Шпанскиот фудбалер Дани Олмо се повеќе се поврзува во странските медиуми со трансфер од Барселона во Манчестер сити. Поранешниот играч на Динамо пристигна во Барселона минатата година за 55 милиони евра.

Менаџерот на фудбалерот, Енди Бара за германски „Скај Спорт“, откри какви се плановите на неговиот клиент.

„Во моментов не разговараме со ниту еден друг клуб освен со Барселона. Дани е среќен во Барселона. Тој освојува трофеи и е важен дел од тимот. Гласините не се точни. Но, секако, никогаш не знаете што носи иднината“, рече Бара.

Манчестер сити имаше сезона под очекувањата. Тие ќе завршат далеку зад новиот шампион Ливерпул на табелата.

Успех за тимот на Пеп Гвардиола ќе биде доколку избори пласман во Лигата на шампионите следната сезона.

Главниот плејмејкер на Гвардиола, Кевин де Брујне, ќе го напушти тимот по завршувањето на сезоната и Сити бара замена.

Еден од кандидатите за таа позиција офанзивен играч за врска е Олмо, заедно со германскиот репрезентативец Флоријан Вирц, кој го напушта Баер Леверкузен.

Фудбалерите на Барселона ја прославија успешна сезона, во која освоија три трофеи.

Барселона е шампион на Шпанија, ја обезбеди титулата на две рунди пред крајот на Ла Лига, а претходно ги освои Суперкупот и Копа дел Реј.

Фудбалерите на Барселона бурно го прославија последниот од серијата трофеи оваа сезона, по прославата во соблекувалната на Еспањол, Каталонците славеа со навивачите во отворен автобус што минуваше низ градот.

Еден од играчите кој беше меѓу најопуштените на прославата беше дефанзивецот Ињиго Мартинез, кој можеше да заврши трагично, бидејќи падна од автобусот за време на прославата.

Како што можете да видите на видеото објавено од шпанските медиуми, тој паднал на грб, но за среќа не е повреден.

🫣 El 'accidente' de Ronald Araujopic.twitter.com/myR7nqqeRO

— Mundo Deportivo (@mundodeportivo) May 16, 2025

Њујорк Никс се пласираа во финалето на Источната конференција за прв пат од 2000 година, откако ги декласираа Бостон Селтикс со 119:81 во шестиот натпревар од полуфиналната серија.

Во преполниот „Медисон Сквер Гарден“, со рекордно скапи билети, домашниот тим ги оправда очекувањата и го победи актуелниот шампион, кој беше без својата прва ѕвезда, Џејсон Тејтум, кој го пропушти натпреварот поради повреда на Ахиловата тетива.

Кај Никс, дури шест играчи имаа двоцифрен број поени, а четворица надминаа 20 поени.

О’Џеј Ануноби и Џејлен Брансон постигнаа по 23 поени, Мајкл Бриџис 22, а Карл-Ентони Таунс 21 поен и 12 скока.

Џош Харт имаше трипл-дабл од 10 поени, 11 скока и 11 асистенции, а Мајлс Мекбрајд исто така имаше двоцифрен број на поени 10.

Во Бостон, Џејлен Браун собра 20 поени, Причард имаше 11, Хорфорд 10, додека Дерик Вајт со осум и Џру Холидеј со четири поени беа далеку од потрбното ниво за еден ваков натпревар.

Никси ќе играат против Индијана Пејсерс во финалето на Источната конференција, а првиот натпревар ќе се игра во среда во „Медисон Сквер Гарден“.