Каталонскиот „Ел Насионал“, во јануарскиот преоден рок, најавува вистинска трансфер-бомба. Главен актер е клиент на контроверзниот менаџер, Мино Рајола.

Според овој извор, Рајола е во контакт со луѓето од Барселона, околу евентуалниот трансфер на Матијас Де Лихт.

Холандскиот репрезентативец не бил задоволен од статусот што го има во Јувентус. Од почетокот на сезоната одиграл само 669 минути. Предност кај Масимилијано Алегри имаат ветераните Џорџо Кјелини и Леонардо Бонучи.

Барселона сакаше да го донесе Де Лихт и во 2019 година, меѓутоа Рајола тогаш ја прифати понудата од Јувентус. „Страта дама“ за Де Лихт плати 75.000.000 евра.

Дмитриј Музерски (32), олимписки шампион со Русија од Лондон 2012 година, во моментов е суспендиран поради позитивен допинг-тест во 3013 година. Оваа необична информација ја објави неговиот клуб во Јапонија, Сантори Санбрдс.

Музерски, во 2012 година на ОИ во Лондон, го креираше неверојатниот пресврт во финалето на одбојкарскиот турнир. Русија губеше 2:0 од Бразил, на крајот победи со 3:2.

Во клупската 2012/2013, Музерски ја предводеше Локомотива од Белгород до дуплата круна. Во 2013 година тој паднал на допинг-тестот.

Суспензијата на Музерски му била потврдена во април 2021 година и трае до 4.јануари 2022.

Нејасно е зошто спортист кој бил позитивен на допинг во 2013 година, суспензијата ја одработува осум години подоцна.

Легендарниот голман Драган Пантелиќ, почина на 69-годипна возраст од коронавирусот. Пантелиќ, починал утрово во Клиничкиот центар во Ниш.

Пантелиќ, најголемиот дел од кариерата го помина во Раднички Ниш. Беше дел од најславната генерација на клубот, наречена „Реал од Нишава“. Раднички во 1982 година играше полу-финале во Купот на УЕФА.

Бранеше за Југославија на Светското првенство во Шпанија во 1982 година. Во периодот од 1979 до 1984 година бранел на 19 натпревари за Југославија.

Во кариерата бранел за Лешница, Раднички, Графичар, Бордо и Тимок. Постигнал 15 голови во кариерата. Најпознат е голот од 1980 година, кога од својот шеснаесетник го совлада колегата од Вележ, Енер Мариќ.

По завршувањето на кариерата бил претседател на Раднички Ниш и пратеник во Собранието на Србија.