Спорт
Ред Бул го претстави „RB20“
Актуелниот шампион во Формула 1, Ред Бул е последниот тим кој го претстави својот болид за новата сезона. И овој автомобил го носи името „RB20“, што е еволуција на минатогодишниот болид, кој беше најдобар во сезоната.
Не само што другите тимови го копираа Ред Бул, туку и австрискиот тим „украде“ идеи од другите тимови за новиот болид.
На прв поглед, овогодинешниот болид има поголем преден дел, сите други тимови поврзале три елементи од предното крило со носот на болидот, додека четвртиот е одделен и го насочува воздухот под болидот и кон подот. Ред Бул ги поврза сите четири елементи и со тоа се издвои од конкуренцијата.
Што се однесува до страничните доводи, Ред Булl направи лизгалка што го насочува воздухот кон подот, додека капакот на моторот овојпат е широк и обликуван да формира канали кон задното крило. Во овој дел шампионскиот тим го ископира тимот на Мерцедес.
Задната суспензија не претрпе никакви промени, така што конфигурацијата на „пуш-роуд“ е задржана, а задното крило е засилено со еден столб каде што се наоѓа механизмот за активирање „ДРС“.
И оваа сезона за тимот на Ред Бул ќе вози истото дуо како и минатата година. Зад воланот на новиот болид на актуелниот шампион во Формула 1 ќе бидат Серхио Перез и трикратниот светски шампион Макс Ферстапен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Матс Хумелс во Шпанија
Поранешниот стопер на Борусија Дортмунд, Матс Хумелс се приклучува на Мајорка!
Повеќе извори од Германија денеска потврдија дека Хумелс одлучил да се пресели во потоплите региони, а ја избрал Мајорка бидејќи таму има куќа и сака да живее во Шпанија.
Хумелс одбил бројни попрофитабилни понуди, бидејќи парите не му биле приоритет, туку сакал да остане во Европа во една од најсилните лиги.
Тој ќе заработи само три милиони евра бруто заработка, со што ќе потврди дека квалитетот на неговиот живот и лигата во која настапува се пред се.
Хумелс го напушти Дортмунд како слободен играч, а претходно беше во лоши односи со тренерот Един Терзиќ, кој исто така ја напушти Борусија.
Спорт
(Видео) Романија ја прегази Ураина – Спектакуларен гол на Станчу
Романија ја декласира Украина со 3:0 (1:0) во првиот натпревар одигра во Е групата на Европското првенство. Вториот натпревар од оваа група во 18 часот ќе го одиграат Белгија и Словачка.
Украинците подобро влегоа во натпреварот, го држеа поседот, притискаа, но таквата определба не им донесе ништо.
Романците пак играа директен фудбал, откако дбро ги затворија приодите кон својот гол, секоја можност ја користеа брзо да ја пренесат топката пред голот на противникот.
Во 29.минута, грешката на Луин кога лошо исфрли една топка, ја казни Станчу со спектакуларен гол. Капитенот на Романија од 21 метар го погоди спротивниот агол.
Stanciu's goal against Ukraine, probably one of the most beautiful yet in the EURO 24
Romania leads 1-0
— Daily Romania (@daily_romania) June 17, 2024
Станчу имаше можност и 10 минути подоцна, тогаш се обиде директно од корнер, Луни беше совладан но топката ја погоди гредата.
Украинците целосен дебакл доживеаја на стартото од второто поливреме, кога Ромамците во интервал од четири минути постигнаа два гола.
Во 53.минута Разван Марин одлично се постави на 20 метри од голот, моќен удар. Ништо не можеше да направи Лунин.
Четири минути подоцна, Ман ја измеша одбраната на Украина, нафрли по земја, а Драгуш од пет метри ја смести во голот.
3-0, maintenant respectez-nous.
DENIS DRAGUS DEUX BUTS POUR LE STANDARD LIEGE PAR PROCURATION HAHAHAHAHHAH ROMANIAAAAAAA
DENNIS MAN DOUBLE ASSISTSSSSS 🇷🇴🇷🇴🇷🇴pic.twitter.com/2zh0XMl93a
— Foot Roumain 🇷🇴 (@FootRoumain) June 17, 2024
До крајот Романците го чуваа својот гол, Украинците се обидуваа но само еднаш се заканија. Судаков се обиде со удар од 30 метри, но Ница со малку проблеми го скроти неговиот удар.
До карјот на мечот Ромамците два патии може да го совладаат својот голман, а во 90.минута Јаремчук го погоди горниот дел од гредата.
Во второто коло Романија ќе игра против Белгија, а Украина против Словачка.
Спорт
Струга, Шкендија и Тиквеш ги дознаа имињата на потенцијалните ривали во евро-куповите
Македонските клубови Струга ТЛ, Шкендија и Тиквеш ги дознаа имињата потенцијалните пртивници во европскте купови. Струга ќе играа во квалификациите во Лигата на шампионите, а Шкендија и Тиквеш во квалификациите во Конференциската лига.
Струга и Тиквеш нема да бидат носители на ждрепката за разлика од Шкенидја која има повластена улога.
Квалификации за Лигата на шампионите, Група 1:
Носители: Слован Братислава, Линколн Ред Импс, Њу Сеинтс, Балкани, Борац Бања Лука
Неносители: Хамрун Спартанс, Струга, Дечиќ, Егнатиа, Санта Колома
Квалификации за Конференциската лига:
Група 1
Носители: Шкендија, Будуќност, Интер Ескалдес, Тирана, Ла Фиорита
Неносители: Вележ, Торпедо Кутаиси, Малишева, Ноах, Ислоч
Група 2
Носители: Бреидаблик, Ф91 Дуделанж, Тре Пене, Сент Јозеф, Крусеидерс
Неносители: Флориана, Шелбурн, Атлетик Клуб Ескалдес, Тиквеш, Каернарфон Таун
Ждрепката е во вторник, за ЛШ во 14.00, а за Конференциската лига во 16.00 часот.