Фудбалската репрезентација на Македонија ќе игра против Данска во полуфиналниот бараж за пласман на Светското првенство во САД, Мексико и Канада.

Доколку Македонија успее да го мине полуфиналето на 26 март, во финалето на 31 март, повотено ќе гостува кај победникот од дуелот меѓу Чешка и Република Ирска.

Европски плејоф, полуфинале:

Патека А: 1. Италија-Северна Ирска , 2. Велс- Босна и Херцеговина
Патека Б: Украина-,Шведска Полска-Албанија
Патека Ц: Турција-Романија, 2. Словачка-Косово
Патека Д: Данска-Македонија, 2. Чешка-Република Ирска

Интерконтиненталниот бараж ќе се игра во Мексико, на стадионите во Гвадалахара и Монтереј. Учествуваат шест репрезентации, во финалето ќе ги чекаат ДР Конго и Ирак.

ДР Конго ќе игра со победникот од натпреварот Нова Каледонија-Јамајка, а Иран ќе се сретне со победникот од дуелот меѓу Боливија и Суринам.

Досега пласман на СП изборија 42 репрезентации.

Од Европа, Англија, Франција, Хрватска, Португалија, Норвешка, Германија, Холандија, Белгија, Шпанија, Шкотска, Австрија и Швајцарија ќе играат на Светското првенство следното лето.

Бранителот на титулата Аргентина, Бразил, Колумбија, Еквадор, Парагвај и Уругвај се квалификуваа од Јужна Америка.

Австралија, Јужна Кореја, Иран, Јапонија, Јордан, Узбекистан, Катар и Саудиска Арабија се квалификуваа од Азиската зона.

Претставник на Океанија е Нов Зеланд, а од Северна, Централна Америка и Карибите (КОНКАКАФ) се квалификуваа Панама, Курасао и Хаити, како и домаќините САД, Канада и Мексико.

Од Африка пласман на Мундијалот обезбедија Мароко, Тунис, Алжир, Египет, Гана, Зелено’ртски Острови, Јужна Африка, Сенегал и Брегот на Слоновата Коска.

Фото/ Фудбалска федерација на Македонија

Марк Андре тер-Штеген конечно би можел да се согласи да ја напушти Барселона.

Според информации од Каталонија, Бешикташ повторно покажува сериозен интерес за германскиот голман.

Досега, Германецот се двоумеше, одбиваше понуди, но сега е во проблеми бидејќи би можел да го изгуби статусот на репрезентативец, односно прв голман кај Јулијан Нагелсман.

За време на оваа пауза, селекторот на Германија јавно објави дека Тер-Штеген мора да биде стандарден по закрепнувањето од повредата, за да се наметне за место во националниот тим, кој ќе се натпреварува на Светското првенство 2026.

Бешикташ нуди сè што му е потребно – позицијата прв голман и договор до крајот на сезоната. Наводно, Турците се подготвени да вметнат клаузула според која ќе можат да го купат Германецот, по завршувањето на сезоната за сума од 8.000.000 евра, а дотогаш би ги покриле сите негови приходи.

Тер-Штеген го има последниот збор, но се чини дека е отворен за заминување бидејќи неговиот сон е да биде прв голман на Германија на Светското првенство.

Приказните за НБА Европа, со намален интензитет, секој дневно се присутни во медиумите. Една пристигнува од Англија, каде што се зборува за основање кошаркарски клуб Манчестер Јунајтед.

Наводно, Џим Ратклиф го одобрил основањето на кошаркарската секција.

Поточно, рестартирање на кошаркарската секција, бидејќи Јунајтед имал кошаркарски клуб цели три години, од 1985 до 1988 година.

Јунајтед е еден од фудбалските гиганти што ќе се впуштат во оваа авантура, секако пред сè од финансиски причини. Во приказната за лансирањето на проектот НБА Европа се споменува и Пари Сен Жермен, како и оригиналните кошаркарски гиганти, со традиција во овој спорт: Реал Мадрид, Барселона и Баерн. Се споменуваат и Галатасарај, Бешикташ, Фенербахче и интересно Бетис.

На оваа тема, англиските медиуми пишуваат дека Ратклиф го одобрил проектот на кошаркарскиот клуб, како и изградбата на кошаркарска арена, веднаш до „Олд Трафорд“. Арената треба да има 15.000 седишта.