Спорт
Реал и Манчестер сити треба да го потврдат пласманот во четврт-финалето
Вечерва во Лигата на шампионите, на програмата се осмина-финалните реванши Реал-Аталанта и Манчестер сити-Борусија Менхенгалдбах.
Реал реваншот против Аталаната ќе го започне со предност од 1:0. Пред три недели во Бергамо, Менди го постигна единствениот гол. Аталанта на тој натпревар од 17.минута играше со фудбалер помалку на теренот.
Поради црвениот картон Фројлер ќе го пропушти натпреварот, а поради повреда ќе отсуствува и Хатербур. Реал ќе биде без повредениот Карвахал и Касемиро кој е суспендиран.
Традицијата вели дека Реал, забележал 11 победи на последните 12 натпревари, кога притивници им биле тимови од Италија. Од друга страна Аталанта има серија од пет победи на гости во Лигата на шампионите.
Можни состави:
Реал: Куртоа – Васкез, Варан, Рамос, Менди – Крос, Валверде, Модриќ – Асенсио, Бензема, Винисиус
Аталанта: Голини – Тонали, Ромеро, Џимсити – Маеле, Де Рон, Пашалиќ, Госенс, Песина – Мјуриел, Запата.
Вториот меч вечерва треба да биде само формалност за фудбалерите на Манчестер сити. „Граѓаните“ првиот меч го добија со 2:0, а со оглед на формата во која се наоѓаат тимовите, Борусија нема никакви шанси против лидерот во Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мала држава од Атлантикот е пред историски пласман на СП 2026, а билетите за најважниот меч се продаваат во пекарници

Фудбалската репрезентација на Зеленортските Острови утре го игра својот клучен натпревар против Есватини, а победата ќе им донесе историски прв пласман на Светско првенство. Ова ќе биде првпат малата островска држава да се најде на најголемата фудбалска сцена.
Со два бода предност пред второпласираниот Камерун, Зеленортските Острови се на одлична позиција да обезбедат директен пласман. Дури и во случај на нерешен резултат, многу е веројатно дека ќе се квалификуваат преку рангирањето на најдобрите второпласирани.
Малата, но амбициозна држава е лоцирана на Атлантикот и е поранешна португалска колонија со независност стекната во 1975. Многу играчи од репрезентацијата играат во Португалија и Европа, но никогаш претходно не учествувале на Светско првенство.
Интересно е дека билетите се продаваат на пет физички локации – на стадионот, неколку пекарници и бензински пумпи, без онлајн продажба.
Спорт
Билети за мечот Македонија – Казахстан утре ќе можат да се купат и на билетарницата на Арената

Фудбалската федерација на Македонија информираше дека освен преку сајтот eticket.ffm.mk специјализиран за електронски билети за мечевите на националниот тим, билети за утрешниот меч со Казахстан ќе може да се купат и на билетарницата на Националната арена „Тодор Проески” во Скопје.
Утре, на денот на натпреварот, од 10 до 17 часот ќе може да се купи билет за мечот Македонија – Казахстан и тоа по цена од 300, 400 и 500 денари, во зависност од седиштето кое ќе го одберете.
Спорт
Македонија до 19 години убедливо ја победи Црна Гора на гости

Македонската репрезентација до 19 години, предводена од селекторот Ерхан Селими, забележа одлична победа на гостински терен, совладувајќи ја Црна Гора со убедливи 2:4 во вториот пријателски натпревар меѓу двете селекции.
Во дуел во кој нашите млади репрезентативци имаа далеку повеќе од играта, Македонија постигна четири погодоци, доминираше на теренот и целосно заслужено се радуваше на овој извонреден триумф.
Серијата голови за нашата селекција ја отвори фудбалерот на Вардар, Емир Шаботиќ, во првото полувреме. Откако домаќините успеаја да израмнат, Македонија повторно поведе со гол од пенал на членот на Црвена ѕвезда, Горазд Ристовски.
Црна Гора повторно израмни на 2:2, но по голема грешка на домашниот голман, Адмир Љафити донесе ново водство за Македонија. Истот играч со прекрасен соло продор и прецизен удар го постави конечниот резултат, 2:4 во корист на нашата селекција.
Првиот пријателски натпревар меѓу овие две репрезентации заврши без голови, 0:0.