Спорт
Реграги му се заблагодари на Халилхоџиќ: Тој го створи овој тим
Селекторот на мароканската фудбалска репрезентација Валид Реграги му се заблагодари на Вахид Халилхоџиќ кого го замени на селекторската функција. Реграги постигна историски успех на СП во Катар, со Мароко го освои четвртото место.
Ваход Халилхоџиќ го водеше Мароко од 2019 година, избори пласман на Светското првенство, но тамошната федерација му врачи отказ поради несогласувањата што ги имаше со најголемите ѕвезди во тимот (Зијеш, Буфал, Мазрауи).
„Браво и благодарам Вахид. Тој направи одлична работа и ја создаде оваа група на играчи со кои игравме во Катар. Го донесов мојот менталитет, но костурот на тимот го направи Халилхоџиќ. Во полуфиналето не не донесе еден играч, туку целата група што беше создадена во квалификациите. Дури и оние кои играа само пет минути беа целосно посветени“, рече Реграги.
Мароко го заврши Мундијалот на четвртото место, откако загуби од Хрватска во мечот за бронзениот медал, а претходно Мароканците беа елиминирани од Франција во полуфиналето.
Во групата ги исфрлија Белгија и Канада, а во нокаут-фазата беа пообри од Шпанија и Португалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Финалето на ЛШ во 2026 ќе се игра во Будимпешта
За точно 10 дена на „Вембли“ ќе се игра финалето од Лигата на шампионите меѓу Борусија Дортмунд и Реал Мадрид, следната година домаќин ќе биде стадионот на Баерн во Минхен, а Извршниот комитет на УЕФА денеска во Даблин одлучи најважниот натпревар во клупскииот фудбал, во 2026 година да се одржи на „Пушкаш Арена“ во Будимпешта.
Пред една година на стадионот во главниот град на Унгарија се одигра финалето на Лига Европа во кое Севилја на пенали ја победи Рома.
Одлука за финалето на Лигата на шампионите за сезоната 2026/2027, беше одложено за септември, до кога Фудбалскиот сојуз на Италија мора да достави документација за реновирањето на „Сан Сиро“ во Милано.
Интересно е што „Бешикташ парк“ во Истанбул ќе биде домаќин на финалето на Лига Европа во 2026 година и на финалето на Конференциската лига во 2027 година.
Финалето на Лига Европа во 2027 година ќе се игра во Франкфурт, а финалето на Конференциската лига во 2026 година во Лајпциг.
Спорт
„Мекларен и Ферари можат да се борат за титулата со Ред Бул“
Шефот на Скудерија Ферари, Фреди Васер, верува дека неговиот тим и Мекларен можат да се вклучат со Ред Бул во трката за титулата оваа сезона во Формула 1.
По седум трки, Макс Верстапен е прв со 161 бод, 48 повеќе од второпласираниот Шарл Леклер. Вториот возач на ред Бул, Серхио Перез е трет во поредокот со 107 бодови, додека Ландо Норис е четврти со 101 бод.
На последната трка во Имола, Норис заврши втор со само две дестинки зад Ферстапен, а претходно во Мајами славеше Британецот. И болидите на Ферари веќе не се толку инфериорни во однос на Ред Бул.
„Возевме само седум од 24 трки. Има уште 17 и се е апсолутно можно. Лани во ова време имавме 100 поени помалку од Астон Мартин, а на крајот имавме сто повеќе од нив. Мислам дека и Мекларен и Ферари се блиску до Ред Бул и верувам дека ова првенство може да биде многу интересно. Едно повлекување, незавршена трка менува сè“, истакна Васер.
Шампионатот во Формула 1 продолжува викендов со Големата награда на Монако.
Спорт
Модриќ го продолжил договорот со Реал
Како што објави „Марка“, Модриќ се согласил на значително намалување на платата, но сепак сметал дека Реал е најдобрата можна дестинација за него.
„Лука го прифати намалувањето затоа што сака да ја заврши кариерата во Реал. Неговата амбиција е да биде капитен на Реал, сака да влезе во историјата со освојување нови трофеи и особено уште една Лига на шампиони“, пишува „Марка“.
Реал цела деценија го носеше редот за врска Касемиро – Крос – Модриќ. Од наредната сезона во клубот ќе остане само Модриќ.
Касемиро пред две години замина во Манчестер јунајтед, Крос вчера објави дека ќе се пензионира по Европското првенство.
Модриќ ќе има можност да го собори рекордот на Ференц Пушкаш и да стане најстариот играч кој одиграл натпревар во дресот на Реал.
Рекордот е 39 години еден месец, а бидејќи Модриќ на 9 септември ќе наполни 39 години, јасно е дека е блиску до поставување на уште еден рекорд во белиот дрес.