Спорт
Рено ќе го преименува својот тим во Алпине Ф1
Францускиот автомобилистички гигант Рено потврди дека нивниот Формула 1 тим од следната сезона ќе се вика Алпине Ф1, во чест на историскиот бренд на спортски автомобили кој повторно беше активиран во 2017 година.
Фернандо Алонсо ќе се врати во тимот со кој освои две титули во средината на 2000-тите со син болид кој ќе наликува на тој со кој Шпанецот ги освои трофеите. Вестите доаѓаат откако Рено го потпиша таканаречениот Конкорд договор со кој се обврзаа на учество во Ф1 до 2025 година.
„Оваа промена доаѓа во клучен момент во траекторијата на овој тим и на спортот. Алпине носи ново значење, нови вредности и нови бои во боксот во духот на натпреварувањето и француската креативност“, вели шефот на тимот, Сирил Абитебул.
We are proud to announce that #AlpineF1Team enters #Formula1 ! Starting from the 2021 season, Groupe Renault’s team becomes Alpine F1® Team, equipped with a Renault E-TECH hybrid engine
➡️https://t.co/9mDu0W1CRZ pic.twitter.com/xfJDonJJP2— Groupe Renault (@Groupe_Renault) September 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Зидан објасни зошто никогаш нема да го води Јунајтед
Зинедин Зидан стави крај на новиот бран шпекулации дека се подготвува за работа во Манчестер Јунајтед.
Во последните денови шпанските медиуми пишуваа дека Зидан е на мета на клубот од „Олд Трафорд“, во случај Ерик тен Хаг да добие отказ.
Зидан во интервју за „Лекип“ објасни зошто нема да може да ги преземе „црвените ѓаволи“.
Тоа е, како што рече, „јазична бариера“.
„Дали би сакал да одам во Манчестер Јунајтед? Разбирам англиски, но не го зборувам течно. Знам дека има тренери кои одат во клубови без да го зборуваат јазикот на таа земја, но јас работам на поинаков начин. Многу елементи треба да се наредат за да победите, тоа е глобален контекст. Јас знам што се е потребно за да се победува“, рече Зидан.
По напуштањето на кормилото на кралскиот клуб, поранешниот ас на Реал одби неколку примамливи понуди, меѓу кои и онаа на Баерн.
Тој е без работа од 2021 година, а претходно изјави дека би сакал да биде селектор на Франција.
Спорт
Синер ја зголеми предноста на врвот, Ѓоковиќ падна на четвртата позиција
Јаник Синер ја освои титулата во Њујорк и ја зголеми својата предност на челната позиција на АТП листата. Очекувано, откако не успеа да ја одбрани титулата освоена минатата година, Новак Ѓоковиќ назадуваше на листата на најдобрите светски тенисери.
На најновата АТП листа Синер има 11.180 поени, дури 4.105 повеќе од новиот светски рекет број два, Германецот Александар Зверев. Синер многу веројатно годината ќе ја заврши на првото место.
Третопласираниот Карлос Алкараз има 6.690 бодови, додека Ѓоковиќ е зад него, тој загуби 1.900 бодови и сега има 5.560.
Данил Медведев и Андреј Рубљев ги задржаа петтото и шестото место, додека финалистот на Флешинг Медоус, Американецот Тејлор Фриц забележа напредок од пет места.
Листата на првите десет ја заклучуваат Хуберт Хуркач, Каспер Руд и Григор Димитров, сите назадуваа за по една позиција.
Забележителен скок направи Френсис Тиафо од 20. на 16. место, додека исто така полуфиналистот наЈу-ес опен, Британецот Џек Дрејпер од 25. на скокна на 20. место.
Спорт
Милитао го пропушта стартот на Лигата на шампионите
Фудбалерот на Реал Мадрид, Едер Милитао ќе го пропушти стартот на Лигата на шампионите.
Причината, како што соопштија од лекарскиот тим на Реал, била повреда на мускулот на десната нога.
„По извршените тестови од страна на лекарската служба на Реал Мадрид на нашиот играч Едер Милитао, констатирана му е повреда на мускулот на десната нога“, објави Реал на клупската веб-страница.
Милитао (26) на тој начин ќе паузира десет дена и сигурно ќе ги пропушти следните два натпревари, на гости кај Сосиедад во Ла Лига на 14 септември, како и три дена подоцна во Мадрид против Штутгарт на стартот од Лигата на шампионите.