Бордот на гувернери на НБА лигата денеска го одобри планот за рестарт на сезоната 2019/20 со 22 тима во Орландо, Флорида. За предлогот се гласало со 29-1, односно само Портланд трејлблејзерс биле против предлогот.

„Ова е потребен чекор за продолжување на НБА сезоната. Иако пандемијата на КОВИД-19 претставува тежок предизвик за нас се надеваме дека ќе ја завршиме сезоната на безбеден и разумен начин според протоколите кои се договараат со здравствените власти и медицински експерти. Исто така препознаваме дека нашето општество уште е потресено од трагедиите од расното насилство и неправда и ќе продолжиме со нашите играчи да ги користиме нашите ресурси за ова прашање“, изјави комесарот на НБА, Адам Силвер.

Според планот, 13 тимови од Западната конференција и 9 од Источната конференција ќе играат осум кола од регуларната сезона, постои можност за плејин турнир за осмиот носител, а сите мечеви ќе се играат во „Волт Дизни ворлд ресорт“, попознат како Дизниворлд.

На топ 16 тимовите од Истокот и Западот ќе се приклучат тимови кои се на шест поени од осмото место во двете дивизии: Њу Орлеанс, Портланд, Сан Антонио, Сакраменто, Феникс и Вашингтон. Тимовите ќе почнат со тренинзи во Орландо од 9 до 11 јули.

По потврдата дека Златко Хорват потпишува за Металург, прекинувајќи ја 25-годишната соработка со ППД Загреб, иако клубот му понудил едногодишен договор, се јави и хрватскиот селектор, но и поранешен прв човек на Металург, Лино Червар со помалку потценувачка изјава.

Червар од 2009 до 2017 година беше прв човек на Металург, а му беше тренер на Хорват и во Загреб и во хрватската репрезентација.

„Искрено, многу ме изненади одлуката на Златко, но очигледно во тимот влегол некој спонзор. Се дограбиле до пари и носат и други играчи. Очигледно е дека Хорват оди таму поради силната понуда, бидејќи не гледам друга причина да го напушти ППД Загреб“, вели Червар во изјава за „24 сата“.

Ветеранот Златко Хорват е новото засилување на Металург

Италијанскиот министер за спорт, Винченцо Спадафора, преку „Фејсбук“ потврди дека се утврдени датумите за реваншите од полуфиналињата од Копа Италија – Јувентус-Милан ќе играат в петок, 12 јуни, Наполи-Интер ќе играат следниот ден, а финалето ќе се одржи на 17 јуни.

Со ова ќе се овозможи простор за закрепнување на фудбалерите по реваншите до финалето на „Олимпико“ во Рим на 17 јуни. Ова значи дека Серија А може да се рестартира на 20 јуни.

Првите мечеви во двата дуела се одиграа во февруари. Милан и Јувентус одиграа 1:1 на „Сан Сиро“, а Интер дома загуби од Наполи со 0:1.