Спорт
Рио со порака за другарот Оле: Време е да си одиш
Рио Фердинанд смета дека сега е вистинското време неговиот стар пријател и поранешен соиграч, Оле Гунар Солскјер да ја „предаде палката“ во Манчестер јунајтед и самиот да си замине од клубот.
Иднината на норвешкиот тренер повторно е неизвесна по лошата форма на тимот кој загуби четири од последните шест меча, вклучувајќи две домашни посрамотувања – 0:5 од Ливерпул и 0:2 од Манчестер сити. На ова се надоврзаа шпекулациите за бунт на Бруно Фернандеш и Кристијано Роналдо во соблекувалната, иако од клубот најавуваат дека нема да има брза смена на тренерот.
Фердинанд, како поранешен соиграч на Солскјер, долго време го поддржуваше Норвежанецот по неговото именување во 2018 година, но сега се сомнева дека тој може да донесе некој трофеј на „Олд Трафорд“.
„Ја почнавме сезоната со многу надеж и по одличните трансфери, со возбуда. Сите си помисливме: ‘Ова е нашето време’. Оле не донесе до овој момент. Беше донесен во клубот да го среди тимот, да ги донесе играчите за да освојуваме титулата. Сега, седам тука и не мислам дека можеме до лигата. Го гледам тимот секоја недела и си мислам што ќе направиме тактички. Не гледам филозофија или идентитет во начинот на играње како Манчестер јунајтед. Збунет сум. Тоа што го видовме оваа сезона, покажува дека тој треба да ја предаде палката на некој друг кој може да не однесе таму. Мислам дека Оле треба да си замине сам со високо крената глава, бидејќи од позицијата која бевме до тоа каде што бевме на почетокот на сезоната беше позитивно“, вели Фердинанд.
Според Фердинанд, главниот проблем за Јунајтед е што никој од фудбалерите не се „плаши“ од Солскјер.
„Кога го гледам нашиот тим, сметам дека фудбалерите не се во страв, немаат интезитет, не го даваат максимумот, и тоа е знак на непочитување на менаџерот. Секој менаџер кој успеал во овој спорт, носел страв со себе. Клоп, Пеп, Тухел, Ферги во мое време, Џорџ Греем и Арсен Венгер во Арсенал… Кај сите имаше фактор: ‘Ако не го правиш тоа што го кажувам, тогаш ќе седиш на клупа’. Таков страв нема во овој тим и тоа не е исправна работа“, додава Рио.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челзи прими голчиште па испорача „петарда“ во мрежата на Вест Хем
Вест Хем доживеа тежок пораз на Олимпискиот стадион во Лондон од градскиот ривал Челси. Во првиот меч од втората рунда, Челси победи со 5:1.
Натпреварот започна идеално за Вест Хем, а заврши кошмарно. Медиумите веќе шпекулираат дека менаџерот Грем Потер ќе добие отказ.
Лукас Пакета постигна голшиште во шестата минута. Голот оди и на душа на голманот Санчез кој можеше подобро да реагира.
Од 15.минута започна кошмарот за „чеканите“, кои повторно демонстрираа дека одбраната им е како швајцарско сирење.
Во периодот од 15. до 34.минута, Челзи постигна три гола, сите од петерецот на Хенмарсон. Најпрвион погоди Жоао Педро, потоа Педро Нето и на крајот енцо Фернандез.
Во вториот дел блиц криг на Челзи, два гола во 54. и 58. минута на Каиседо и Шалоба за конечни 1:5.
foto/ EPA/VINCE MIGNOTT
Спорт
(Видео) Олисе започна, Кејн го декласира Лајпциг
Фудбалерите на Баерн беа повеќе од убедливи на отворањето на новата сезона во Бундеслигата. Актуелниот шампион на Германија го пречека тимот на Лајпциг и го декласира со 6:0.
Традицијата продолжи, бранителот на титулата речиси никогаш не ги губи натпреварите што вообичаено ги игра на отворањето на новата сезона.
Исто беше и сега, бидејќи Баерн не остави ниту една шанса за тимот од Лајпциг, за да можат да се вратат од Минхен со бодови.
Од почетокот на натпреварот, домашниот тим го наметна својот ритам и агресивно го нападна голот на гостите.
Лајпциг успеа да издржи до 27-та минута кога Микеал Олисе го совлада Петр Гулачи. Само пет минути подоцна, по една од најдобрите акции на Баерн на овој натпревар, која беше украсена со атрактивно додавање на Серж Гнабри, а ја заврши со гол Луис Дијаз.
До крајот на првото полувреме од натпреварот, Олисе го постигна својот втор гол на натпреварот по нова асистенција од Гнабри.
Второто полувреме го одбележа само еден човек, Хари Кејн.
Најдобриот стрелец минатата сезона, не можеше подобро да ја започне новата натпреварувачка гсезона, бидејќи веќе постигна хет-трик во првиот натпревар.
Во второто коло, Баерн ќе игра против Аугсбург во мало баварско дерби, додека Лајпциг ќе го пречека Хајденхајм на домашен терен.
Foto/ EPA/RONALD WITTEK
Спорт
Рпма се вклучи во трката за потписот на Елмас
Елиф Елмас ќе го напушти Лајпциг до крајот на преодниот рок. Вториот дел од минатата сезона, Елмас ја мина на позајмица во Торино. „Биковите“ немаат пари да го откупат неговиот договор но извесно е дека фудбалерот ќе се врати во Серија А.
Најмногу шанси за да го ангажира Елмас има неговиот поранешен клуб Наполи. Елмас во сезоната 2022/2023 беше дел од тимот кој по три децении ја врати титулата во Серија А, во градот под Везув. Таа сезона тој беше трет најобра стрелец во екипата.
Наполи отвори преговори со Лајпциг, но не за перманентен трансфер туку за позајмица, со право на откуп на договорот по завршувањето на сезоната.
Двете страни сега треба да ги договорат тие услови. Лајпциг ја одбиле орвата понуда од 1.500.000 евра за позајмицата и 11.500.000 евра за откуп на договорот.
Германскиот клуб бара 3.000.000 за позајмицата и близу 20.000.000 за откуп на договорот.
Според италијанските медиуми, Елмас се наоѓа и на радарот на Рома. Џанпјеро Гасперини бара играч што може да ја покрие левата страна откако Џејдон Санчо ја дби понудата од Рим.
foto/ EPA
Алиу вети транспарентност, граѓаните ќе знаат кој го помага македонското здравство
Министерството за здравство воведе нов електронски модул за транспарентен преглед на донациите во здравството, со кој јавноста ќе може во...
(Видео) Телохранителите на Путин земаат сѐ, дури и урината и изметот на претседателот и го носат во Русија
Обезбедувањето на рускиот претседател Владимир Путин секогаш е предмет на големо внимание на социјалните медиуми од различни причини. Сега, тие...
Попладне дожд и грмежи во западните делови
Денеска времето во земјава ќе биде променливо облачно со сончеви периоди, а попладневните часови носат локален пороен дожд и ретки...
(Видео) Автобус со повеќе од 50 туристи излета од пат во САД, има загинати и повредени
Тешка сообраќајна несреќа се случи во американската држава Њујорк. Туристички автобус кој се враќал од Нијагарините водопади кон Њујорк излетал...
(Фото) Трамп: Путин сака да дојде на Светското првенство во САД
Американскиот претседател Доналд Трамп денес изјави дека рускиот претседател Владимир Путин би можел да присуствува на Светското првенство во фудбал...
Пронајден возачот кој со автомобил удри во девојчиња на тротинет и побегна од местото на несреќата
Денеска во СВР Скопје бил извршен службен разговор со Ф.Б. од село Света Петка, скопско. На 21.08.2025 во 14:30 часот...
Лавров за средбата Зеленски-Путин: Зеленски рече „не“ на сè
Украинскиот претседател Володимир Зеленски денеска изјави дека Русија прави сè што може за да спречи средба меѓу него и рускиот...
Дојранското Езеро пак ќе се полни: со соларни панели Владата ќе ги намалува трошоците за струја од 2,5 милиона евра годишно на хидросистемот „Ѓавато“
По неколкугодишен прекин, Дојранското Езеро повторно ќе се полни со свежа вода преку хидросистемот „Ѓавато“. Премиерот Христијан Мицкоски денес од...
Згаснаа животите на две девојчиња од Кичевско, се возеле со четирицикл и излетале од патот
Синоќа на локален пат во селото Колибари, Кичевско, се случи трагична несреќа со четирицикл. 15-годишно девојче од Колибари, управувајќи го...
Документацијата за Стоматолошката комора стигна во рацете на Обвинителството
Министерството за здравство соопшти дека целокупната документација и наодите од извештаите на комисиите што вршеле надзор над работата на Стоматолошката...
Поместени границите во ортопедската трансплантација – извршена најсложената трансплантација на коска на Клиниката за ортопедија
На Универзитетската клиника за ортопедија успешно е изведена најсложената трансплантација досега, со што се поместени границите на современата ортопедска хирургија...
(Видео) По десет дена борба, дождот го изгасна пожарот кај Јасен
Дождот кој заврна пред 7.00 часот утрово и врнеше нешто повеќе од два часа на подрачјето на ловиштето Јасен, помогна...
Отворена истрага: уапсен 27-годишен скопјанец за детска порнографија
Секторот за компјутерски криминал при МВР до обвинителството поднесе кривична пријава против Ф.М.(27) од Скопје, за сторено кривично дело „Производство...
Ким Џонг-ун на колена: првпат призна дека војници на Северна Кореја загинале во Русија
Севернокорејскиот лидер Ким Јонг Ун им оддаде почит на војниците кои загинаа борејќи се на страната на Русија во војната...
Зеленски: Мора да се изврши притисок врз Путин, тој не разбира ништо, освен сила
Украинскиот претседател Володимир Зеленски изјави дека мора да се изврши притисок врз рускиот претседател Владимир Путин да ја заврши војната....
Предлогот на Мицкоски за повереници е најава за враќање на авторитаризмот на Груевски, смета ДОМ
Демократска обнова на Македонија (ДОМ) реагира, како што велат, со огромна загриженост на вчерашната изјава на премиерот Христијан Мицкоски дека,...
Свечено отворени 64. Струшки вечери на поезијата
Со палење на фестивалскиот оган и читање на Константиновата Т`га за југ вчера вечер во Домот на поезијата во Струга...
(Видео) Силниот ветер ја влоши состојбата со пожарот во „Јасен“
Состојбата со пожарот во ловиштето „Јасен“ попладнево значително се влоши поради силниот ветер, информира директорот на Дирекцијата за заштита и...
Министерството за здравство формира независна меѓународна комисија по изјавата на Кедев за непотребни кардиолошки интервенции
Министерот за здравство, Азир Алиу, најави формирање комисија со експерти од три различни земји за проверка на работењето во приватните...
Тошковски го суспендирал, а Чадиева го вратила на работа командирот кој пукаше со калашников – ВМРО-ДПМНЕ го објави решението по прозивките на СДСМ
Командирот од Ропотово кој пукаше со калашников од балкон и беше суспендиран, повторно е на работа. СДСМ денес го критикуваше...
