Спорт
Реал Мадрид по пенал-драмата го освои Суперкупот на Шпанија (видео)
 
																								
												
												
											Реал Мадрид, иако лани не освои ниту еден трофеј, е освојувач на шпанскиот Суперкуп, откако дури по изведувањето на пенали го совладаа градскиот ривал Атлетико Мадрид, откако во 120 минути двата тима не успеаја да постигнат гол.
Мечот се играше во Џеда, Саудиска Арабија, откако оваа година Шпанската фудбалска федерација (РФЕФ) покани четири екипи (Атлетико, Реал, Барселона и Валенсија) на натпреварувањето, и во финалето играа двете екипи кои лани не освоија трофеи.
Реал имаше повеќе од играта во текот на регуларните 90 минути, но не успеа да најде пат до голот на Облак, додека Атлетико беше многу опасен при контрите, предводени од Жоао Феликс. Во финишот на натпреварот, Федерико Валверде доби црвен картон за бруталниот старт над Алваро Мората, кој сепак на крајот се покажа како клучен спречувајќи шанса Атлетико да дојде до водство. Откако и по двете продолженија немаше победник, на ред дојдоа пеналите.
Тука далеку поумешни се покажаа фудбалерите на Реал Мадрид, додека за Атлетико Саул и Томас налетаа на расположениот Тибо Куртоа на голот и ги промашија двата обиди. Дани Карвахал, Родриго, Лука Модриќ и прикладно капитенот Серхио Рамос во четвртиот обид беа прецизни за „кралскиот клуб“, за годината на Зинедин Зидан да му почне со трофеј.
This Valverde foul won real madrid the final. Real need to give valverde a pay raise pic.twitter.com/a50mdnJZfK
— Wesley (@WesleyL10) January 12, 2020
El penal de Sergio Ramos y la celebración del Real Madrid. ⚪️
CAMPEONES. ⚪️? pic.twitter.com/6FugystKq2
— CRACKS (@cracks_oficial) January 12, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Официјално – Лучано Спалети го презеде Јувентус
 
														Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
 
														Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот. 
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
 
														Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											