Њукасл јунајтед и Лидс јунајтед ќе почекаат на првата победа во новата сезона во Премиерлигата, откако во првиот меч од петтото коло, одиграа 1:1 на „Сент Џејмс Парк“.

Рафиња ги донесе гостите во водство во 13. минута по асистенцијата на новиот англиски репрезентативец, Патрик Бамфорд, меѓутоа домаќините останаа непоразени откако Алан Сен-Максиман израмни во финишот на полувремето.

По пет кола, Њукасл има само две ремија, додека Лидс има три нерешени натпревари за да се зголеми притисокот на двајцата тренери, Стив Брус и Марсело Биелса.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));

Тренерот на Болоња, а поранешна играчка легенда на Црвена звезда во долго интервју за Јутјуб каналот на белградскиот клуб, открива интересна анегдота за трофејот од Купот на европски шампиони (сегашната Лига на шампиони) од 1991 велејќи дека титулата која е прикажана е „копија“ бидејќи вистинскиот трофеј бил „исчукан“.

Тој тврди дека Дарко Панчев го носел трофејот на свадба, и дека поради тоа што сменил многу раце бил „исчукан“ и направиле нов.

„И сега се ежам, а поминаа 30 години. Нема пари кои можат да ги купат тие емоции. Како што поминуваше време, сфативме колку тоа е важно остварување. Тој пехар кој го донесовме беше насекаде. Јас го носев во Борово, Југа го носеше дома, стоеше едно време кај Биниќ во автомобилот, во гепекот. Ќе отидеме во некој локал, тој го зема пехарот и го става на маса, и потоа се пие. Дојде Панчев и вели: ‘Дај ми го пехарот, треба да го носам на свадба’ и Бина му го дава и тој го однесе во Македонија на свадба. Беше целиот исчукан и мораа да направат нов. Тој пехар на ‘Маракана’ не е оригиналот, бидејќи направија нов“, вели Михајловиќ.

Бразилската фудбалска легенда Пеле повторно е на одделот за интензивна нега во болницата „Алберт Ајнштајн“ во Сао Пауло, објави „ЕСПН Бразил“.

80-годишниот Пеле си замина од болницата во вторникот по успешната операција за отстранување на тумор во дебелото црево, а од болницата официјално објавија дека немаат коментар.

Откако си замина од болницата оваа недела, Пеле преку социјалните мрежи порача дека е подготвен за „90 минути и продолженија“, но ова е последен во низата здравствени проблеми за легендата. Тој одамна не може да оди поради операција на колкот, а последите години беше и на операции за бубрезите и простатата.

Пеле е трикратен освојувач на Светското првенство со Бразил (1958, 1962 и 1970) и уште е најдобар стрелец на „селесао“ со 77 гола во 92 меча.