Манчестер jунајтед доживеа катастрофален пораз од Бурнмут со 0:3 (0:1) на „Олд Трафорд“ во 17. коло од Премиер лигата.

Овој резултат е само продолжение на кошмарната сезона на славниот тим и најдобар показател дека новиот тренер Рубен Аморим се соочува истите проблеми како и неговите претходници.

Победата во дербито над Сити, кој исто така е во голема криза, очигледно не беше показател на вистинската форма на Јунајтед. Мечот со Борнмут уште еднаш ги покажа сите слабости во играта на манчестер јунајтед.

Ова беше четврти пораз за Манчестер под водство на португалскиот тренер.

Секако, очајниот настап на Јунајтед не може да го засени впечатокот на брилијантната партија која ја одиграа момците на Андони Ираола.

Гостите славеа со головите на Дин Хујсен во 29. минута, Џастин Клајверт од пенал во 61. минута и Антоан Семењо во 63. минута.

Без сомнение ове е една од најголемите победи на Борнмаут во историјата на клубот.

Реално гледајќи ја формата на двата тима и нивните позиции на табелата, ова беше очекуван епилог, Бурнмут сега се проби до петтото место додека Јунајтед продолжи да тоне.

Ова беше седми пораз на славниот тим сезонава во само 17 натпревари.

Премиер лига, 17. коло

сабота

Астон Вила – Манчестер Сити 2:1 (1:0)
/Дуран 16, Роџерс 65 – Фоден 90+3

Брентфорд – Нотингем Форест 0:2 (0:1)
Аина 38, Еланга 51/

Вест Хем – Брајтон 1:1 (0:0)
/Кудус 58 – Вајфер 51/

Ипсвич – Њукасл 0:4 (0:3)
/Исак 1, 45+2, 54, Марфи 32/

Кристал Палас – Арсенал 1:5 (1:3)
/Сар 11 – Жесус 6, 14, Хаверц 38, Мартинели 60, Рајс 85/

недела

Манчестер Јунајтед – Борнмаут 0:3 (0:1)
/Хујсен 29, Клајверт 61.п, Семењо 63/

Евертон – Челзи 0:0

Фулам – Саутемптон 0:0

Лестер – Вулверхемптон 0:3 (0:1)
/Гуедес 19, Гомес 36, Куња 44/

Валенсија продолжува да се мачи и да се дави во зоната за испаѓање. Попладнево, Валенсија во 98.минута се спаси од пораз против Алавес.

Дани Гомеш и донесе бод на Валенсија со гол во осмата минута од судиското надополнување. Со овој бод Валенсија се израмни со Ваљадолид, овие две екипи со 12 бода се на дното на табелата.

Гостите од Баскија водеа двапати во мечот. Првото водство го донесе Мартин со гол во седмата минута. Валенсија израмни дури во 70. минута од пенал.

А потоа уште еден шок. Во 88. минута пенал за Алавес. А прецизен беше Џоан Џордан.

Македонскиот репрезентативец, Столе Димитиревски, прв пат бранеше за Валенсија во Примера од почетокот на сезоната.

Фудбалерите на Рома, во 17.коло го одиграа најдобриот меч во Серија од почеткот на сезоната. Предводени од Паоло Дибала, фудбалерите на Рома ја декласираа Парма со 5:0.

Рома одлично влезе во натпреварот и поведе во осмата минута.

Судијата Марко Ди Бело покажа на белата точка по невнимателниот старт на Ботонд Балог, а Пауло Дибала ја презеде одговорноста и погоди од белата точка за 1:0.

Само пет минути подоцна, Римјаните успеаја да го удвојат водството, Анхелињо му асистираше на Алексис Салемејкерс, кој погоди за 2:0.

Парма имаше две убави шанси во вториот дел, но Миле Свилар добро интервенираше на голот на Рома.

До крајот на првото полувреме Стефан Ел Шарави можеше дополнително да го зголеми водството на домашните во 44. минута, но неговиот удар го одбрани голманот.

Добрата игра на Рома продолжи и во вториот дел, а во 51. минута Дибала успеа да постигне уште еден гол за 3:0. .

Во 74. минута беше досуден уште еден пенал за Рома, а одговорноста ја презеде Леандро Паредес. Погоди и тој, а на семафорот стоеше 4:0.

Точка на натпреварот стави Артем Довбик во 83. минута на асистенција на Пауло Дибала.

Рома во моментов е на 11. место во Серија А со 19 бодови, додека Парма го претрпе третиот последователен пораз и е на 16. позиција со 15 бодови.

Рома сезоната ќе ја продолжи со гостување кај Милен, додека Парма ќе и гостува на Монца.