Спорт
Роналдо е „Златно стапало“ за 2020 година

Кристијано Ронадо е добитникот на наградата „Златно стапало“ за 2020 година, за својот придонес во фудбалот. Ова е престижна награда, која може да се добие еднаш во кариерата, а во конкуренција влегуваат фудбалери постари од 28 години.
Добитникот на наградата, остава отпечаток од своето стапало на Променада во Монте Карло.
„Ова е голема чест, среќен сум што отпечатоци од моите стапала ќе бидат заедно со стапалата на големите шампиони. Им се заблагодарувам на сите што гласа за мене“, порачал Роналдо.
Наградата се доделува од 2003 година, а прв ја добил Роберто Баџо. Потоа престижното признание го добивале: Павел Недвед, Андреј Шевченко, Роналдо, Алесандро Дел Пјеро, Роберто Карлос, Роналдињо, Франческо Тоти, Рајан Гигс, Златан Ибрахимовиќ, Дидие Дрогба, Андрес Иниеста, Самуел Ето, Џиџи Буфон, Икер Касиљас, Единсон Кавани и Лука Модриќ.
Интересно ова признание се уште не го добил Лионел Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Де Брујне: Немам недоразбирања со тренерот Конте

Кевин Де Брујне е најголемото засилување што пристигна во Наполи ова лето.
Поранешниот капитен на Манчестер Сити блескаше на натпреварот од Лигата на шампионите против Спортинг. Наполитанците победија со 2:1, а Белгиецот му асистираше на поранешниот играч на Манчестер Јунајтед, Расмус Хојлунд за двата гола.
„Тимски одигравме одличен натпревар. Спортинг е сериозен тим. Не беше лесно кога израмнија, но успеавме да го постигнеме вториот гол и да ја однесеме победата“, рече Де Брујне.
Во последните денови, италијанските медиуми пишуваа за конфликтот на Де Брујне со тренерот Антонио Конте за време на натпреварот од Серија А против Милан.
„Немам никаков проблем со Конте. Медиумите пишуваа секакви работи овие денови. Секогаш ги почитував одлуките на тренерите, тоа е случај и со Конте. Реагирав бурно, бидејќи навистина сакам да победам. И тука завршува приказната“, рече Де Брујне.
Фото/ Принтскрин
Спорт
Манчестер Јунајтед потпиша тинејџер од Колумбија

Кристијан Ороско, 17-годишен тинејџер од Колумбија, е нов член на Манчестер Јунајтед.
Англискиот клуб за Ороско на Форталеза и плати обесштетување од плати еден милион долари.
Адвокатите на Манчестер Јунајтед ги одобрија сите договори, а главниот скаут Антоначио беше медијатор.
Ороско игра како заден играч за врска, а одигра девет натпревари за репрезентацијата на Колумбија до 17 години.
Спорт
Мажиќ го избра најдобриот судија и најголема грешка во историјата на фудбалот

Милорад Мажиќ, раководител на одделот за судење и инспекција на Руската фудбалска федерација, откри кого го смета за најдобар судија во историјата на фудбалот.
Србинот е вработен во најголемата земја во светот од 2023 година, а во интервју за Спорт-експрес, го издвои судијата број 1.
„Без сомнение, Пјерлуиџи Колина е најдобар. Поади него јавноста и навивачите го сменија мислењето за судиите, системот, воведе конзистентност. Работел во многу земји – бев во Саудиска Арабија и САД, нема попознат судија во светот“, рече Мажиќ.
Колина ја започна својата судиска кариера во 1977 година, а се пензионираше во 2005 година. Шест години по ред (од 1998 до 2003 година), тој беше најдобриот судија во светот, избран од Меѓународната федерација за фудбалска историја и статистика (IFFHS). Во 2011 година, беше примен во Куќата на славните на италијанскиот фудбал. Од 2017 година, Колина ја води судиската организација на ФИФА.
За Мажиќ, најголемата грешка на судијата во историјата е голот на Диего Марадона во четвртфиналниот натпревар на Светското првенство во 1986 година помеѓу Аргентина и Англија.
„Ако се обидеме да се дистанцираме од емоциите, првото нешто што ни паѓа на ум е „Божјата рака“ на Марадона. Судијата на теренот не виде дека играше со рака и го призна голот. Но… тоа е Марадона – сфаќате што значи. Кој го критикуваше тогаш Марадона? Никој. Сите го нападнаа судијата“, нагласи Мажиќ.
Фото/ Принтскрин