидејќи оваа мислев дека е моја, но заслужува победа“, вели Расел.
?"I've had races where I've had victories taken away from me, but twice?"
A heartbroken @GeorgeRussell63 reflects on his #SakhirGP, after a Mercedes pit stop error and late puncture cost him a near certain victory.#SkyF1 | #F1
— Sky Sports F1 (@SkySportsF1) December 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Колку е лош Јунајтед на Рубен Аморим?

Мандатот на Рубен Аморим во Манчестер јунајтед стана синоним за неуспех. „Црвените ѓаволи“ синоќа го допреа дното, испаднаа во второто коло во Лига купот од членот на Четвртата лига, Гримзби, што се смета за историски неуспех.
Рубен Маорим, донесен да го стабилизира тимот, стана најлошиот менаџер во поновата историја на славниот клуб. Катастрофата на Јунајтед под Аморим ја покаѓуваат и бројките.
Катастрофата против Гримзби достигнува епски размери бидејќи летово Јунајтед на засилувања потрошија 200 милиони фунти.
Аморим победил на само 24,7 отсто од натпреварите во Премиер лигата, што е најлош учинок на кој било менаџер на Јунајтед по заминувањето на Сер Алекс Фергусон.
За споредба, често критикуваниот Дејвид Мојес имаше половичен успех, победи на 50 отсто од натпреварите, додека Жозе Мурињо е убедливо најдобар со 58,3 отсто победи.
Јунајтед победи само на седум од 29 лигашки натпревари под водство на Аморим, односно тимот победува на еден од четири натпревари, учинок што му доликува на тим во зоната за испаѓање.
Минатата сезона беа освоени само 42 бода, најмалку во историјата на клубот во Премиер лигата, додека 15-то место на табелата е најлошата позиција откако лигата се игра во овој формат.
Тимот постигна само 44 гола во текот на целата сезона, соборувајќи уште еден негативен рекорд.
Јунајтед ретко постигнувал голови во првата половина од натпреварите, во петте најдобри европски лиги, само Џенова била понеефикасна во првите 45 минути од почетокот на сезоната 2024/25.
Фактот дека Аморим има водено повеќе натпревари во Премиер лигата (29) отколку што има добиено (28) е особено разочарувачки.
Во домашните купови и во Европа, против англиски клубови, Аморим има само една победа од пет натпревари, против Арсенал на пенали во ФА Купот.
Тие беа поразени од Тотенхем (двапати), Фулам и во среда од четвртолигашот Гримсби.
Извор/ Би-би-си
Спорт
Милан експресно го договори трансферот на Нкунку

Челзи и Милан експресно го договрија трансферот на напаѓачот Кристофер Нкунку.
Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.
Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.
Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.
Спорт
УЕФА го смени терминот на финалниот меч во ЛШ

УЕФА воведе новитет помалку невообичаен. Од оваа сезона финалето на Лигата на шампионите ќе се одржува во 18:00 часот.
Досега, финалниот меч за највредниот трофеј во клупскиот фудбал се одржуваше во 21:00 часот, но тоа повеќе нема да биде случај.
Како што вели првиот човек на УЕФА, Александар Чеферин, оваа новина е донесена првенствено поради навивачите.
„Со оваа промена, го ставаме навивачкото искуство во центарот на нашите планови. Финалето на Лигата на шампионите е клучен момент од фудбалската сезона и новото време на почеток ќе го направи уште подостапно, инклузивно и важно за сите вклучени. Додека терминот од 21:00 часот е посоодветен за натпревари што се играат во средината на неделата, пораното започнување на финалето во сабота значи порано завршување на натпреварот, без оглед на евентуалните продолженија, пенали. А ова им дава поголема можност на навивачите да уживаат со остатокот од вечерта со своето семејство, пријатели, гледајќи го најважниот натпревар во сезоната“, објасни Чеферин.
Првото финале, кое ќе се игра од 18:00 часот, ќе биде на стадионот „Пушкаш Арена“ во Будимпешта, каде што ќе се игра следниот натпревар за титулата европски шампион.