Македонскиот репрезентативец, Стваре Јада, настапи во квалификациите, во спринт трката во крос-кантри, на ЗОИ во Милано и Кортина.

Во конкуренција на 95 натпреварувачи, Јада го освои 88-то место. Патеката во Вал ди Фјеме тој ја мина со време 3.59.56 минути, со речиси 53 секунди послаб резултат од победникот.

Победи Норвежанецот Јоханес Клабо со време 3.07.37, пред Американецот Бен Огден (3.09.88) и Французинот Жил Шапаз (3.12.86).

Фото/ МОК

По Шеј Гилџис-Александер (Оклахома), уште еден ас ќе го пропушти НБА Ол-стар викендот, станува збор за Стеф Кари. Оваа вест ја објави тренерот на Голден Стејт Вориорс, Стив Кер, пред натпреварот со Мемфис.

Кари почувствува болка во коленото пред две недели и го пропушти четвртиот натпревар по ред поради синдром на пателофеморална болка, попознат како „колено на тркач“. Тој нема да игра ниту во среда против Сан Антонио, за да биде подготвен за дуелот со Бостон на 19 февруари по Ол-стар викендот.

„Работата е што по пат учам што функционира во однос на рехабилитацијата. Коленото сè уште ме боли. Морам да се обидам да го отстранам целото воспаление и болка. Тоа е нешто што сè уште треба да го следиме. Не би сакал да се вратам прерано бидејќи повредата може да се влоши“, рече Кари.

НБА сè уште не објави кој ќе го замени Кари во тимот на САД. Ол-стар викендот ќе се одржи во арената Лос Анџелес Клиперс од 13 до 15 февруари.

Foto/ depositphotos

Линдзи Вон прв пат се огласи по повредата со која се здоби во неделата, на трката в спуст, на Зимските олимписки игри во Милано и Кортина.

Американската, доживеа тежок пад по само 13 секунди на патеката за спуст, со хеликоптер беше префрлена во болицаѕа во Тревизо, каде што беше успешно оперирана.

Иако успеа да се врати на патеката, на 41-годишна возраст и да ги остави зад себе претходните здравствени проблеми, несреќата ѝ ја одзеде можноста да се бори за историски резултат. И покрај повредата, таа рече дека не се кае за својата одлука да му се врати на скијањето.

„Мојот олимписки сон не заврши онака како што сонував. Не беше како во бајка, но тоа е животото. Се осмелив да сонувам и работев напорно за да го остварам тоа. Бидејќи во спустот, разликата помеѓу стратешка линија и катастрофална повреда може да биде само 12 сантиметри.

Бев само 12 сантиметри премногу блиску до мојата идеална линија кога десната рака ја фати вратата одвнатре, ме извитка и ме натера да паднам. Мојот преден вкрстен лигамент и претходните повреди немаа никаква врска со падот. За жал, претрпев сложена тибијална фрактура која моментално е стабилна, но ќе бидат потребни повеќе операции за правилно да се поправи.

Иако трката не заврши како што се надевав и покрај интензивната физичка болка што ја предизвика, не жалам. Стоењето на стартната линија, беше неверојатно чувство што никогаш нема да го заборавам. Сознанието дека стоев таму и имав шанса да победам беше само по себе победа. Исто така знаев дека трчањето е ризик. Отсекогаш било, секогаш ќе биде исклучително опасен спорт.

И слично на спустот, преземаме ризици во животот. Ние сонуваме. Сакаме. Скокаме. А понекогаш паѓаме. Понекогаш ни се кршат срцата. Понекогаш не ги остваруваме соништата за кои знаеме дека можеме. Но, тоа е и убавината на животот; можеме да се обидеме.

Се обидов. Сонував. Скокнав.

Животот е премногу краток за да не ризикуваш, бидејќи единствениот неуспех во животот е да не се обидуваш.

Верувам во вас, исто како што ти веруваше во мене“, напиша таа на социјалната мрежа Инстаграм.

Foto/ depositphotos

Прикажи ову објаву у апликацији Instagram

Објава коју дели L I N D S E Y • V O N N (@lindseyvonn)