По испаѓањето од АБА лигата, Цибона и Морнар се надевале дека ќе останат меѓу регионалната елита преку административни средства, но тоа нема да се случи, дознава „Спортклуб“.

На седницата на Собранието на АдмиралБет лигата, одлучено е Цибона и Морнар да го загубат местото во натпреварувањето, иако имаат удел во нејзината сопственичка структура.

АБА лигата им понуди на Цибона и на Моран услови под кои овие два клуба ќе останат во лигата, но тие ги одбија тие услови, а потоа следуваше гласање на кое српските „вечни“ ривали Црвена звезда и Партизан гласаа овие два клуба да се преселат во понизок ранг, а ФМП, Мега и Цедевита и Цедевита Олимпија, исто така, дадоа зелено светло, Дерби гласаше за останување.

Со оглед на тоа што Цибона и Морнар се сопственици на АБА лигата, очекувана е нивна бурна реакција, можеби и блокирање на работата на лигата, а интересно ќе биде да се види како ќе се реши овој проблем во моментот кога ќе се објави проширувањето на лигата.

Фото/ffm.mk

Македонските тимови Вардар, Силекс и Работнички ги дознаа имињата на противниците со кои ќе се соочат доколку го минат првото квалификациско коло во Конференциската лига.

Првите натпревари, во рамките на првото коло ќе се одиграат на 10, а реваншите на 17 јули.

Осовјувачот на Купот на Македонија, Вардар, за противник во првата рунда го доби тимот од Сан Марино, Ла Фиорита. Црвено-црните се фаворити во овој дуел и доколку ја оправдаат таа улога, во втората рунда за противник ќе го имаат швајцарскиот тим Лозана.

Силекс и Работнички и во првата рунда нема да имаат лесни задачи, а доколку поминат, во втората ги чекаат сериозни противници.

Доколку Силекс во првото коло го мине Дечиќ од Црна Гора, во втората рунда екипата од Кратово ќе се соочи со Рапид од Виена.

Торпедо од Белорусија е прптивникот на Работнички во првото коло. Ако „романтичарите“ ја минат оваа пречка во второто коло ги чека претставникот на Израел, Макаби Хаифа.

Второто квалификациско коло во Конференциската лига на програмата е на 24 (првите натпревари) и 31 јули (реванши).

Фудбалскиот клуб Барселона се уште не го објавува трансферот на голманот Џоан Гарсија од Еспањол. Барселона реши да ја плати откупната клаузула за голманот (25 милиони евра), но кога ќе објави дека трансферот е официјализиран ќе следи потешкиот дел, регистрација на фудбалерот.

Првиот човек на Ла Лига, Хавиер Тебас, ги предупредува Каталонците дека треба добро да размислат како ќе го регистрираат Гарсија.

Во текот на минатата сезона, Барселона имаше огромни проблеми со на финансиските услови за да регистрира играчи. По се изгледа финансиската ситуација во клубот не е сменета, поради што Каталонците добија предупредување од Хавиер Тебас.

„Едно е да се плати откупната клаузула за Џоан Гарсија. Сосема друго е тој да биде регистриран. Барселона сè уште не е дел од тој договор 1:1“, рече Тебас на една конференција во Мадрид.

„Тие го објавија плаќањето на клаузулата, но не знам дали е извршена уплатата. Покрај тоа, периодот на трансфери и регистрација сè уште не е официјално започнат. Во овој момент не можат да доведат никого“, додаде тој и испрати порака до челниците на Барселона:

„Тие мора да направат некои работи, не многу, но тие многу добро знаат што треба да направат. Не е мое да кажам.“