Циркузот што го одбележа финалето на Африканскиот куп на нации конечно доби епилог во форма на казни што Конфедерацијата на африкански фудбал им ги изрече на репрезентациите на Сенегал и Мароко.

Неверојатни слики пристигнуваа од Мароко таа вечер. Во судиското продолжение, беше досуден пенал за Мароко, селекторот Пепе Тиао одлучи да ја повлече својата репрезентација од теренот, Садио Мане ги убеди своите соиграчи да се вратат.

Брахим Дијаз се посрамоти со начинот на кој го изведе пеналот. Се обиде со паненка, но голманот Менди му фати жива топка.

Сенегал на крајот славеше со гол во првото продолжение.

Посебна приказна на финалето е борбата на собирачите на топки со резервниот голман на Сенегал, кој со „живот“ го бранеше пешкирот на својот колега Менди.

Мароко, ден по финалето побара да му се одземе титулата на Сенегал, но таа жалба беше одбиена.

Што се однесува до Сенегал, казните се следниве:

Тренерот Пепе Тиао е казнет со пет натпревари и 100.000 долари.

Играчите Илиман Ндијае и Исмаила Сар се суспендирани со по два натпревари.

Фудбалската асоцијација на Сенегал е казнета со 615.000 долари.

Што се однесува до Мароко, казните се следни:

Ашраф Хакими е казнет со суспензија од два натпревари (еден условно).

Исмаел Саибари е казнет со три натпревари и 100.000 долари.

Фудбалската федерација на Мароко мора да плати казна од 300.000 долари.

Најимпресивната казна им беше изречена на собирачите на топки вклучени во инцидентот со резервниот голман на Сенегал, тие се казнети со 200.000 долари.

Foto/ EPA

Белорусинката Арина Сабеленка се пласира во финалето на Австралија Опен. Во првото полуфинале, бранителката на трофејот ја победи Украинката Елина Свитолина.

Сабаленка, забележа лесна, речиси рутинска победа, за 76 минути славеше со 6:2, 6:3.

Тенисерката број 1 во светот, експресно го реши првиот сет, мали проблеми имаше во вториот кога Свитолина со брејк поведе со 0:2, но Сабаленка експресно се врати во мечот, ги освои наредните пет гема, на крајот се пласира во четвртото последовно финале во Мелбурн.

За третиот трофеј во Мелбурн, петти на Гренд слем турнирите, Сабеленка ќе игра против подобрата од второто полуфинале во кое ривалки се Американката Џесика Пегула и Казахстанката Елена Рибакина.

Мечот против Свитолина, беше петти за Сабаленка, на тековниот Австралија Опен без загубен сет и десетти по ред во кој Белурусинката не загуби сет од своите противнички.

Белорусинката го доживеа својот последен пораз на завршниот турнир во Ријад, токму против нејзината потенцијална соперничка во финалето во Мелбурн, Елена Рибакина.

Foto/ depositphotos

Чудо се случи синоќа на стадионот „Да Луж“ во Лисабон. Бенфика го победи Реал Мадрид, и со неверојатен гол, на голманот Трубин во 98-та минута, стигна до нокаут фазата од Лигата на шампионите на УЕФА.

Жозе Мурињо не можеше да поверува што се случи во последните секунди од натпреварот.

„Постојано велам дека се сум видел, но признавам вакво нешто не сум видел и доживеал никогаш. Знаевме дека може да го направи тоа. Губевме од Порто пред неколку недели и во последната минута беше многу блиску да постигне гол. Исто така, пофалби и за асистентот на голот, брилијантно центрираше. Навистина неверојатен гол“, рече португалскиот стручњак.

Веднаш потоа, тој се осврна на тие последни минути од играта и одлуките што му се вртеа низ глава:

„Кога ги правев последните измени, ми беше кажано дека е доволно е да победиме за да продолжиме понатаму, но веднаш откако направив измени, ситуацијата се промени и ми рекоа дека ни треба уште еден гол за да продолжиме понатаму. Веќе немав право на измени. Имавме среќа што добивме слободен удар што му даде можност на голманот да постигне гол“, подвлече Мурињо во интервју за „ТНТ Спорт“.

Foto/ depositphotos