Хакан Чалханоглу е еден од клучните играчи на Милан оваа сезона, меѓутоа неговата иднина во клубот од „Сан Сиро“ е неизвесна. Неговиот договор истекува по завршувањето на сезоната, а клупските челници не успеваа да го убедат да потпише нов.

Двете страни не можат да се договорат околу финансиските детали. Милан, на фудбалерот му нуди годишна плата од 5.000.000 евра, што е дупло повеќе од она што сега го заработува, додека менаџерот на Чалханоглу бара 2.000.000 евра повеќе.

Ваквата ситуација се обидува да ја искористи Јувентус. Во Торино се подготвени да го чекаат Чалханоглу до завршувањето на сезоната, кога тој ќе биде слободен играч.

„Тутоспорт“, пишува дека од Јувентус го воспоставиле контакт со фудбалерот и дека првите разговори биле успешни.

Овој извор тврди дека Јувентус имале желба да го откупат Чалханоглу во зимскиот преоден рок, меѓутоа од Милано ја одбиле понудата. Во клубот сметаат дека Чалханоглу е важен дел од тимот, кој оваа сезона ќе се обиде да ја освои титулата во Серија А.

Група свештеници од Неапол не ја подржуваат иницијативата стадионот во овој град, во иднина да го носи името на клупската легенда, Диего Марадона. Тие од надбискупот на Неапол, Крешченцо Сепи, побарале да се спротивстави на овој предлог.

Диего Марадона, почна во својот дом на 25.ноември. Веднаш откако веста за неговата смрт ја обиколи планетата, градоначалникот на Неапол, Луиџи Де Магистрис предложи стадионот „Сан Паоло“ да го смени името во чест на човекот кој на Наполи му ги донесе единствените две титули во Серија А.

„Стадионот Сан Паоло треба да го носи името на светецот кој ни го донесе Исус. Со голема понизност чувствуваме дека наша обврска е да во го кажеме тоа. Би било добро стадионот да се вика Сан Паоло-Марадона, така е во Милано каде се наоѓа Сан Сиро-Меаца. Тоа би бил вистински компромис. Би ја спасиле верата и би му одале почит на еден шампион каков што беше Марадона“, се наведува во писмото на петмината свештеници.

Патрик Виера повеќе не е тренер на фудбалерите на Ница. Поранешниот француски репрезентативец доби отказ по синоќешниот пораз на домашен терен од Баер Леверкузен. Со овој пораз, Ница, остана без шанси да се пласира во нокау-фазата во Лига Европа.

Ница игра лошо од почетокот на сезоната, во домашниот шампионат по 11 рунди се наоѓаат на 11 место на табелата. Поразот од Леверкузен беше петти во низа за Ница.

Пред мечот со Баер Леверкузен, навивачите протестирале барајќи оставка од Виера, дури и го блокирале клупскиот автобус за да ги испорачаат своите барања.

Виера, тренерската кариера ја започна во Њујорк сити, а во јули 2018 година беше промовиран во тренер на Ница.