Спорт
Ридигер се договорил со Реал, неделна плата од 400.000 евра!

Антонио Ридигер ќе замине од Челси и ќе потпише четиригодишен договор со Реал Мадрид, „тежок“ 400.000 евра неделно на крајот на сезоната, откако одби да остане на „Стемфорд Бриџ“, јавуваат британските медиуми.
Повеќе клубови од Европа, вклучувајќи и премиерлигаши беа заинтересирани за 29-годишниот германски репрезентативец, но тој се решил на трансфер во Реал, каде што ќе биде промовиран н 1 јули.
Санкциите кои беа поставени на претходниот сопственик на Челси, Роман Абрамович ги уништија сите можности за преговори со Ридигер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Голден Стејт во финалето на НБА, Стеф Кари со наградата „Меџик Џонсон“

Кошаркарите на Голден Стејт Вориорс го совладаа Далас Маверикс со 120:110 во петтиот натпревар од финалната серија во Западната конференција и се пласираа во големото финале на НБА лигата каде го чекаат подобриот од дуелот меѓу Мајами Хит и Бостон Селтикс.
За првпат во историјата, Стеф Кари, играчот на Голден Стејт Вориорс, ја доби наградата за МВП во финалето на конференцијата, награда именувана по Меџик Џонсон на Западот.
Голден Стејт Вориорс до победата ги предводеше одличниот Клеј Томпсон со 32 поени, од кои осум тројки. Ендрју Вигинс постигна 18 поени и 10 скока, а Дрејмонд Грин мечот го заврши со 17 поени, шест скока и девет асистенции.
Стеф Кари постигна 15 поени со слаб процент на шут, но додаде девет асистенции.
Од друга страна, Лука Дончиќ стандардно беше најдобар кај Далас Маверикс. Словенецот постигна 28 поени со девет скока и шест асистенции.
Спорт
Партизан остана без трофеи, но и без тренер
Партизан вечерва го загуби и вториот трофеј во битката со Црвена Звезда откако е поразен со 2:1 во финалето на Купот на Србија. По ова, тренерот Александар Станојевиќ си поднесе оставка.
„Им кажав на луѓето кои го водат клубот дека ако не освоиме трофеј, нема да бидам тренер следната година. Ги известив играчите во соблекувалната дека повеќе не сум тренер на Партизан“, изјави Станојевиќ на прес-конференција по финалето на Купот на Србија.
Партизан има многу поплаки за загубениот шампионски пехар, смета дека Црвена Звезда била фаворизирана во првенството на Србија.
Спорт
Дембеле ја напушта Барселона и се сели во Париз
Фудбалерот на Барселона, Осман Дембеле, одлучил да замине од „Камп Ноу“ и ќе ја прифати понудата на Пари Сен Жермен да се пресели во Париз како слободен агент, открива „АС“.
Францускиот интернационалец кажа „не“ и за најновата понуда за нов договор со Барселона и планира да си замине на истекот од јуни. Речиси сигурно негов следен клуб ќе биде ПСЖ.
Дембеле треба да му се придружи на својот соиграч од француската репрезентација, Килијан Мбапе, а заедно со Лионел Меси да формираат ново напаѓачко трио.