Спорт
Реал (повторно) се незадоволни од изборот на судиите за Ел Класико
Остануваат уште три дена до новото „Ел Класико“ помеѓу Барселона и Реал Мадрид, последно во тековната сезона, но и најважното, бидејќи че ја реши шампионската трка.
Натпреварот на „Монжуик“ ќе се игра во недела во 16:15 часот, во ситуација кога Барса има четири бода предност на врвот на Ла Лига. Влогот е голем пред дербито, а Реал повторно, како и пред финалето во Купот на кралот, удри по судијата.
Натпреварот ќе го суди Алехандро Ернандез Ернандез, а клупската телевизија на реал, веднаш го обвини дека е „навивач на Барселона од детството“.
Се забележува дека од сите судии кои му суделе на Реал 10 или повеќе пати, со Ернадес како гкавен судија има најлош скор..
Кога суди Ернандез, Реал побдува на 54 проценти од натпреварите, а од последните шест, славеше само двапати.
🚨 El NUEVO vídeo de RMTV sobre Hernández Hernández es BRUTAL, uno de los principales árbitros Negreira y seguidor del BARCELONA desde niño.
🚨 MÁXIMA DIFUSIÓN A ESTE VÍDEO 🚨 pic.twitter.com/h9SFSHjECG
— REAL MADRID FANS 🤍 (@AdriRM33) May 8, 2025
Беше извлечено интервју што Ернандез го дал во 1994 година на 12-годишна возраст, кога открил дека навива за Барселона и рече дека негови омилени играчи се Ромарио и Михаел Лаудруп.
„Ова е Ернандез Ернандез, судија кој е во Примера 13 години, навивач на Барселона од детството, кој сега ќе суди во клучно Ел Класико во лигата“.
Хернандез ќе го суди „Ел Класико“ по петти пат, но не е единствениот на удар, туку клупската телевизија го критикува и Мартинез Мунуера, кој ќе биде главен во ВАР собата.
„Уште еден од судиите кој му нанесе штета на Реал Мадрид на најсериозен можен начин со своите одлуки ќе биде задолжен за ВАР“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Само што дојде во Џирона, Тер Штеген се повреди
Марк-Андре Тер Штеген доживеа нова повреда.
Тој штотуку пристигна во Џирона, како позајмен од Барселона, а поради повредата тој би можел експресно да се врати на „Ноу Камп“.
Каталонски извори денес потврдија дека Тер Штеген доживеал повреда на мускулот што ќе го оддалечи од терените помеѓу два и три месеци.
Не е невозможно Џирона да ја прекине позајмицата бидејќи паузата со која се соочува Германецот воопшто не е кратка. Џирона има проблем, бидејќи остана само со Газанига, откако Ливаковиќ го напушти клубот и се врати во Динамо Загреб.
Што се однесува до Тер Штеген, сигурно е дека оваа повреда дополнително ги намали неговите шанси да биде прв голман на Германија на Светското првенство во САД, Канада и Мексико.
Foto/ EPA
Спорт
Нико Вилијамс на нова пауза
Нико Вилијамс, навистина нема среќа оваа сезона. Повторно се повреди и мора да направи уште една долга пауза.
Шпанскиот репрезентативец страда од повреда на пубалгија. Третманот што му го препишаа лекарите на клубот не донесе никаков напредок и сега ќе мора да ги променат терапиите, бидејќи Нико Вилијамс игра со болки веќе некое време.
Исто така, клубот направи ризик поради настапот во Лигата на шампионите, на крајот тој ризик не му донесе ништо добро на Атлетик. Клубот заврши на 29-то место и не се пласираше ниту во плејофот.
Сега новиот проблем е што Нико Вилијамс ќе направи пауза до крајот на март, кога е репрезентативната пауза, па сигурно е дека ќе игра за тимот на Ернесто Валверде од април.
Во среда, Атлетик Билбао ќе биде домаќин на Валенсија во Кралскиот куп, а потоа ќе има натпревари со Леванте, Овиедо, Елче, Рајо Ваљекано, Барселона, Џирна и Бетис. Сите овие натпревари Нико Вилијамс ќе ги пропушти.
Се очекува тој да биде подготвен за гостувањето кај Хетафе на 5 април.
Foto/ depositphotos
Спорт
Во Рајо бесни по поразот од Реал: Сите сте исти еб.те си ја мајката
Фудбалерите и челниците на Рајо Ваљекано го напуштија „Сантијаго Бернабеу“, огорчени од судијата откако загубија со 2:1 од Реал Мадрид. Натпреварот беше решен во 99-та минута, кога судијата Дијаз де Мера досуди пенал за Реал, кој Килијан Мбапе го претвори во гол за победа.
Спорната одлука и острите зборови што следеа можат скапо да го чинат гостинскиот тим, пишува Марка.
Судијата Дијаз де Мера ги евидентираше навредите упатени кон него од Давид Кобењо, спортскиот директор на Рајо Ваљекано, по натпреварот. Според извештајот на судијата, Кобењо постојано им викал на судиите на пат кон соблекувалната: „Секој натпревар иста приказна со вас“.
Инцидентот продолжил и подоцна.
„Кога четвртиот судија влегуваше во соблекувалната, Кобењо му се обрати викајќи и повторувајќи неколку пати: „Сите сте исти, еб.те си ја мајката“.
„Овие настани се случија во присуство на делегатите на натпреварот“, се вели во записникот.
Тренерот на Рајо Ваљекано, Ињиго Перез, не сакаше да коментира за судењето на прес-конференцијата.
„Не зборувам за судиите“, рече кратко. Додаде дека очекува долго надополнување на времето од страна на судијата, но дека тимот дејствувал сигурно.
„Видов дека тимот се бранеше доста добро во шеснаесетникот, немав чувство дека можат да постигнат гол против нас“, рече Перез.
За разлика од него, играчот Пеп Чаварија, кој беше исклучен во финишот, не ги криеше своите фрустрации на социјалните мрежи. „Ова е еден од најтажните денови откако сум на теренот. Овој тим заслужува почит. Ви благодарам навивачи на Рајо, ќе продолжиме да се бориме против сè и секого. Бог е праведен и гледа сè“, напиша Чаварија.
Марта Соријано, сопругата на играчот Иси Паласон, исто така беше многу остра во својот коментар.
Таа објави порака на социјалните мрежи со слика од кловн. „Кутри луѓе, мора да плачат, да добијат дополнителни 10 минути, да добијат пенал во последната минута и да исклучат двајца наши играчи за да го победат Рајо“, напиша Соријано и ја заврши објавата со еден збор: „Срамно!“
Foto/ EPA

