Спорт
Ривалите незадоволни – болидот на Рејсинг поинт е „копија“ на стариот Мерцедес!

Според угледниот германски „Ауто мотор унд спорт“, повеќето ривалски тимови не се задоволни од тоа што тимот на Рејсинг поинт (поранешни Форс Индија) користат речиси идентична копија од болидот В10 на Мерцедес од 2019.
Рејсинг поинт го открија својот РП20 болид на 17 февруари, кога најголема тема беше розoвата боја која доминираше на шасијата, но сега, по стартот на зимското тестирање, повеќе ривалски тимови имаат поголема забелешка, болидот е „копија“ на В10 на Мерцедес.
Техничкиот директор на тимот, Ендру Грин, ја брани соработката со Мерцедес, кои се снабдувачи на мотори и на дополнителна техничка опрема на итмот.
„Работевме во воздушниот тунел на Мерцедес од мај минатата година, а предната и задната суспензија, како и менувачот се идентични со болидот на Мерцедес од 2019. Другото е наш дизајн,а сега почнуваме со работа за 2021 година“, изјави Грин.
Racing Point tech director Andy Green explains why the new RP20 is similar to the old Mercedes W10 in several areas & he reveals which parts they actually got from Mercedes.
AMuS story (in German) + gallery:https://t.co/Ne8sKlanLy
— Tobi Grüner ? (@tgruener) February 19, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.