Спорт
Реал дава 300 милиони за Мбапе, ПСЖ му нуди иста плата како Нејмар!

Јануарскиот преоден рок не е ни започнат, а веќе почнаа фудбалски сапуници. Со недели се шпекулира дека Реал Мадрид се обидува на сите можни начини да го доведе Французинот на „Бернебеу“.
Спортскиот директор на ПСЖ, Леонардо им порача на „Кралевите“ дека се досадни и иритантни со убедувањето на нивните играчи.
Сепак, се чини дека до најавениот трансфер би можело да дојде, ако не во јануари, тогаш со голема веројатност во јуни идната година.
Француски „Le Parisien” пишува дека иако Мбапе има договор со „светците“ до 2022 година, Реал за него подготви 300 милиони евра. Во случај уште некоја екипа да се обиде да го доведе младиот француски голгетер, тогаш отштетата би можела да стигне дури и до 400 милиони евра, што е околу 180 милиони повеќе од најскапиот трансфер во историјата на фудбалот, оној на Нејмар од Барса во ПСЖ.
Сепак, фарнцускиот шампион ќе стори се за Мбапе да го задржи на „Паркот на принцовите“. Му нудат неделна плата иста како на Нејмар – 700.000 евра неделно, нешто помалку од 37 милиони евра годишно.
Real Madrid are plotting a €300 million bid for Kylian Mbappe next summer, according to Le Parisien. pic.twitter.com/XDBt0cFccV
— Madridista-Swedeninho (@MadridstaLoco) November 6, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ: Бев на вечера со Рафа, но не сме пријатели

Во интервју за „Кориере дела Сера“, Новак Ѓоковиќ уште еднаш раскажа каков однос имал со своите најголеми ривали, Рафаел Надал и Роџер Федерер.
„Никогаш не бевме пријатели. Рафа е само една година постар, двајцата сме близнаци во хороскоп, двапати бевме на вечера заедно, но пријателството со него е невозможно. Секогаш имав многу почит и восхит кон него. Невозможно е пријателство меѓу ривали, но никогаш не сме биле непријатели. Благодарение на него и Федерер станав ваков.
Ѓоковиќ вели дека нивното големо соперништво е незаборавно.
„Тоа ќе нè обедини засекогаш. Надал е дел од мојот живот во последните 15 години. Го гледав повеќе од мајка ми“.
Потоа откри и што најмногу почитува кај Шпанецот:
„Има многу работи што ме инспирираат во неговата кариера. Пред сè, упорност, посветеност, борбен дух. Неговиот менталитет на шампион кој никогаш не се откажува и секогаш, колку и да е тешко, наоѓа начин да победи, начин да се врати. Тој негов менталитет е навистина многу инспиративен“.
Слична е ситуацијата и со Федерер.
„Секогаш чувствував голема почит кон него, тој е еден од најголемите на сите времиња. Имаше неверојатно влијание, но никогаш не бевме блиски“.
Спорт
Уште една репрезентација се квалификуваше за Светското првенство

Фудбалската репрезентација на Гана ќе игра на петтото од последните шест Светски првенства.
Избраниците на тренерот Ота Адо ги победија Коморските острови со 1:0 со што го обезбедија првото место во Група И. Гана во пресрет на последното коло има шест бода повеќе од Мадагаскар.
Стрелец на победничкиот гол за „Црните ѕвезди“ на натпреварот одигран во Акра беше Мохамед Кудус од Тотенхем на почетокот на второто полувреме.
Гана со тоа стана петтата африканска репрезентација што се квалификуваше за следното Светско првенство, по Мароко, Тунис, Алжир и Египет.
Гана го постигна својот најголем успех на Светското првенство во Јужна Африка кога играше во четвртфиналето.
Ганците го имаа своето деби на Светското првенство во 2006 година и оттогаш оваа селекција го пропушти само завршниот турнир организиран од Русија во 2018 година.
Пред Гана пласман на Светското првенство покрај организаторите САД, Мексико и Канада обезбедија : Јапонија, Нов Зеланд, Иран, Аргентина, Узбекистан, Јужна Кореја, Јордан, Австралија, Бразил, Еквадор, Уругвај, Колумбија, Парагвај, Мароко, Тунис, Египет, Алжир.
Спорт
Вирц е талент што се раѓа еднаш во еден век

Поранешниот менаџер на Ливерпул, Јирген Клоп, испрати порака до навивачите на „Црвените“ и застана во одбрана на 22-годишниот Флоријан Вирц, по лошиот почеток на сезоната на германскиот играч од средниот ред на „Енфилд“.
Вирц, кој пристигна ова лето од Баер Леверкузен за 116 милиони фунти (133 милиони евра), сè уште чека на својот прв гол или асистенција во Премиер лигата и Лигата на шампионите.
Ливерпул го сруши британскиот рекорд за трансфери во летниот преоден рок за да го доведе Вирц, кој брилијантно играше во Баер Леверкузен во текот на пет и пол години во Бундеслигата.
Затоа очекувањата од германскиот репрезентативец беа исклучително високи. Сепак, 22-годишникот досега не ги исполни, што предизвика критики од јавноста во Англија.
Притисокот го зголемува и лошата форма на клубот, кој доживеа три порази по ред, што покрена прашања за способностите на Вирц.
И покрај критиките, легендарниот Клоп решително застана зад младиот играч. Во разговор за „Sport.de“, тој им порача на навивачите да бидат трпеливи.
„Неговиот квалитет е извонреден. Дискусиите се малку претерани. Ливерпул загуби три натпревари по ред, што е невообичаено. Но, тоа е и нормално во животот. Вирц е талент што се појавува еднаш во еден век и во еден момент ќе го покаже тоа повторно на секој натпревар, исто како што го правеше во Леверкузен“, рече Клоп.