Столе Димитриевски и Рајо Ваљекано нема по добро да го паметат гостувањето на „Сан Мамес“ во Билбао. Во 14 коло, Атлетико го декласира Рајо Ваљекано со 4:0.

Серијата ја отвори Гурузета во 23 минута по додавањето на Санчет. Рајо Ваљекано немаше среќа на стартот од вториот дел, во 47. минута Еспино ја затресе сопствената мрежа.

Триумфот на домашните го потврдија браќата Вилијамс, прв погоди Ињаки во 64. минута, прецизен беше и Нико четири минути подоцна. Тогаш беше поставен конечниот резултат.

Вечерва во Хамбург беа извлечени групите за Европското првенство во Гермнанија. На ждрепката учествуваа 21 репрезентација, последните три ќе бидат познати во март 2024 година. Извлечени се шест групи со по четири селекции.

Две групи ќе привлечат особено внимание. Б групата во која покрај бранителот на титулата Италија се Шпанија, Хрватска и Албанија и Ц групата во која се две балканси селекции Србија и Словенија, односно Данска и Англија.

Групи за ЕУРО 2024:

Група А: Германија, Шкотска, Унгарија, Швајцарија

Група Б: Шпанија, Хрватска, Италија, Албанија

Група Ц: Словенија, Данска, Србија, Англија

Група Д: Победник во плеј-офот 1, Холандија, Австрија, Франција

Група Е: Белгија, Словачка, Романија, победник од плеј-офот 2

Група Ф: Турција, Португалија, Чешка, победник на плејофот 3

Евфопското првенство ќе се одржи од 14 јуни до 14 јули 2024 на 10 стадиони во Германија.

Најдобриот снукер играч на сите времиња – Рони О’Саливен со моќна изјава му оддаде почит на српскиот тенисер Новак Ѓоковиќ.

Познато е дека Рони го сака тенисот, а бидејќи легендата на снукерот Џими Вајт ја спореди неговата игра со Роџер Федерер, Рони мораше да реагира.

„Федерер, Надал, Ѓоковиќ – отсекогаш сум сакал да ги гледам. Тие се тројца од најдобрите на сите времиња. За мене Ѓоковиќ е крал на сѐ. Без разлика дали сте фудбалер, играч на голф или хокеј, сите се угледуваат на Ѓоковиќ. Посакувам да можам на маса да го правам тоа што го прави Ѓоковиќ на теренот“, изјави О’Саливен.

Славниот Рони седум пати беше светски шампион, освојуваше турнири, но имаше и свои пороци и падови.

Победата на Светското првенство во 2020 година му ја посвети на српскиот тенисер Новак Ѓоковиќ.

„За да ја освојам оваа титула морам да бидам како Новак Ѓоковиќ. Тој е ужасно доследен, прави се многу добро и не ви дава ништо. Тој не е најграциозниот тенисер, го нема тој сјај на Роџер Федерер или оној форхенд на Рафаел Надал… Но, сè е таму од почеток до крај и неговата форма не паѓа многу. Тој секогаш игра на високо ниво. Си реков дека за да победиш овде во Шефилд треба да ја имаш таа сила и стабилност“, објасни О’Саливен во 2020 година.