Спорт
(Видео) Милан сигурен со Рен, Карабаг среде Португалија ја растури Брага
![](https://makfax.com.mk/wp-content/uploads/2024/02/12029567.jpg)
Фудбалерите на Милан направија голем чекор кон пласман во осминафиналето во Лига Европа, а Карабаг ја забележа една од најголемите победи во својата истрија со убедливата победа во Брага. Бенфика од пенал во 98.минута го победи Тулуз. Немаше голови на натпреварот Ленс-Фрајбург.
Милан на преполниот „Сан Сиро“ убедливо го победи Рен со 3:0.
Херој на италијанскиот претставник е Рубен Лофтус-Чик, кој со два удари со глава го ја откула одбраната на Рен, во 32. и 48. минута. Точка на овој меч и мирниот реванш на Милан за седум дена стави Рафаел Леао со гол во 53. минута.
Уште една убедлива победа, но и шокантен расплет видовме во познатиот „Каменол“, каде Карабаг ја декласираше домашната Брага со резултат 4:2 (1:1) и практично го реши двомечот.
Гостите во водство ги доведе Марко Јанковиќ, кој во 21. минута многу сигурно реализираше пенал.
Банца го постигна израмнувачкиот гол на крајот од првиот дел со глава, но Брага целосно киксираше во вториот дел.
Во 54. минута Зубир му донесе нова предност на Карабаг, Бензија во 65. ја удвои, а четири минути подоцна Зубир со вториот гол зголеми на 4:1.
Мутињо му даде малку надеж на Брага во судиското надополнување со гол од белата точка.
На „Ла Луж“ во Лисабон, Бенфика го победи Тулуз со 2:1
Коста играше со рака, ВАР го забележа тоа, а Анхел Ди Марија рутински го реализираше пеналот за 1:0 во 68.минута.
Тулуз потоа тргнува поофанзивно кон голот на домаќините и тоа вроди со плод во 75. минута кога Деслер ги шокираше навивачите на Бенфика.
Во 98.минута, Бенфика доби уште еден пенал, а повторно сигурен реализатор беше Ди Марија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Србија и наредната сезона со два тима во Евролигата
![](https://makfax.com.mk/wp-content/uploads/2024/06/Crvena-zvezda-Partizan-Nikola-Topic.jpg)
Евролигата објави 18 екипи кои ќе бидат учесници во Евролигата за следната сезона.
Српските клубови Црвена звезда и Партизан ќе играат во Евролигата следната сезона.
Тука е и победникот на Еврокупот, Париз за чие учество често се шпекулираше, а меѓу 18. клуба ја нема Валенсија.
По собранието на клубовите на сопствениците на Евролигата во понеделникот беше официјализирано кои 18 клубови следната сезона ќе се натпреваруваат во елитното натпреварување.
Клубовите кои добија покани за настап, покрај Црвена звезда и Партизан, тоа се Алба и Виртус Болоња ќе треба да платат по милион евра за настап во Евролигата.
Како што стои во соопштението од Евролигата, во сезоната 2024/2025 ќе играат: Алба, Анадолу Ефес, Монако, Басконија, Црвена звезда, Олимпија Милано, Барселона, Баерн, Фенербахче, Асвел, Макаби, Олимпијакос, Панатинаикос, Париз, Партизан, Реал, Виртус и Жалгирис.
𝗧𝗛𝗘 𝟭𝟴 𝗧𝗘𝗔𝗠𝗦 𝗙𝗢𝗥 𝗧𝗛𝗘 𝟮𝟬𝟮𝟰-𝟮𝟱 𝗦𝗘𝗔𝗦𝗢𝗡 pic.twitter.com/h6JYPI6bj2
— Turkish Airlines EuroLeague (@EuroLeague) June 17, 2024
Спорт
(Видео) ВАР и Лукаку ја уништија Белгија – Словачка победи во Франкфорт
![](https://makfax.com.mk/wp-content/uploads/2024/06/12306170.jpg)
Репрезентацијата на Словачка го приреди најголемото изненадување од почетокот на Европското првенство. Словаците, во вториот меч во Е групата, на стадионот во Франкфурт, ја победија Белгија со 1:0 (1:0). Единствениот гол го постигна Шранц во седмата минута. Белгициите немаа среќа да останат непоразени, ВАР му поништи два гола на Лукаку.
Белгија во првиот напад имашр голема шанса за гол, акцијата на Доку не успеа да ја заврши Лукаку, кој од седум-осум метри го погоди голманот Дубравка.
Казната за нереализираната шанса експресно ги стигна Белгијците. Дуку погреши пред својот гол, а Шранц го совлада Кастелс. Лукаку до крајот на мечот ќе пропушти уште седум-осум чисти прилики. Два гола му поништи ВАР, првиот поради офсајд, а вториот бидејќи асистентот Опенда на почетокот на акцијата играше со рака.
Голема шанса имаше и Бакајоко во второто полувреме, но по неговиот удар, топката од гол линијата ја исфрли Ханцко.
Словаците сосема заслужено со победа го отворија Европското првенство. Играа храбро и дисциплинирано од првата до последната минута. Блескаше дефанзивната линија на чело со голманот на Њукасл, Дубравка.
Неговиот колега од другата страна на теренот, Кастелс, во неколку наврати се истакна, но тоа не му помогна на неговиот тим на крајот да освои барем еден бод.
Во групата Е Романија сега е во водство по убедливата победа против Украина, три бода има и Словачка.
Во второто коло, на 22 јуни, Белгија игра против Романија, Словачка ден порано ќе игра со Украина.
Спорт
Матс Хумелс во Шпанија
Поранешниот стопер на Борусија Дортмунд, Матс Хумелс се приклучува на Мајорка!
Повеќе извори од Германија денеска потврдија дека Хумелс одлучил да се пресели во потоплите региони, а ја избрал Мајорка бидејќи таму има куќа и сака да живее во Шпанија.
Хумелс одбил бројни попрофитабилни понуди, бидејќи парите не му биле приоритет, туку сакал да остане во Европа во една од најсилните лиги.
Тој ќе заработи само три милиони евра бруто заработка, со што ќе потврди дека квалитетот на неговиот живот и лигата во која настапува се пред се.
Хумелс го напушти Дортмунд како слободен играч, а претходно беше во лоши односи со тренерот Един Терзиќ, кој исто така ја напушти Борусија.