Спорт
Реал го доби трилерот во две продолженија, Швед го реши руското дерби

Во битка која се одвиваше во две продолженија, Реал Мадрид стигна до 90:84 победа на гости кај Монако во најинтересниот меч од 23. коло во Евролигата.
Две француски даб-дабл партии на Гершон Јабуселе (18 поени и 10 скока) и Винсен Поаире (10 поени и 14 скока), ја обезбедија предноста на Реал Мадрид, иако имаа дури 19 загубени топки. Ова беше седма победа во низа за „кралевите“, кои сега се на врвот на табелата. Ова беше 12 победа во последните 13 меча во сите натпреварувања за тимот на Пабло Ласо.
Монако на Саша Обрадовиќ, пак имаа четири победи во низа пред дуелот со Реал, а најдобри беа Алфа Дијало и Двејн Бејкон со 19 поени. Монако има 10-12 скор.
Во руското дерби пак, Алексеј Швед имаше фантастични 27 поени за да ги предводи ЦСКА Москва до 86:75 победа на гости кај Уникс Казан, за да се врати на победите по катастрофалниот домашен пораз од Олимпија Милано, меч во кој швед имаше 2-од-11 од поле.
Швед исто така ги постигна клучните поени – тројката за 66:72 и потоа двата поени за 68:77 на две минути до крајот. Никола Милутинов имаше 17 поени и 7 скока за ЦСКА, додека Вил Клајбурн имаше 16 поени. За Уникс, Марио Хезоња и Лоренцо Браун беа најефикасни со по 21 поен.
ЕВРОЛИГА, 23.КОЛО
Уникс Казан – ЦСКА Москва 75:86 (20:16, 12:21, 25:27, 18:22)
Монако – Реал Мадрид 84:90 (18:16, 16:19, 23:21, 9:10, 18:24)
Панатинаикос – Басконија 75:63 (22:8, 16:12, 19.12, 18:31)
Баерн Минхен – Алба Берлин 62:56 (16:16, 10.8, 15:20, 21:12)
Олимпија Милано – Жалгирис 65:58 (20:20, 19:10, 15:15, 11:13)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
КОНМЕБОЛ жестоко ги казни Индепендиенте и Унивесидад де Чиле

Аргентинскиот клуб Индепендиенте е дисквалификуван од Купот Судамерикана, по насилните инциденѕи меѓу навивачите за време на натпреварот против Универсидад де Чиле пред две недели во близина на Буенос Аирес, објави во четврток Јужноамериканската фудбалска конфедерација (КОНМЕБОЛ).
19 лица беа повредени во тепчките меѓу навивачите на Индепендиенте и Универсидад де Чиле, во кои беа употребени палки и пиротехника.
Аргентинскиот клуб, исто така, ќе мора да ги игра следните 14 натпревари на турнирите на КОНМЕБОЛ без свои навивачи и да плати казна од 250.000 долари, одлучи Јужноамериканската фудбалска конфедерација.
Управното тело, исто така, му изрече казна на чилеанскиот клуб, кој мора да плати 270.000 долари, а двата тима ќе играат седум домашни натпревари пред празни трибини и седум гостувања без свои навивачи.
Универсидад де Чиле се пласира во четвртфиналето, каде што ќе се соочи со Алијанц Лима од Перу.
Одлуката дојде откако официјалните лица го прекинаа натпреварот на 20 август на „Естадио Либертадорес де Америка“ во Буенос Аирес поради недостаток на обезбедување по инцидентите што резултираа со сериозни повреди и повеќекратни апсења.
За време на натпреварот, чилеанските навивачи фрлаа предмети кон локалните навивачи, кои одговорија со влегување во гостинскиот сектор за да ги претепаат.
Во моментот на паузата, тимовите беа изедначени 1:1, што му одеше во корист на чилеанскиот тим, кој го доби првиот натпревар со 1:0.
Фото/ Принтскрин
Спорт
Нагелсман: Можеби треба да повикам играчи со послаб квалитет

Германската фудбалска репрезентација загуби со 2:0 од Словачка во Братислава во натпреварот од првото коло од квалификациите во Групата А за Светското првенство во 2026 година.
Домашниот тим поведе со голот на Давид Ханцко во 42-та минута, а потоа асистентото за првиот гол, Давид Стрелец во 55-та минута го постигна вториот гол.
Селекторот на Германија, Јулијан Нагелсман не го криеше своето разочарување, ги критикуваше своите избраници.
„Бевеме без двајца-тројца повредени, но ова се најдобрите играчи што ги имаме во Германија. Можеби следниот пат треба да поканиме играчи со послаб квалитет кои ќе дадат се од себе на теренот“, луто го коментираше поразот младиот стручњак.
Foto/ EPA
Спорт
Меси не е сигурен дека ќе игра на Светското првенство

Лионел Меси даде изјава што изненади многумина по победата против Венецуела (3:0), во претпоследното коло од јужноамериканските квалификации за пласман на Светското првенство..
Дуелот со Венецуела беше последен за Меси во дресот на Аргентина пред домашната публика, а по натпреварот, ја загрижи домашната јавност.
Имено, Меси сè уште не е сигурен дали ќе настапи на претстојното Светско првенство.
„Со години ја имав наклонетоста на Барселона, а мојот сон беше да го имам тоа и овде, во мојата земја, со мојот народ. Ќе ги паметам добрите работи. Мислам дека нема да играм, поради моите години – најлогично е дека нема да бидам на Светското првенство. Ќе се водам според тоа како се чувствувам. Се обидувам да бидам искрен со себе. Не сум донел одлука, но ќе размислам внимателно“, рече Меси по натпреварот.
Foto/ EPA