Спорт
Реал, Барса и Атлетик работат против интересите на другите шпански клубови
Шпанската Ла лига ги обвини Барселона, Реал Мадрид и Атлетик Билбао дека се обидуваат да го спречат растот на другите шпански клубови откако се спротиставија на медиумскиот договор со „ЦВЦ капитал партнерс“.
Шпанската лига се согласи да продаде 10 отсто од бизнисот на американскиот инвестициски фонд во август, и иако тој беше одобрен од извршниот комитет, 38 од 42 клубови во првите две лиги го ратификуваа договорот.
Барса, Реал и Атлетик, заедно со второлигашот Реал Овиедо беа против договорот, со што инвестицијата падна од 2.7 на 2.1 милијарди евра. Овие пари ќе бидат споделени меѓу тие 38 клубови, но и Овиедо, кои се предомислија.
„Изненадувачки е што тие се спротиставуваат на нешто што не влијае на нив. Клубовите ќе имаат само профит од растот на Ла лига. Тие три клубови се обидуваат да спречат раст на другите клубови во Лигата. Реал Мадрид речиси секогаш е против обидите на Ла лига за раст на лигата, но ние ќе продолжиме да ги штитиме интересите на мнозинството клубови“, велат од Ла лига.
Барса, Реал и Атлетик објавија заедичко соопштение во кое објавија дека ќе се борат против договорот. Парите клубовите ќе ги добијат како заем, и мораат барем 70 отсто од нив да ги инвестираат во долгорочен развој. „ЦВЦ“ пак ќе добива 10 отсто од приходите на лигата во следните 50 години, вклучувајќи ги парите од ТВ-правата, но сега без удделот на Барса, Мадрид и Билбао.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.