Меѓународниот олимписки комитет почна официјална истрага за наводите дека Белорусија се обидела да ја натера својата атлетичарка Кристина Циманускаја да се врати во земјата од Олимпијадата во Токио по јавното критикување на националните тренери.

„Мораме да ги утврдиме целосните факти, што може да потрае. Во меѓувреме, нашата главна грижа е спортистот“, објави портпаролот на МОК, Марк Адамс, пренесува Би-би-си.

Министерството за надворешни работи на Јапонија потврди дека Циманускаја добила хуманитарна виза од Полска и дека сега се наоѓа во Амбасадата на таа земја во Токио, а се очекува утре да ја напушти Јапонија.

МОК побара Белорускиот национален олимписки комитет да го достави својот извештај за инцидентот до крајот на денот, а Циманускаја рече дека била одведена на аеродром против своја волја по критикувањето на тренерите и изрази страв за својата безбедност.

Белорусија тврди дека Циманускаја била отстранета од тимот поради нејзината емоционална состојба.

Фудбалската репрезентација на Бразил ќе го брани златото освоено пред пет години на домашен терен во Рио де Жанеиро. Бразилците, во првото полуфинале, по изведувањето пенали, го победија Мексико со 4:1.

Полуфиналето во регуларниот дел и во продолженијата завршин без голови. Во 120 минути Бразилците беа покативни, а најдобрата шанса ја пропушти Ришарлисон. Напаѓачот на Евертон во второто полувреме ја погоди стативата.

Бразилците без грешка ги шутираа пеналите, голови постигнаа Дани Алвес, Габриел Мартинели, Бруно Гимараеш и Рејнер. За Мексико непрецизни беа Едуардо Агире и Јохан Васкез.

Бразил за златото ќе се бори против победникот од дуелот Шпанија – Јапонија.

Најдобрата гимнастичарка на денешницата, Симон Бајлс, без златем медал ќе замина од Токио. Американката која на Олимписките игри се соочи со сериозни ментални проблеми, реши да настапи во финалето на греда. На крајот Бајлс го освои бронзениот медал.

Финалето во оваа дисциплина донесе доминација на тинејџерките од Кина. Особено импресивен настап имаше 16-годишната, Ченчен Гуан. Со 14.633 поени таа го освои златото.

Нејзината сонародничка, Сијинг Танг, заврши на второто место, а Бајлс мораше да се задоволи со бронзата.

За трите девојки ова беа први медали во поединечна конкуренција, на Олимписките игри.