Спорт
Рашфорд: Имам огромна почит кон Рангник, знам дека играм слабо
Маркус Рашфорд инсистира дека има „бескрајна почит“ кон преодниот менаџер на Манчестер јунајтед, Ралф Рангник по извештаите за конфликти во соблекувалната на англискиот гигант, и во исто време признава дека мора да игра подобро оваа сезона.
Рангник го смени Оле Гунар Солскјер во ноември, но во играта на „ѓаволите“ не се гледа голема промена, посебно при 0:1 поразот од Вулверхемптон во понеделникот, и англиските медиуми шпекулираа дека дури 17 фудбалери се незадоволни во клубот. Рашфорд реши да го демантира ова.
„Прочитав некаде дека сум бил тивок на теренот, но што можам да кажам за да ја направам ситуацијата подобра од тоа што ќе го покажам на теренот? Сите сме разочарани со последните мечеви и посебно разочарани од вестите кои ја покриваат нашата посветеност кон менаџерот и кон клубот. Имам бескрајна почит кон тренерот и клубот и се обидувам да ја подобрам мојата игра во Манчестер јунајтед. Не сум разочаран, не сум несреќен. Дали сум разочаран од дел од моите игри? Секако дека сум. Јас сум најголемиот критичар. Стартот беше тежок, но сакам да ја докажам мојата вредност. Мојата посветеност и желба да бидам тука никогаш не треба да биде под сомнеж. Го сакам овој клуб“, пишува Рашфорд.
https://t.co/SmpwLWT4mP pic.twitter.com/1I258YvrCm
— Marcus Rashford MBE (@MarcusRashford) January 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Венус Вилијамс победува и на 45-годишна возраст
Венус Вилијамс стана втората најстара тенисерка со победа на ВТА во историјата.
Американската тенисерка доби посебна покана за турнирот во Вашингтон и на 45-годишна возраст ја победи Пејтон Стернс, 35-та тенисерка во светот.
Вилијамс лесно ја победи својата сонародничка, резултатот беше 2:0 (6:3, 6:4).
Американската тенисерка стана втората најстара тенисерка со победа на ВТА. Рекордот сè уште го држи Мартина Навратилова, која на 47-годишна возраст забележа победа на Вимблдон во 2004 година.
Фото/ Принтскрин
Спорт
Атлетико го „украде“ Марк Пубил од Вулверхемптон
Марк Пубил, 21-годишениот шпански десен бек, е нов играч на Атлетико Мадрид. Клубот од главниот град на Шпанија го потврди неговото пристигнување доцна синоќа. Интерес за Пубил имаше кај Вулверхемптон, но и неколку италијански клубови, вклучувајќи ги Милан, Јувентус и Рома.
Милан отиде најдалеку во обидот да го доведе Пубил минатата недела, при што клубот испрати медицински тим во Барселона за да изврши прелиминарни медицински прегледи.
„Росонерите“ сакаа потврда за состојбата на неговото колено пред да испратат официјална понуда до Алмерија. Откако ги разгледаа наодите и се консултираа со тренерот Макс Алегри, тие одлучија да ги напуштат преговорите и да го насочат фокусот кон Гуела Дуе од Стразбур.
Се очекуваше дека Вулверхемптон ќе има отворен пат да го потпише младиот шпански репрезентативец, но доцна синоќа се случи пресврт. Како што пишуваат „Марка“ и новинарот Фабрицио Романо, Атлетико ја искористи можноста и брзо обезбеди договор со играчот и Алмерија.
Трансферот треба да изнесува околу 16 милиони евра со дополнителни 4 милиони преку бонуси и процент од идните продажби.
Спорт
Јувентус го откупи договорот на Консеисао

Португалскиот играч Франсиско Консеисао и официјално стана играч на Јувентус, објави италијанскиот клуб.
Консеисао (22) играше за Јувентус во текот на сезоната 2024/25 како позајмен играч од Порто, а италијанскиот клуб објави дека издвоил 30,4 милиони евра за трансферот.
Португалскиот играч потпиша договор со Јувентус до 2030 година.
Консеисао минатата сезона постигна седум гола и имаше шест асистенции во 40 натпревари за Јувентус во сите натпреварувања.
Одигра 11 натпревари за португалската репрезентација и постигна два гола.
Јувентус, новата сезона ќе ја отвори против Парма во првото коло од Серија А на 24 август.