Спорт
Роналдо е негативен на КОВИД-19, се враќа во недела

Ѕвездата на Јувентус, Кристијано Роналдо доби зелено светло да се врати во својот тим откако имаше негативен тест на КОВИД-19, потврди италијанскиот клуб на нивниот веб-сајт.
„Кристијано Роналдо беше на проверка за КОВИД-19 и резултатот беше негативен. По 19 дена, тој се опорави и веќе не е ограничен за домашна изолација“, се вели во соопштението на Јуве, што значи дека тој во недела може да игра против Специја откако пропушти четири меча.
Заразата на Роналдо помина со многу контроверзи, откако тој беше позитивен за време на настапите за португалската репрезентација и се врати во Торино со посебен „амбулантен авион“, влегувајќи во конфликт со министерот за спорт на Италија, Винченцо Спадафора. Покрај тоа, против Роналдо има посебна истрага на локалните власти за прекршување на карантинот.
Тој беше во изолација од 13 октомври, враќајќи позитивни тестови на 22 и 27 октомври, а откако не му беше дозволено да настапи при 0:2 поразот од Барселона во ЛШ, тој на Инстаграм напиша „ПЦР е срање“, по што го избриша коментарот.
Дел од фановите беа загрижени од изгледот на Роналдо при неговите појавувања на социјалните мрежи, посочувајќи дека е ослабен.
COVID19 – Guarito @cristiano ➡️https://t.co/JOgE7nPpz4 pic.twitter.com/ITQW5cVAwB
— JuventusFC (@juventusfc) October 30, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мбапе гласа за Дембеле: Јас лично би му ја врачи Златната топка

Најпрестижната индивидуална награда во фудбалот, Златаната топка, ќе биде доделена на 22 септември, во Париз.
За истата има неколку кандидати, а меѓу нив најмногу се издвојуваат Усман Дембеле и Ламин Јамал.
Дембеле имаше одлична сезона со ПСЖ каде што ги освоија сите домашни трофеи, како и престижниот трофеј од Лигата на шампионите. Покрај овие двајца, се споменуваат и имиња како Рафиња, Мохамед Салах и Килијан Мбапе.
„Усман ја заслужува (Златната топка), го поддржував од самиот почеток. Ако ме прашаше, јас лично би му ја однел дома“, изјави тој Мбапе за „Телефут“.
Спорт
ФИБА ги објави термините за четвртфиналните пресметки

ФИБА ги објави четвртфиналните натпревари на Евробаскетот, натпреварите ќе се играат во вторник и среда.
За разлика од натпреварите од осминафиналето, кои се играа во 11:15, 14:15, 17:30 и 20:45 часот, четвртфиналните мечеви ќе се играат во различни термини.
Ќе се игра од 16:00 до 20:00 часот, по македонско време.
Во вторник, Турците, предводени од Алперен Шенгун, и Полјаците, кои ја елиминираа селекцијата на БиХ, ќе бидат првите што ќе излезат на теренот.
А во ударниот термин од првиот ден, ќе играат Литванците, кои го елиминираа домаќинот Латвија, и Грците, кои славеа над Израел на крилата на Јанис Адетокумбо.
Во среда, првиот дуел е судир меѓу неочекуваните четвртфиналисти, Финците и Грузијците, двете најголеми изненадувања на турнирот кои ги елиминираа фаворизираните Србија и Франција.
Последниот натпревар од четвртфиналето ќе го играат светските шампиони, Германците и Словенците, кои сите надежи ги полагаат на неверојатниот Лука Дончиќ.
Foto/ EPA
Спорт
Алкараз ја започна 37-та недела на врвот, Ѓоковиќ „скокна“ три места

Карлос Алкараз го освои Ју-ес опен и по една година се врати на челната позиција на АТП листата. На најновата листа има неколку промени во Топ 10, Новак Ѓоковиќ скокна три позиции и сега е на четвртото место.
Алкараз ја започна 37-та недела од својата кариера како водечки играч во светот, а до тој статус стигна преку едно од најсложените ждрепки на турнирот.
Неговиот пат до пехарот беше речиси беспрекорен – тој загуби само три брејка во текот на целиот турнир, подвиг што само Пит Сампрас успеа да го достигне во модерната ера.
Со овој триумф, Алкарас дојде до 11.540 поени, со што јасно ја потврди својата лидерска позиција.
На второто место е Италијанецот Јаник Синер со 10.780 поени, додека Александар Зверев остана на третото место со 5.930.
Новак Ѓоковиќ направи значаен скок и сега е четврти со 4.830 поени – тој се искачи за три места во споредба со претходниот пласман.
Тејлор Фриц (4.675), Бен Шелтон (4.280), Џек Дрејпер (3.690), Алекс де Мајнор (3.545), Лоренцо Мусети (3.505) и Карен Хачанов (3.280) ја комплетираат десетката најдобри тенисери во светот.
Foto/ EPA