Стратегот на Наполи, Џенаро Гатузо ќе потпише нов договор до летото 2023 година, пренесуваат италијанските.

По поразот од Барселона, Гатузо се состанал со претседателот Де Лаурентис и бил постигнат договор за продолжување на соработката.

Популарниот Рино за продолжувањето на соработката ќе добие покачување од 1.6 милиони евра по сезона плус одредени бонуси.

Покрај тоа, екс-фудбалерот добил гаранции дека Наполи ќе биде активен на трансфер пазарот, што веќе се покажа со ангажманот на Виктор Исимена за 50 милиони евра од Лил.

Гатузо бара замена и за Хозе Каљехон кој си оди од Неапол, па останува да се види дали Де Лаурентис ќе му ја исполни желбата.

Му ветил на газдата – борба за врвот во Серија А и враќање во Лигата на шампиони.

Американската тенисерка, ветеранката Серена Вилијамс вели дека е подготвена да му се врати на тенисот, но инсистира да се почитуваат мерките за заштита затоа што, како што вели, и самата станала опседната со тоа.

„Целиот свет ја доживува оваа пандемија. Спортот денеска е една од ретките работи кои на луѓето можат да им понудат `свеж воздух`.Почнав да вршам социјална дистанца уште на почетокот на март. Немам полн капацитет на белите дробови, па не знам што би можело да ми се случи ако закачам коронавирус. Многу сум внимателна, патувам со 50 мааски, може да се каже дека сум и опсесивна, но морам така да се однесувам“ – вели Вилијамс.

Освојувачката на 23 грен слем титули вели дека нема дилема дали да игра на претстојните турнири.

„Ќе гледам да играм на сите турнири, доколку се одржат, иако научив да не ја планирам иднината“ вели тенисерката.

Италијанскиот шампион Јувентус се чини почна со реконструкцијата на тимот откако Андреа Пирло го презема кормилото од Маурицио Сари. Пирло во саботата беше промовиран, а веќе денеска е потврдена првата продажба.

33-годишниот фудбалер од средниот ред, Блез Матуиди е продаден во Интер Мајами, клубот каде косопственик е Дејвид Бекам. Матуиди поради своите технички недоследности не успеа да се наметне ниту кај Сари, а на сличен став бил и Пирло, па продажбата била без многу размислување.

Французинот има уште една година од договорот со „Старата дама“, но според италијанските медиуми, Јуве ќе го пушти да си оди без отштета.

Францускиот интернационалец во клубот од Торино пристигна летото 2017 година од редовите на ПСЖ. За Јуве одигра 133 меча и постигна 8 гола.