Мигуел Оливеира стигна до блескава победа за неговиот тим КТМ по повеќе одложувања на стартот на Тајланското ГП поради силниот дожд, триумфирајќи пред двојката на Дукати, Џек Милер и Франческо „Пеко“ Бањаја, кој ја искористи лошата трка за актуелниот шампион Фабио Квартараро, за да стане нов лидер во генерален пласман.

Оливеира во првите кругови го помина освојувачот на пол-позицијата Марко Беѕеки, за потоа без проблем да го остави зад себе Австралиецот Милер, додека зад нив, Бањаја успеа да ги издржи нападите на повеќе возачи зад него како Жоан Зарко, за да освои 18 поени, со кои го прескокна Квартараро во генерален пласман, откако Французинот беше само 17-ти и остана без поени.

Италијанскиот возач сега има 219 поени, два повеќе од Квартараро, а во игра за титулат остануваат и Алеиш Еспархаро со 199 поени и денеска слабиот Енеа Бастијанини со 180 поени.

Светското првенство во фудбал во Катар нема да биде посебно само по тоа што ќе се одржува во текот на зимата, ниту по тоа што е прв шампионат на Блискиот Исток, туку поради процената цена од неверојатни 220 милијарди долари.

За споредба, претходниот Мундијал во 2018 година ја чинеше Русија 11.6 милијарди долари, првенството во Бразил во 2014 година имаше цена од 15 милијарди евра, а на пример СП во 1994 во САД беше со оперативни трошоци од само 500 милиони евра.

Катар очекува 1.2 милиони посетители за време на Светското првенство, на кое потрошија 10 милијарди долари само наа изградба на новите стадиони, додека поголемиот дел од парите беа потрошени на проекти во инфраструкурата – нов аеродром, нова модерна метро врска, како и голем број на хотели.

Катар беше критикуван пораи човековите права на илјадниците работници-мигранти, откако до Министерството за труд на земјата беа доставени 2.000 жалби, а западните организации за човекови права тврдат дека неколку илјади работници ги загубиле своите животи работејќи на градежните проекти.

Мундијалот започнува на 20 ноември, а финалето ќе се игра на 18 декември.

Еден ден по неговиот 22. роденден, Финецот Кале Рованпера стана најмладиот светски шампион во Рели ВРЦ шампионатот, по триумфот на Рели Нов Зеланд, за да го освои трофејот на две трки до крајот.

Рованпера, синот на поранешниот ВРЦ возач, Хари Рованпера, го сруши рекордот на Британецот Колин Мекри, кој имаше 27 години кога стана шампион во 1995 година. Тој беше доминантен на четиридневното дождливо рели во Нов Зеланд, победувајќи и на последната „супер-етапа“, со што направи недостижна предност пред Естонецот От Танак пред трките во Шпанија и Јапонија.

Осумкратниот шампион Себастиен Ожие заврши на второто место со 34.6 секунди заостанување, додека Танак беше трет со 48.5 секунди послабо време.

Рованпера со својата Тојота имаше пет победи во првите седум трки од сезоната, но потоа имаше проблеми на двете релија во август, дозволувајќи шампионот од 2019, Танак да се доближи во генерален пласман.

„Ми олесна што конечно пристигнавме на целта како први. Не беше пријатно по неколку тешки релија, а најголемата благодарност оди до мојот тим, кој ми даде брз автомобил“, изјави Рованпера.