Доминик Тим нема да учествува на Олимписките игри во Токио. Австриецот е второто големо име на светскиот тенис кој реши да ги пропушти Игрите. Вчера, Рафаел Надал, објави дека нема да игра во Токио.

„Сакам со вас да ја споделам оваа тажна вест. По разговорите со мојот тим и деталната анализа на ситуацијата, решив да ја донесам оваа тешка одлука. Нема да играм на Олимписките игри во Токио.

За мене како спортист, не постои поголема чест да настапувам за својата земја на ОИ. Поради тоа оваа одлука е уште потешка.

Последните две недели жестоко тренирам, напредувам на физички план. Планирам напорно да работам наредните недели, да пружам максимум на Вимблдон и да ја одбранам титулата на Ју-ес опен.

На австрискиот тим му посакувам успех во Токио. Млад сум, се надевам дека ќе играм за Австрија во Париз 2024 година“, напишал Тим на Твитер.

Доминик Тим има кошмарна сезона, најдобар резултат му е четврт-финалето на Австралија опен. На Мастерс турнирите само во Мадрид успеа да дојде до третото коло, додека на Ролан Гарос испадна на стартот, во првото коло.

Еден од најдобрите НБА тренери во овој век, Рик Карлајл, објави дека повеќе нема да ги предводи Далас Маверикс. Карлајл ги предводеше Маверикс од 2008 година, во 2011 година ја освои единствената титула во историјата на франшизата. Претходно оставка на функцијата поднесе спортскиот директор, Дон Нелсон.

Тренерската кариера, Карлајл, ја започна во 2001 година во Детроит Пистонс. Во 2002 година ја доби наградата за тренер на годината. Од 2003 до 2007 година ги предводеше Индијана Пејсерс.

Во Далас остави длабока трага, во последната деценија стана еден од најдобрите офанзивни тренери во лигата.

Американските медиуми шпекулираат дека Карлајл од наредната сезона ќе биде тренер на Милвоки Бакс.

Фудбалерите на Бразил, убедливо го поразија Перу со 4:0, во второто коло на Копа Америка.

Бразилскиот селектор, Тите, во однос на мечот со Венецуела, направи шест измени во стартната постава. Тоа не им беше проблем за „Кариоките“, предводени од Нејмар и Тијаго Силва да забележат убедлива победа.

Бразил, постигна еден гол во првото полувреме, преку Алекс Сандро во 12.минута. Отпорот на Перу целосно го скршија во последните 20 минути.

Нејмар во 68.минута го постига 68 гол во националниот тим. Прв на вечната листа е Пеле со 77 голови.

Во самиот финиш конечните 4:0 ги поставија Евертон Рибеиро во 89. и Ришарлисон во 93.минута.