Спорт
Ремзи е велшкиот херој, Белгија, Холандија и Германија со импресивни победи (видео)

Aрон Ремзи се покажа како клучен човек за велшката репрезентација, постигнувајќи два гола за 2:0 победа над Унгарија праќајќи го Велс на Евро 2020 како 20-та квалификувана репрезентација (остануваат само четирите репрезентации кои ќе влезат преку Лигата на нации, се надеваме меѓу нив и Македонија).
Ситуацијата за Велс беше јасна – мораше да се победи Унгарија, бидејќи со реми, пласман на ЕП ќе оствареше репрезентацијата на Словачка. Ремзи, кој почна да е стандарден и во Јувентус, го направи потребното со гол во 15. и 47. минута за „змејовите“ да се пласираат на големо натпреварување.
Белгија со 6:1 го „прегази“ Кипар, откако Бентеке и Де Брујне постигнаа по два гола, за да го комплетира настапот во групата И со совршени 10 победи во 10 меча и гол-разлика од застрашувачки 40:3. Русија веќе го имаше обезбедено второто место и пласман на ЕП и со 5:0 го совлада Сан Марино.
Холандија и Германија, исто така веќе пласирани на Евро 2020, стигнаа до импресивни победи. Холанѓаните со 5:0 ја „прегазија“ Естонија, додека Германците со 6:1 беа подобри од Северна Ирска.
Пласман на ЕУРО 2020 изборија:
Група А: Англија, Чешка
Група Б: Украина, Португалија
Група Ц: Германија, Холандија
Група Д: Швајцарија, Данска
Група Е: Хрватска, Велс
Група Ф: Шпанија, Шведска
Група Г: Полска, Австрија
Група Х: Франција, Турција
Група Ј: Италија, Финска
ЕВРО 2020, КВАЛИФИКАЦИИ
ГРУПА Ц
Холандија – Естонија 5:0
Германија – Северна Ирска 6:1
Табела: 1.Германија 21, 2.Холандија 19, 3.Северна Ирска 13, 4.Белорусија 4, 5.Естонија 1
ГРУПА И
Белгија – Кипар 6:1
Сан Марино – Русија 0:5
Шкотска – Казахстан 3:1
Табела: 1.Белгија 30, 2.Русија 24, 3.Шкотска 15, 4.Кипар 10, 5.Казахстан 10, 6.Сан Марино 0
ГРУПА Е
Словачка – Азербејџан 2:0
Велс – Унгарија 2:0
Табела: 1.Хрватска 17, 2.Велс 14, 3.Словачка 13, 4.Унгарија 12, 5.Азербејџан 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Четирикратниот олимписки шампион го сруши светскиот рекорд во Сингапур

Францускиот пливач Леон Маршан го сруши светскиот рекорд на 200 метри мешано на Светското првенство во Сингапур.
Четирикратниот олимписки шампион постигна резултат од 1:52,69 минути во полуфиналната трка.
Маршан го сруши светскиот рекорд поставен од Американецот Раџан Локти во Шангај во 2011 година за 1,31 секунда.
Финалето на 200 метри мешано на Светското првенство е закажано за четврток.
Фото: принтскрин
Спорт
Италија остана без планираното НБА-засилување

Донте ДиВинченцо нема да игра за Италија на претстојниот Евробаскет и покрај тоа што преговорите траеја неколку месеци и што во меѓу време доби пасош на оваа земја.
Бекот на Минесота беше вклучен во прелиминарниот состав на „Азурите“, што ја израдува целата нација со богатата кошаркарска историја. Кошаркарот од Делавер требаше да биде капитално засилување за Италија.
Иако во претходните месеци ја нагласуваше својата голема желба да ја претставува татковината на своите родители на Европското првенство, се случи ненадеен пресврт.
Поранешниот играч на Милвоки, Сакраменто, Голден Стејт и Њујорк Никс нема да носи дресот на Италија ова лето.
Наместо него, на списокот ќе биде натурализиран Американец, Дариус Томпсон, кој го напушти Анадолу Ефес и од наредната сезона ќе игра во Валенсија.
Фото/ Принскрин
Спорт
Сезоната во ПМФЛ ќе ја отвори дербито Вардар-Пелистер

На денешното извлекување во Хотел Хилтон во Скопје беа утврдени паровите за есенскиот дел од сезоната 2025/26 во Првата Македонска Фудбалска Лига. Сезоната 2025/2026 ќе започне на 8 август.
Новата сезона во Првата македонска фудбалска лига ќе почне со големото дерби. помеѓу Вардар и Пелистер.
Шампионот Шкендија, одбраната на титулата ја започнува на домашен терен против Шкупи. Силекс ќе биде домаќин на Брера, новите прволигаши Башкими и Арсими ќе се соочат во Куманово, Работнички ќе му гостува наТиквеш, а Струга ќе ја пречека Македонија ЃП.
На следниот линк можете да го погленете распоредот: