Борусија Менхенгладбах уште еднаш воодушеви во Лигата на шампионите, демонтирајќи ги Шахтјор Доњецк со 4:0 за да постави притисок на Интер и Реал Мадрид кои од 21 часот го играат големото дерби, додека Манчестер сити и официјално е во осминафиналето по 1:0 победата над Олимпијакос на гости во Грција.

На „Борусија-Парк“, домаќините дојдоа во водство уште во 14. минута преку гол од пенал на Штиндл, за Нико Елведи во 34. минута да зголеми на 2:0, пред Брил Ембодо да постигне сензационален гол со ножички во финишот на полувремето. Оскар Вент во второто полувреме го потврди триумфот, за „ждребињата“ да се зацврстат на првото место на табелата во групата Б со осум поени, додека Реал имаат само 4, а Интер 2 пред нивниот меч.

Тимот на Пеп Гвардиола, пак, ја забележа и четвртата победа во четири меча во ЛШ, славејќи со 1:0 со убавиот гол на Фил Фоден во првото полвуреме, за целосна контрола во групата Ц.

ЛИГА НА ШАМПИОНИ, 4.КОЛО

ГРУПА Б

Борусија Менхенгладбах – Шахтјор Доњецк 4:0

Интер – Реал Мадрид 21.00 ч.

Табела: 1.Борусија М. 8, 2.Шахтјор 4, 3.Реал Мадрид 4, 4.Интер 2

ГРУПА Ц

Олимпијакос – Манчестер сити 0:1

Марсеј – Порто 21.00 ч.

Табела: 1. Манчестер с. 12, 2.Порто 6, 3.Олимпијакос 3, 4.Марсеј 0

Борис Бекер се повлекува од позицијата на одговорен за машкиот тенис во Германија, работа во која го надгледуваше развојот на младите тенисери и на Дејвис куп репрезентацијата.

Освојувачот на шест гренд слема признава дека веќе нема време да ја врши работата која ја стартуваше во 2017 година, откако 53-годишниот Германец се наоѓа сред скап и тежок судски процес во Лондон за банкрот. Тој беше обвинет дека ги крие трофеите и дел од своите недвижнини во процесот на исплаќање на долговите, и го очекува затворска казна од неколку години ако го осудат.

„Работата со Германската тениска федерација ми носеше огромно задоволство последните три и пол години. За жал, сега немам доволно време за оваа работа и останувам пријател со сите во федерацијата“, вели трикратниот шампион од Вимблдон.

Федерацијата му се заблагодари за работата и порача дека капитенот на Дејвис купот, Михаел Колман ќе ги преземе неговите обврски.

Кој ќе ја купи вилата на банкротираниот Бекер ќе мора да живее со неговата мајка!

Луис Хамилтон ја донесе седмата последователна титула на Мерцедес оваа сезона и германскиот тим во последната сезона од неговиот актуелен договор ќе му исплати 47 милиони евра за неговите услуги, со што тој е убедливо најдоброплатениот Ф1 возач.

Во извештајот на обично многу сигурната „Бизнис бук ГП“ за 2020, не се земаат во предвид дополнителните пари од спонзорите и бонусите, туку се прави листа само на „чистата“ плата за секој возач.

Ако може да се каже дека Мерцедес го добиле посакуваното со високата плата, вториот на листата не може да се пофали со тоа – Ферари му дале на Себастијан Фетел 35 милиони евра, сума која ќе биде драстично помала следната година кога ќе вози во Астон Мартин.

Рено исто така пред заминувањето на Даниел Рикардо му исплатиле 20 милиони евра, а Макс Ферстапен е четврти со 16 милиони евра за сезоната. Кими Раиконен има солидни 6 милиони евра како најискусен возач во Ф1, а неговиот колега од Алфа Ромео, Антонио Џовинаци е најслабоплатениот со 500.000 евра за 2020.

ПЛАТИ НА ВОЗАЧИ 2020

1.Луис Хамилтон (Мерцедес) 47 милиони евра

2.Себастијан Фетел (Ферари) 35 милиони евра

3.Даниел Рикардо (Рено) 20 милиони евра

4.Макс Ферстапен (Ред бул) 16 милиони евра

5.Валтери Ботас (Мерцедес) 9 милиони евра

6.Шарл Леклер (Ферари) 9 милиони евра

7.Кими Раиконен (Алфа Ромео) 6 милиони евра

8.Карлос Саинс Јуниор (Мекларен) 4.5 милиони евра

9.Серхио Перез (Рејсинг поинт) 4 милиони евра

10.Естебан Окон (Рено) 4 милиони евра

11.Роман Грожан (Хас) 2 милиони евра

12.Кевин Магнусен (Хас) 2 милиони евра

13.Алекс Албон (Ред бул) 2 милиони евра

14.Лендо Норис (Мекларен) 1.5 милиони евра

16.Пјер Гасли (Алфа Таури) 1 милион евра

17.Данил Квјат (Алфа Таури) 750.000 евра

18.Џорџ Расел (Вилијамс) 750.000 евра

19.Николас Латифи (Вилијамс) 750.000 евра

20.Антонио Џовинаци (Алфа Ромео) 500.000 евра