Спорт
Роналдо прекршил уште едно правило – Не тренирал со резервите, бил во вежбална со стартерите од мечот со Швајцарија
Нов ден и нов скандал во режија на Кристијано Роналдо. Откако, синоќа, влезе од клупата во последните 16 минути, во убедливата победа над Швајцарија (6:1), Роналдо утрово не се појавил на тренингот.
За што станува збор? Според правилата на селекторот Фернандо Сантош, ден по натпревар, оние кои биле резерви имаат нормален тренинг, додека оние кои биле стартери одат во теретана и прават полесни вежби.
Утрово сите очекувале Роналдо да се појави на теренот со играчите кои мечот синоќа го почнаа од клупата или воопшто не играа, но тој имал поинаков план.
„Марка“, објави дека Роналдо продолжил со своето недолично однесување во Катар и дека утрово сам одлучил да не се појави на тренинг со резервите.
Оовј извор, пренесува дека Роналдо на крајот отишол во теретана и направил лесен тренинг со играчите кои го започнаа синоќешниот натпревар.
Исто така, овој шпански медиум, потврди дека Роналдо нема никаква повреда, поради која би го пропуштил тренингот. Португалците чекаат објаснување зошто не бил со резервите на тренинг.
Наводно, останатите играчи кои вчера беа резерви биле изненадени што Роналдо не се појавил со нив на тренингот.
Ќе биде интересно да се види како Сантошќе реагира на овој потег и дали од националниот тим ќе понудат некакво објаснување зошто Роналдо го пропуштил тренингот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.