Словенечката ракометна репрезентација ги заддржа шансите за пласман во четврт-финале на Светското првенство во Египет, откако во драматична завршница избори 28:28 реми со Шведска, и сега и остануваат тестовите со Египет и Македонија за овој пласман.

Швеѓаните имаа одличен старт и поведоа со 11:6, но на полувреме оваа предност се „стопи“ и тие имаа само 15:14 предност. Во драматичната борба во второто полувреме, прво водеа Словенците, пред Швеѓаните предводени од Јонсон и Ване да направат пресврт и да бидат на дофат до победата. Блаж Јанц во 58. минута го донесе второто водство за Словенија 27:26, пред во последната минута Шведска да поведе, а на Словенија да и останат 15 секунди за напад. Матеј Габер беше херојот на словенечката репрезентација за голем поен.

СП ЕГИПЕТ, ВТОРА РУНДА

ГРУПА 3

Швајцарија – Португалија 29:33 (15:17)

Исланд – Франција 26:28 (14:16)

Норвешка – Алжир 36:23 (17:11)

Табела: 1.Франција 8, 2.Португалија 6, 3.Норвешка 6, 4.Исланд 2, 5.Швајцарија 2, 6.Алжир 0

ГРУПА 4

Македонија – Русија 20:32 (9:19)

Египет – Белорусија 35:26 (21:14)

Словенија – Шведска 28:28 (14:15)

Табела: 1.Египет 6, 2.Шведска 6, 3.Русија 5, 4.Словенија 5, 5.Белорусија 2, 6.Македонија 0

Јан Весели имаше 24 поени и 6 скока за да ги предводи Фенербахче до голема 89:83 победа на гости кај ЦСКА Москва за тимот на Игор Кокошков конечно да влезе во форма и да го подобри скорот во Евролигата на 11-10.

Нандо де Коло додаде 22 поени, 9 асистенци и 4 скока против својот поранешен клуб со кој двапати беше шампион во Евролигата, а Џерел Еди имаше 17 поени во битката на два од последните три шампиони од Евролигата.

Фенер ја презеде контролата во третата четвртина со 54:50 водство, но „Армејците“ одговорија бргу за да останат на 66:63 пред последната четвртина, но не можеа да направаат пресврт. Торнике Шенгелија заврши со 18 поени и 4 асистенции, а Никола Милутинов, Даниел Хекет и Јанис Стрелникс имаа по 12 поени за ЦСКА, кои сега имаат 15-6 скор.

Барселона го израмни скорот на ЦСКА (15-6) со 72:60 победа над Црвена звезда, откако Кори Хигинс имаше 14 поени, а Пјер Ориола додаде 12 поени за Каталонците. За Звезда, само Огњен Добриќ имаше двоцифрен број на поени (11). Звезда има 7-14 скор, колку што имаат и Панатинаикос, Алба Берлин и Асвел.

ЕВРОЛИГА, 21.КОЛО

ЦСКА Москва – Фенербахче 83:89 (21:15, 17:23, 28:25, 17:26)

Црвена звезда – Барселона 60:72 (11:21, 20:14, 14:22, 15:15)

Жалгирис – Олимпијакос 81:79 (26:20; 19:24, 18:16, 18:19)

Жозе Мурињо признава дека ќе треба да се склопи навистина посебен тим за да го сруши неговиот рекорд од 86 домашни натпревари без пораз во Премиер лигата, поставен од Челси од 2004 до 2008 година.

Ливерпул имаше фантастична домашна серија на „Енфилд“ која вчера заврши со 1:0 пораз од Барнли, вклучувајќи 68 натпревари без пораз. Челси, пак, не загубија на „Стемфорд Бриџ“ од февруари 2004 до октомври 2008, низа која покри повеќе од првиот престој на Мурињо во клубот. Аврам Грант беше тренер на Челси кога тие загубија од Ливерпул дома, додека Мурињо првиот домашен пораз во Премиер лигата го имаше во април 2014 од Сандерленд, во вториот период како тренер на клубот.

„Рекордите се тука да се рушат, дури и најневеројатните во многу спортови. Има рекорди кои кога ќе ги погледнеш мислиш дека е невозможно некој да го повтори тоа. Тоа што Ливерпул успеа беше многу тешко за остварување. Нашиот рекорд со Челси останува рекорд и ќе биде тешко да се сруши. Честитки за Ливерпул за серијата“, изјави Мурињо, сега на чело на Тотенхем.