Спорт
Русинките имаа +5, на крајот спасуваа реми со Франција

Русинките не успеаја целосно да се одмаздат на Французинките за поразот во финалето на Евро 2018, откако пропуштија водство од пет гола во првото полувреме за да одиграат тешко 28:28 реми, со кое двете репрезентации се поблиску до пласман во полуфиналето на ЕП во Данска и Норвешка.
Русинките имаа многу подобро прво полувреме и водеа со 12:7 во првото полувреме, пред Французинките да го намалат ова водство на три гола (19:16). Во второто полувреме, Александра Лакрабер и Естел Нзе го најавија камбекот и помогнаа Франција да поведе со 24:23, за на крајот Русинките со гол во последните секунди на Олга Фомина да извлечат реми.
Нзе и Осеан Серсиен Уголин беа најефикасни кај Франција со пет гола, додека Владлена Бобровникова, Јулија Манагарова и Антонина Скоробогатченко имаа по пет гола за Русија. Вечерва се игра нордиското дерби меѓу Данска и Шведска, за кои ова е прв меч во втората рунда, додека Французинките и Русинките играа и вчера.
ЕП РАКОМЕТ 2020, 2. ФАЗА
ГРУПА 1
Франција – Русија 28:28 (16:19)
Данска – Шведска 20.30 ч.
Табела: 1.Русија 7, 2.Франција 7, 3.Данска 2, 4.Шведска 1, 5.Шпанија 1, 6.Црна Гора 0.
WATCH: @rushandball ?? in control: watch this assist by Vladlena Bobrovnikova closely! ?#ehfeuro2020 #handballispassion pic.twitter.com/G6Kf1IXVlH
— EHF EURO (@EHFEURO) December 11, 2020
WATCH: SAVE by Amandine Leynaud! ?♀️@FRAHandball ??#ehfeuro2020 #handballispassion pic.twitter.com/73NDnhhce7
— EHF EURO (@EHFEURO) December 11, 2020
WATCH: Great goal from @lacrabere64 at a time when @FRAHandball ?? need it#ehfeuro2020 #handballispassion pic.twitter.com/IroCi5U9Pb
— EHF EURO (@EHFEURO) December 11, 2020
WATCH: Brilliance from Kseniia Makeeva ? @rushandball ??#ehfeuro2020 #handballispassion pic.twitter.com/3ylYXImjhD
— EHF EURO (@EHFEURO) December 11, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан сериозно заинтересирани за Дарвин Нуњез

Милан е заинтересиран за напаѓачот на Ливерпул, Дарвин Нуњез.
Раководството на Милан го контактирало уругвајскиот фудбалер и сериозно сака да го засили нападот со квалитетен играч.
Милан е заинтересиран и за Душан Влаховиќ, Арно Калимуенде и Расмус Хојлунд, но Нуњез е прв избор на клубот од Милано.
Уругвајецот одигра 30 натпревари во Премиер лигата минатата сезона, постигна пет гола и имаше две асистенции.
Ливерпул го доведе напаѓачот Уго Екитике ова лето и се обидува да го доведе Александар Исак од Њукасл, па затоа е подготвен да слушне понуди за Нуњез.
Саудискиот Ал Хилал е исто така заинтересиран за Нуњез, но клубот не испратил официјална понуда.
Спорт
Флорентино Перез сака да ги дознае плановите на Винисиус

Реал Мадрид ќе се врати на тренинзите во клупскиот камп во понеделник, но темата за Винисиус Јуниор (25) сè уште не ги напушта насловите страници. Проблемот со Винисиус лежи во несовпаѓањето помеѓу неговите зборови и постапки, според шпанските медиуми специјализирани за настаните во Реал. Имено, додека за време на турнејата во Соединетите Американски Држави јавно ја изрази својата желба да остане во клубот долгорочно, неговото однесување сугерира спротивно, според шпанските новинари.
Претседателот на Реал, Флорентино Перез, планира лично да се појави во клупскиот камп во Валдебебас следната недела, каде што, покрај посетата на тимот, ќе разговара и со Винисиус, објавува „Дефенса Централ“.
Причината е информацијата што протече во јавноста во последните недели, а се однесува на наводната желба на Бразилецот да има иста или поголема плата од Килијан Мбапе.
„Перез, познат по блискиот однос со Винисиус, сака да има искрен, личен разговор лице в лице со играчот за да дознае од прва рака што всушност планира и како ја гледа својата иднина“, пишува „Дефенса Централ“.
Според истиот извор, претседателот верува дека Винисиус грешил с тајмингот кога ги испорачал барањата.
Неговата моментална форма е далеку од онаа што го стави во конкуренција за Златната топка. Затоа Перез планира да го советува прво да го подигне нивото на својата игра на препознатливо ниво, а дури потоа повторно да седне на маса и да разговара за евентуално продолжување на договорот што трае до јуни 2027 година.
Спорт
Рафиња за Нико Вилијамс: Мислам дека е подобро што не дојде

Нико Вилијамс беше блиску до договор со Барселона на почетокот на летото, но на крајот се предомисли и одлучи да остане во Билбао. За пропаднатиот трансфер зборуваше и Рафиња, кој немаше пофални зборови за постапката на Вилијамс.
Крилниот напаѓач на Атлетик Билбао во два преодни рока ја извиси Барселона. Лани имаше преговори меѓу двете страни, но потоа Вилијамс одлучи да остане уште една сезона во Билбао. На шпочетокот на ова лето преговорите беа интензивни, Барселона
закажа медицински прегледи, но одеднаш се случи нов пресврт.
Вилијамс повторно се предомисли и ја извести Барселона дека решил да ја продолжи соработката со Билбао. Овој потег ги изненади челниците на Барселона, кои беа шокирани од фактот дека Вилијамс повторно ги изигра.
За неуспешниот трансфер зборуваше и Рафиња, кого новинарите го прашаа за целата ситуација, а Бразилецот не го поштеди младиот човек од Билбао.
„Бев смирен во текот на целата ситуација. Играчите кои сакаат да дојдат во Барселона мора да се борат за овој клуб. За мене, најважно е што имаме луѓе во тимот кои навистина сакаат да бидат тука“, рече Рафиња и додаде:
„Оние кои не сакаат да бидат тука, подобро е воопшто да не дојдат. Добрата работа е што имаме млади таленти кои сакаат да бидат во овој тим и да го носат дресот на Барселона. Оние кои не сакаат, подобро е да не дојдат. Затоа мислам дека е подобро што тој не дојде“.