Спорт
РК Еурофарм Пелистер ги објави цените за ЛШ: сезонските билети чинат од 5.500 до 6.500 денари
Ракометниот првак Еурофарм Пелистер ги објави цените на сезонските билети за премиерниот настап во групната фаза од Лигата на шампионите. Тие ќе чинат од 5.500 до 6.500 денари, во зависност од позицијата на седиштата во салата „Боро Чурлевски“ во Битола.
Во соопштението на РК Еурофарм Пелистер, се вели:
Почитувани љубители на ракометот и навивачи на РК Еурофарм Пелистер
Во пресрет на отпочнувањето на новата ракометна сезона 2023/24 дозволете да ве известиме за деталите поврзани со билетите за натпреварите на нашите две екипи во домашното првенство, Лигата на шампионите и СЕХА лигата.
Цените на сезонски билети за натпреварувачката 2023/24 година за сите натпревари во сите натпреварувања на нашите две екипи ќе изнесуваат:
6.500 денари (Централни позиции – јужна и северна трибина)
5.500 денари (Странични позиции – јужна и северна трибина)
Што добивате со сезонскиот билет ?
* Ваше загарантирано место и присуство на сите натпревари во сите натпревари на домашен терен на РК Еурофарм Пелистер и РК Еурофарм Пелистер 2.
* На сите натпревари влегувате на посебен влез без гужви и чекање.
* Станувате дел од клубот на лојални подржувачи на РК Еурофарм Пелистер и РК Еурофарм Пелистер 2 и добивате можност за 10% попуст при купување на производи од Фан-продавницата на клубот.
* Добивате плакета „Наш лојален поддржувач“ со фотографија и потпис од сите играчи на РК Еурофарм Пелистер и РК Еурофарм Пелистер 2.
Како до сезонски билет ?
Порталот за е-продажба на билети на РК Еурофарм Пелистер ќе биде отворен на 4 септември.2023 година во 19:00 часот. На порталот ќе може преку реализација на електронска трансакција директно да го купите вашиот сезонски билет или преку апликацијата „Сезонска карта со Шпаркасе банка“ да го резервирате вашиот билет за период од 48 часа.
Шпаркасе Банка, како наш верен подржувач и спонзор, оваа година ќе даде и огромна поддршка во купувањето на сезонските билети, односно ќе овозможи сумата од 6.500 и 5.500 денари да се плаќа на ДЕВЕТ еднакви месечни рати без камата.
За таа цел: после резервацијата на вашиот билет (дефинирани ред и седиште) на е-порталот на РК Еурофарм Пелистер за купување билети, во наредните 48 часа ќе треба да отидете во експозитура на Шпаркасе Банка каде ќе треба да отворите сметка (доколку не поседувате активна во банката) и траен налог на најмногу девет месеци. После завршување на оваа процедура од страна на банката ќе добиете потврда за активиран траен налог и со истата потоа ќе може да ја подигнете вашата сезонска карта од клубот. Во случај еден клиент да нема уплата од два последователни месеци од трансакциската сметка, трајниот налог се активира, а билетот ќе се деактивира.
Цена на поединечните билети за натпреварувачката сезона 2023/24 година за натпреварите во Лигата на шампиони ќе изнесува:
550 денари (Централни позиции – јужна и северна трибина)
450 денари (Странични позиции – јужна и северна трибина)
Цена на поединечните билети за натпреварувачката сезона 2023/24 година за натпреварите во домашното првенство ќе изнесуваат:
Од 120 до 250 денари (Централни позиции – јужна и северна трибина)
Од 100 до 180 денари (Странични позиции – јужна и северна трибина)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.