Спектакуларен натпревар, во четврт-финалето на фудбалскиот турнир, одиграа олимписките репрезентации на Шпанија и Брегот на Слоновата коска. Шпанците славеа по продолженијата со 5:2. Шпански херој е Рафа Мир, кој постигна гол во 92.минута, со кој „црвената фурија“ обезбеди продолженија, а потоа со два гола ја запечати победата на својата репрезентација.

Брегот на Слоновата коска, преку Ерик Баи, дојдоа до предност во 10.минута. Дани Олмо израмни на 1:1 во 30.минута.

Овој резулатат беше активен до 90.минута, кога Градел постигна гол за нова предност на „Слоновите“.

Сепак играчите на африканската селекција не успеаја да издржат. Само што влезе во игра, Рафа Мир, ја искористи конфузијата во одбраната на противниците и успеа да израмни.

Во дополнителните 30 минути, Ојерзабал постигна гол за 3:2 во 98.минута, а потоа Мир со два гола го комплетираше хет-трикот.



Продолжува војната со зборови на релација Ред Бул-Мерцедес. Причина е инцидентот помеѓу Макс Ферстапен и Луис Хамилтон, по кој Холанѓанецот заврши надвор од патеката, а потоа беше префрлен и во болница на дополнителни прегледи.

Ферстапен, во пресрет на трката за Големата награда на Унгарија, рекол дека кога завршил во болница, му се јавиле сите шефови на тимовите, исклучок бил само шефот на Мерцедес, Тото Волф.

„Точное е, Волф не ми се јави. Сите останати ми се јавија или ми испратија порака. Веројатно тоа е нормално. Но исто така нормално е што не ми се јавија луѓето од Мерцедес“, рекол Ферстапен.

На прашањето, дали Волф разговарал со него по пристигнувањето во Унгарија, тој кратко одговорил.

„Не“.

Трката за Големата награда на Унгарија ќе се вози утре со почеток во 15 часот. Во генералниот пласман, Ферстапен има предност од осум поени пред Хамилтон.

Српскиот микс-дубл, Нина Стојановиќ и Новак Ѓоковиќ, се откажаа од мечот за бронзениот медал. Третото место, во оваа конкуренција им припадна на Ешли Барти и Џон Пирс од Австралија.

Ѓоковиќ не е во состојба да игра, бидејќи пред еден час играше два часа и 50 минути против Пабло Карењо-Буста.

Шпанецот победи со 2:1 и ја освои бронзата.

Ѓоковиќ решил да се повлече поради уморот и повредата на рамото.

Новак Ѓоковиќ со големи амбиции допатува на Олимписките игри, на крајот Токио ќе го напушти без освоен медал.

It was Novak Djokovic who withdrew from the match with a "right shoulder" injury. https://t.co/V6BL4z8QDC

— José Morgado (@josemorgado) July 31, 2021